45. स्तिफनुस अउर फिलिप्पुस

पहिले मसीह अगुवन के बीच मा स्तिफनुस नाम का इयक आदमी रहय। सब लोग वहिका आदर करत ते। पवित्र आत्मा ने वही बहुत सामर्थ अउर ज्ञान दयी दीन तय। स्तिफनुस ने बहुत से चमत्कार कीन तै। जब व यीशु पर विश्वास करै के बारे मा लोगन का शिक्षा दीनेस तो बहुत से लोग वही पर विश्वास कीनेन।

इयक दिन, स्तिफनुस यीशु के बारे मा शिक्षा दयी रहो तै अउर कुछ अइसे यहूदी आए जउन यीशु पर विश्वास न कीन तै, अउर वहिके साथ वाद-विवाद करब शुरु कर दीनेन। उयीं बहुत क्रोधित हुइगे, यहीखतिर उयीं धार्मिक अगुवन के नेरे गे अउर वहिके बारे मा झूठ बोलिन। उयीं कहिन, “हम ने स्तिफनुस को मूसा अउर परमेसुर के बारे मा बुरी बातें बोलत सुनो है।” यहीखातिर धार्मिक अगुवन ने स्तिफनुस को गिरफ्तार कर लीनेन अउर वहिका महायाजक अउर यहूदियन के दुसरे अगुवन के आगे लइकै आए। अउर भी झूठे गवाह आए अउर उयीं स्तिफनुस के बारे मा झूठ बोलिन।

महायाजक ने स्तिफनुस से पूछिस, “काय यी लोग तोरे बारे मा सही कहत है?” स्तिफनुस ने महायाजक का उत्तर देय के खातिर बहुत सी बातन का बोलब शुरु कर दीनेस। व कहिस कि अब्राहम के समय से यीशु के समय तक परमेसुर ने इस्राएल के लोगन के खातिर बहुत से अनोखे काम कीन है लेकिन लोगन ने हमेशा परमेसुर की आज्ञा का न मानेन। स्तिफनुस कहिस, “तुम लोग परमेसुर के खिलाफ हठीले अउर बलबा करै वाले हऊ। तुमने हमेशा पवित्र आत्मा का अस्वीकार कीन हऊ, जइसा की हमारे पुरखन ने हमेशा पवित्र आत्मा को स्वीकार न कीन तै अउर हमेशा वहिके संदेस बतावें वालेन का मार डारेन। लेकिन जउन उयीं कीन तै वहिकी तुलना मा तुम अउर भी बुरा कीन हऊ! तुम मसीह का मार डारो हऊ!”

जब उयीं धार्मिक अगुवन ने या सुनो, तो उयीं इत्ते क्रोधित हुइगे कि उयीं अपने कानन का बंद कर लीनेन अउर ऊँची आवाज मा चिल्लाएन। उयीं स्तिफनुस का घसीट कै शहर के बाहेर लयी गे अउर वही मार डालै के खातिर वहिके पथरा मारेन।

जब स्तिफनुस मर रहो तय, व पुकार उठो, “हे यीशु मोरी आत्मा का स्वीकार कर!” तब व अपने घुटनन पर गिर परो अउर फिर से पुकार उठो, “हे प्रभु, या पाप उन पर न लगाए।” तब व मरगा।

व दिन यरूशलेम मा रहय वाले बहुत से लोगन ने यीशु पर विश्वास करै वाले लोगन को सताउब शुरु कर दीनेन, यहीखातिर विश्वासी लोग दुसरी जगहन का भाग गे। लेकिन यहिके बावजूद भी, जहाँ कहूँ भी उयीं गें, उयीं यीशु के बारे मा परचार कीनेन।

फिलिप्पुस नाम का यीशु का इयक विश्वासी रहय। जइसा की अन्य बहुत से विश्वासिन ने कीन तै व भी यरूशलेम से भाग गा। व सामरिया के देश मा चलो गा। उहाँ व लोगन मा यीशु के बारे मा परचार कीनेस। बहुत से लोगन ने वहमा विश्वास कीनेन अउर उद्धार पाएन। इयक दिन, फिलिप्पुस के नेरे परमेसुर की तरफ से इयक स्वर्गदूत आओ अउर वहिसे जंगल मा जाय के खातिर अउर इयक सड़क मा चलै के खातिर कहिस। फिलिप्पुस उहाँ चलोगा। जब व उस सड़क पर चल रहो तै तो व इयक आदमी का अपने रथ मा जात दिखिस। या आदमी कूश देश का इयक महत्वपूर्ण अधिकारी रहय। पवित्र आत्मा ने फिलिप्पुस से कहिस कि जाय कै व आदमी से बाते कर।

यहीखातिर फिलिप्पुस रथ के नेरे गा। व सुनेस कि व कूशी परमेसुर के बचन का पढ़ रहो तै। जउन यशायाह संदेस बतावें वाले ने लिखो तै व वही पढ़ रहो तै। व पढ़ रहो तै कि, “उयीं वहिका वध कीन जाय वाले मेमना की तरा लयी गे अउर जइसा इयक मेमना शान्त हुवत है व भी इयक शब्द न कहिस। उयीं वहिके साथ अनुचित व्यवहार कीनेन अउर वहिका आदर न कीनेन। उयीं वहिकै जान लयी लीनेन।”

फिलिप्पुस ने व कूशी आदमी से पूछिस, “जउन तै पढ़ रहो हई काय तै वहिका समझत हई?” व कूशी आदमी ने उत्तर दीनेस, “नही। जब तक कउनो यही मोहिका न समझाई, तब तक मै यही न समझ सकिहऊ। किरपा करकै मोरे नेरे आयकै बइठ जा। यशायाह या अपने बारे मा लिख रहो तै या कउनो अउर के?”

फिलिप्पुस रथ मा चढ़ कै बइठगा। तब उसने व कूशी आदमी का व बताएस जउन यशायाह ने यीशु के बारे मा लिखो तै। फिलिप्पुस ने परमेसुर के बचन से बहुत से दुसरे भागन कै भी चर्चा कीनेस। इन तना से, उसने व आदमी का यीशु के बारे मा शुभ संदेश सुनाइस।

फिलिप्पुस अउर व कूशी आदमी यात्रा करत पानी के नेरे आयगे। व कूशी आदमी ने कहो, “देख इहाँ पानी है। काय मैं बपतिस्मा लयी सकत हऊँ?” अउर व सारथी से रथ का रोकय के खातिर कहिस।

अतः उयीं पानी मा उतर गे अउर फिलिप्पुस ने व कूशी आदमी का बपतिस्मा दीनेस। जब उयीं पानी से बाहेर आए, तो पवित्र आत्मा अचानक ही फिलिप्पुस का उठाय कै कउनो दुसरी जगा मा लयी गा। उहाँ फिलिप्पुस ने लोगन को यीशु के बारे मा बताउब जारी रखेस।

व कूशी आदमी अपने घर की यात्रा पर आगे बढ़ गा। व खुश रहय कि व अब यीशु का जानत रहय।