41. परमेसुर यीशु का मरेन मा से जियावत है

सिपाहिन के द्वारा यीशु का क्रूस पर चढ़ाय देय के बाद, यहूदी अगुवन ने पिलातुस से कहिन, “व झूठे,यीशु ने कहो तय कि व तीन दिन के बाद मुर्दन मा से जी उठी। कोहू का या निश्चय करै के खातिर कबुर कै निगरानी करै का हुई कहसे वहिके चेला वहिकी लाश का चुराय कै ना लयी जाय। अगर उयीं अइसा करत है तो उयीं कहि है कि व मुर्दन मा से जी उठो है।”

पिलातुस कहिस, “कुछ सिपाहिन का लयी जाओ अउर जइसा तुम कर सका वइसा कबुर कै निगरानी करा।” यहीखातिर उयीं व कबुर के खुलैवाले दुवार के पथरा पर इयक मोहर लगाय दीनेन। उयीं या निष्चय करै के खातिर उहाँ सिपाहिन का भी बइठाय दीनेन कि कउनो भी वहिकी लाश का चोराय न सकै।

यीशु के मरै के बाद का दिन सबत का दिन रहय। कउनो भी सबत के दिन मा काम न कर सकत तै। यहीखातिर यीशु का कउनो भी साथी कबुर मा न आओ। लेकिन सबत के बाद के दिन, सुबह बहुत तडके, कुछ औरते यीशु कि कबुर मा जाए के खातिर तैयार भयी। उयीं वहिकी लाश मा अउर भी मसाला लगायो चाहती रहय।

उयीं औरतन के पहुँचय के पहिले कबुर पर इयक भूकंप भा। स्वर्ग से इयक स्वर्गदूत आयकै व पथरा का लुढकाए दीनेस जउन कबुर कें घुसै वाले दुवार का ढके रहय अउर वह मा बईठ गा। वा स्वर्गदूत उजियारे कि तरा चमक रहो तै। कबुर मा जउन सिपाही रहय, उयीं वहिका देखिन। उयीं इत्ता डेराय गे कि मुर्दन कि तरा जमीन मा गिर गे।

जब उयीं औरते कबुर मा पहुंची तो व स्वर्गदूत उनसे कहिस, “मत डेराओ। यीशु इहाँ निहाय। व मुर्दन मा से जि गा है! जइसा कि व कहो तै कि व जि उठी। कबुर मा ढूढा अउर देयाखा।” उयीं औरतन ने कबुर के भीतर अउर जहाँ यीशु कै लाश रखो तै उहाँ खोज कीनेन अउर देखिन कि वहिकै लाश उहाँ निहाय।

तब व स्वर्गदूत ने उन औरतन से कहिस, “जायकै वहीके चेलन का बतावा, ‘यीशु मुर्दन मा से जि उठो है अउर व तोरे आगे आगे गलील का जयी।'"

उयीं औरते अचम्भित भई अउर बहुत खुशी भई। उयीं चेलन का या शुभ संदेश सुनावें के खातिर दउरै लागी।

जब उयीं औरते चेलन का या शुभ संदेश बतावय के खातिर अपने रास्ता मा रहय, तब यीशु उन पर परकट भओं। उयीं वहिके पावन मा गिर परी। तब यीशु ने कहो, “मत डेराओं। जायकै मोरे चेलन से गलील जाय के खातिर कहा।उयीं उहाँ मोहिका देखि है।”