39. यीशु पर मुकद्दमा चलाओ जात है

अब या आधी रात का समय रहै। उयीं सिपाही यीशु का महायाजक के घर लयी आये, काहे से व यीशु से सबाल करो चाहत तै। पतरस दूरी से वहिका पीछा कर रहो तै। जब सिपाही यीशु का घर मा लयी गे, तो पतरस बाहेर रुक कै खुद आग सेकय लाग।

घर के भीतर, यहूदी अगुवन ने यीशु के ऊपर मुकदमा चलायेन। उयीं वहिके खिलाफ झूठी बातन का बोलय के खातिर बहुत से झूठे गवाही का लयी कै आय। हालाकि, उनकीं बातै इयक दुसरे से सहमत नही रही, यही खातिर यहूदी अगुवा या साबित नही कर पाएन कि व कउनो बात का दोषी है। यीशु ने कुछ न कहो।

अंत मा, महायाजक ने सीधे यीशु की तरफ देख कै कहेसे, “हमका बताव कि काय तै ही जीवित परमेसुर का लरका मसीह आही?”

यीशु ने कहो, “मै हूँ, अउर तुम मोहिका परमेसुर के साथ बैइठा हुआ अउर स्वर्ग से आवत हुआ भी देखिहा।” महायाजक ने अपने कपड़े फार लीनेस काहे से जउन यीशु ने कहो व उस बात पर बहुत क्रोधित हुइगा। व दुसरे अगुवन पर चिल्लाओ, “हमका या बतावे के खातिर कउनों दुसरे गवाह कै जरूरत निहाय कि या आदमी ने काय कीन हइस! तुमने खुद ही वहिका या कहत सुन लींन हऊ कि व परमेसुर का लरका आय। वहिके बारे मा तुम्हार काय निर्णय है?”

सब यहूदी अगुवन ने महायाजक का उत्तर दीनेन, “व मरै के योग्य है।” तब उयीं यीशु की आँखिन मा पट्टी बाँध दीनेन, वही पर थूकिन, वही मारेंन अउर वहिका मजाक उड़ायन।

अउर पतरस, जब व घर के बाहेर प्रतिक्षा कर रहो तै। तब इयक दासी लड़की ने वही दिखिस। वा वहिसे कहिस, “तहूँ यीशु के साथ मा रहो हा।” पतरस ने मना कर दीनेस। बाद मा, कउनो दुसर लड़की ने या बात का कहिस, अउर पतरस ने फिर से मना कर दीनेस। अंत मा, कुछ अउर लोगन ने कहो, “हम जानत है कि तै यीशु के साथ रहो हा कहेसे तुम दोनो गलील से आहूँ।”

तब पतरस ने कहो, “अगर मै या आदमी का जनतेओं तो परमेसुर मोहिका श्राप दियय।” जल्दी ही पतरस के इन तना शपथ खाए के बाद इयक मुर्गा ने बांग दी। यीशु ने पाछे मुड़ कै पतरस का दिखिस।

पतरस वहीं से चलो गा अउर फूट-फूट कै रोवय लाग। वही समय, यीशु का पकड़वावे वाला यहूदा ने दिखिस कि यहूदी अगुवन ने यीशु का मृत्युदंड दीन है। यहूदा बहुत दु:खी भा अउर जाय कै खुद का मार डारिस।

अब व देश का राजपाल पिलातुस रहय। व रोम कें खातिर काम करत तै। यहूदी अगुवें यीशु का वहिके नेरे लइकै आए। उयीं चाहत ते कि पिलातुस वही मृत्यदंड देय अउर वही मार डारय। तब पीलातुस ने यीशु से पूछिस, “काय तै यहूदियों का राजा आही?”

यीशु ने उत्तर दीनेस, “तै सच कहत हा। लेकिन मोर राज इहाँ पृथ्वी का नउहय। अगर हुवत तो मोर दास मोरे खातिर युद्ध करत। मै पृथ्वी पर परमेसुर के बारे मा सच बतावें के खातिर आओ हऊँ। हर इयक जन जउन सच से पिरेम करत है व मोर सुनत है।” पीलातुस ने कहो, “तो सच काय है?”

यीशु के साथ बात करै के बाद, पीलातुस ने बाहेर भीड़ के नेरे जाय कै कहिस, “मैं अइसा कउनों कारण नही पउतेव कि या आदमी मार डारै जाय के लाइक है।” लेकिन यहूदी अगुवन अउर भीड़ ने चिल्लाय-चिल्लाय कै कहिन, “वही क्रूस पर चढ़ाव देव।” पीलातुस ने उत्तर दीनेस, “व कुछ भी गलत करै का दोषी निहाय।” लेकिन उयीं अउर भी तेज आवाज मा चिल्लाय लाग। तब पिलातुस ने तीसरी वेर कहो, “व दोषी निहाय।”

पिलातुस डेराय गा कि व भीड़ दंगा शुरु न कर दे, यहीखातिर व अपने सिपाहिन द्वारा यीशु का क्रूस पर चढ़ावें के खातिर मान गा। रोमी सिपाहियों ने यीशु का कोड़े मारिन अउर वहिका राजा वाले कपड़ा पहिराइन अउर वहिके मूडे मा काँटन का बना मुकुट रखिन। तब उयीं या कहिकै वहिका मजाक उड़ावें लाग, “देखों यहूदिन का राजा!”