40. यीशु का क्रूस पर चढाओ जात है

यीशु कै ठट्ठा करै कै बाद, सिपाही वहिका क्रूस मा चढावे के खातिर लयी गे। उयीं व क्रूस का वहिसे उठवायन जउने मा व मरी।

उयीं सिपाही यीशु का व जगा मा लयी गे जउन “खोपड़ी ” कहावत ती अउर वहिके हाथन अउर पावन का क्रूस मा कीलन से ठोक दीनेन। लेकिन यीशु ने कहो, “हे मोरे बाप, इनका क्षमा कर, कहे से यी नहीं जानत कि यी काय करत है।” उयीं इयक तख्ती का भी वहिके मुड़े मा ऊपर टांग दीनेन। वह मा लिखो तै, “यहूदियों का राजा।” पिलातुस ने उनसे यहय लिखय का कहो तय।

तब सिपाहियन ने यीशु के कपड़न के खातिर चिट्ठी डाली जब उयीं अइसा कीनेन तो उयीं व भबिष्यवाणी का पूरा कीनेन जउने मा कहो गा तै, “उयीं मोरे कपडन का आपस मा बाँट लइहै अउर मोरे कपडन के खातिर चिट्ठियाँ डरि है।”

वही पर द्वि डाकु भी रहै जिनका सिपाहिन ने वहीं समय पर क्रूस मा चढ़ावो तै। उयीं उनका यीशु कि दोनों ओर क्रूस पर चढाओ तै। उनमा से इयक डाकु ने यीशु का मजाक उड़ायेस लेकिन दुसरे ने कहिस, “तू काहे नहीं डेराते कि परमेसुर तोहिका सजा दायी? हम बहुत से बुरे कामन का कर कै दोषी ठहराए गे हइन, लेकिन या आदमी निर्दोष है।” फिर व यीशु से कहिस, “जब तै अपने राज मा अए तो दया करकै मोहिका याद रखे।” यीशु ने उत्तर दीनेस, “आज ही तै मोरे साथ स्वर्गलोक मा हुईहे।”

यहूदी अगुवन अउर भीड़ के दुसरे लोग यीशु का मजाक उडावय लाग। उयीं वहिसे कहिन, “अगर तै परमेसुर का लरका हइ, तो क्रूस से तरे उतर आव अउर खुद का बचाय ले! तब हम तोही पर विश्वास करब।”

तब व पुरे देश मा आशमान पूरी तरा से करिया हुइगा, यद्यपि व दिन के मध्य का समय रहय। या दुपहरी के समय करिया भा तै अउर तीन घंटे तक अइसा ही रहो तै।

तब यीशु ने पुकार कै कहिस, “पूरा भा! हे मोरे बाप, मै आपन आत्मा तोरे हाथन मा सउपत हऊँ।” तब व अपने सिर का झुकाय दीनेस अउर अपने प्राण का छोड़ दीनेस। जब व मरो तो इयक भूकंप आओ। मंदिर का व बड़ा पर्दा जउन परमेसुर कि उपस्थिति से लोगन का अलग करत तै ऊपर से तरे तक फाट कै द्वि भाग हुइगा।

अपनी मौत के द्वारा, यीशु ने लोगन के खातिर परमेसुर के नेरे आवें का रास्ता खोल दीनेस। जब यीशु कै निगरानी करै वाले इयक सिपाही ने जउन कुछ भा तै। या सब दिखिस तो व कहिस, “निश्चित रूप से, या आदमी निर्दोष रहय। या परमेसुर का लरका रहय।”

तब यूसुफ अउर नीकुदेमुस नाम के दो यहूदी अगुवें आए। उयीं विश्वास करत ते कि यीशु ही मसीही आय। उयीं पिलातुस से यीशु कि देह का माँगिन। उयीं वहिकी देह का कपड़ा मा लपेटेन। तब उयीं वही इयक चट्टान मा से काट कै बनाई गयी कबुर मा लयी गे अउर भीतर रख दीनेन। तब उयीं व कबुर के दुवार का बन्द करै के खातिर इयक बड़े पथरा का लुड़काय दीनेन।