44. पतरस अउर यूहन्ना इयक भिखारी का ठीक करत है

इयक दिन, पतरस अउर यूहन्ना मंदिर मा गे। इयक लंगड़ा आदमी भीख मांगें के खातिर फाटक पर बइठ रहय।

पतरस ने व लंगड़े आदमी कि तरफ देखिस अउर कहिस, “मोरे पास तोहिका देय के खातिर पइसा तो निहाय। लेकिन जउन मोरे पास है व मै तोहिका देत हऊ। यीशु के नाम से उठ अउर चल- फिर!”

जल्दी ही परमेसुर ने व लंगड़े आदमी का ठीक कर दीनेस। व इहाँ-उहाँ चलब, कूदत अउर परमेसुर कै स्तुति करब शुरू कर दीनेस। मंदिर के आँगन मा हजिर लोग चकित हुई गे।

जल्दी ही लोगन कै इयक भीड़ व आदमी का देखय के खातिर आयी जउन ठीक हुई गा तै। पतरस ने उनसे कहिस, “या आदमी ठीक हुई गा है, लेकिन या बात पर चकित न हुआ। हम ने यही अपनी शक्ति से ठीक न कीन है, या यहीखतिर नउहय कि हम परमेसुर का आदर करत हइन। बल्कि व यीशु है जउन ने या आदमी का अपनी शक्ति से ठीक कीन हइस, कहेसे हम यीशु पर विश्वास करित है।”

“व तुम ही हऊ जउन व रोमी राजपाल का यीशु का मार डालै के खातिर कहो तय। तुम वहिका मार डारेव जउन सब का जीवन देत है। लेकिन परमेसुर ने वहिका मरेन मा से जीयाय दीन हइस। तुम न समझेया कि तुम काय कर रहे हऊ लेकिन जब तुम उन कामन का कर रहे ते, तो जउन परमेसुर का संदेस बतावें वालेंन ने कहो तय व पूरा भा तै। उयीं कहो तय कि मसीह दुःख उठाइ, अउर मार डारो जयी। परमेसुर ने यही या तरिका से होये दीनेस। यहीखातिर अब, पश्चाताप करा अउर परमेसुर कि तरफ मुड़ा ताकि व तुम्हारे पापन का धोय कै साफ़ कर देय।”

जब मंदिर के अगुवन ने पतरस अउर यूहन्ना का सुनेन, तो उयीं बहुत घबराय गे। यहीखातिर उयीं उनका गिरफ्तार करकै जेलखाने मा डार दीनेन। लेकिन जउन पतरस ने कहो तय वह मा बहुत सारे लोगन ने विश्वास कीनेन। यीशु पर विश्वास करै वालेन कै संख्या बढ़ कै लगभग 5,000 हुई गयी।

अगले दिन, उयीं यहूदी अगुवा पतरस अउर युहन्ना का महायाजक अउर दुसरे धार्मिक अगुवन के आगे लइकै आयें। उयीं व आदमी का भी लइकै आए जउन लंगड़ा रहय। उयीं पतरस अउर यूहन्ना से पूछिन, “कउन अधिकार से तुमने य अपंग आदमी का ठीक कर दीन हऊ?”

पतरस उत्तर दीनेस, “या आदमी जउन तोरे आगे खड़ा है व यीशु मसीह कि सामर्थ के द्वारा ठीक कीन गा है। तुमतो यीशु का क्रूस मा चढ़ाय दीन हऊ लेकिन परमेसुर ने वहिका फिर से जीवित कर दीन है! तुम वहिका स्वीकार नहीं कीन है, लेकिन यीशु कि सामर्थ के माध्यम के अलावा उद्धार पावें का कउनो दूसर रास्ता निहाय!”

उयीं अगुवा हैरान रहय कि पतरस अउर युहन्ना ने बहुत साहसी रूप से बात करी है। उयीं देखिन कि यी साधारण आदमी रहय जउन कि अनपढ़ रहय। लेकिन फिर उनका याद आओ कि यी आदमी यीशु के साथ मा रहै। यहीखातिर उयीं उनसे कहिन, “हम तुमका बहुत ज्यादा सजा देब अगर तुम या आदमी यीशु के बारे मा लोगन का कउनो अउर संदेश दयी हा।” अइसी बहुत सी बाते कहय के बाद, उयीं पतरस अउर युहन्ना का जाय दीनेंन।