49. परमेसुर का नया वायदा

इयक स्वर्गदूत ने इयक जवान औरत मरियम से कहिस कि व परमेसुर के लरका का पइदा करी। व अवै कुँआरी रहय, लेकिन पवित्रआत्मा वही पर आओ अउर व गर्भवती भयी। व इयक लरका का पइदा कीनेस जेहिका नाम व यीशु रखिस। यही खातिर, यीशु परमेसुर अउर आदमी दोनों है।

यीशु ने बहुत से चमत्कार कीनेस जउन देखावत है कि व परमेसुर है। व पानी मा चलो अउर आँधी का शान्त कीनेस। व बहुत से बीमार लोगन का ठीक कीनेस अउर बहुत से लोगन मा से दुष्टआत्मन का निकारेस। व मरे आदमिन का जीयाय दीनेस, अउर व पाँच रोटी अउर द्वि मछरिन से 5000 लोगन का खाना खवावे के खातिर पर्याप्त भोजन मा बदल दीनेस।

यीशु इयक महान गुरु भी रहय। जउन कुछ भी व सिखायस व सिद्धता के साथ सिखायस। जउन व लोगन से करै के खातिर कहिस व उनका करो चाही, कहेसे व परमेसुर का लरका आय। उदाहरण के खातिर व सिखाइस कि तुमका दुसरे लोगन को वही रीती से प्यार करै कै जरूरत है, जइसा तुम खुद का प्यार करत हऊँ।

व या भी सिखायस कि तुमका सब चीजन से ज्यादा अउर अपनी सम्पत्ति से भी ज्यादा परमेसुर का प्यार करो चाही।

यीशु ने कहो कि संसार मा कउनो भी चीज का पावें से ज्यादा अच्छा है, परमेसुर के राज मा हुवब। वहिके राज मा तुमका घुसै के खातिर जरूरी है कि परमेसुर तुमका तोरे पापन से बचाई।

यीशु ने कहो कि कुछ लोग वहिका स्वीकार करी है, परमेसुर उन लोगन का बचाई। लेकिन दुसरे लोग वहिका स्वीकार न करी है। व या भी कहिस कि कुछ लोग नीक जमीन के सामान है, कहेसे उयीं यीशु के बारे मा शुभ संदेश का स्वीकार कर लियत है, अउर परमेसुर उनका बचावत है। लेकिन कुछ लोग रास्ते कि कठोर जमीन कि तरा है। परमेसुर का बचन बीज कि तरह रास्ते मा गिरत है, लेकिन उहाँ कुछ भी नहीं जामत है। इयीं लोग यीशु के बारे में संदेश को अस्वीकार कर दियत है। उयीं वहिके राज मा घुसय से इनकार कर दियत है।

यीशु सिखाइस कि परमेसुर पापिन से बहुत प्यार करत है। व उनका क्षमा करो चाहत है, अउर उनका अपनी औलाद बनाओं चाहत है।

यीशु या भी बताइस कि परमेसुर पाप से घृणा करत है। कहेसे आदम अउर हब्बा ने पाप कीन तै, यहीखातिर वहिके सारे वंशज भी पाप कीन है। या संसार मा रहय वाला हर इयक आदमी पाप करत है अउर परमेसुर से दूर है। हर इयक आदमी परमेसुर का दुश्मन है।

लेकिन परमेसुर ने या संसार मा रहय वाले हर इयक आदमी से या रीत से प्यार करत है, व आपन इकलउता लरका का दयी दीनेस ताकि परमेसुर वहिका सजा न देय जउन यीशु पर विश्वास करत है। यहिकी बजाय, उयीं वहिके साथ हमेशा के खातिर रहि है।

हम मरै के योग्य है, काहे सें हम पाप कीन है। परमेसुर के खातिर य उचित हुई कि व हमका दण्ड दियय, लेकिन यीशु ने हमारी जगा मा पाप का दण्ड लयी लियत है। परमेसुर यीशु का क्रूस कै मृत्यु दण्ड दीनेस।

यीशु कबहूँ पाप नही कीनेस, लेकिन व पाप के दण्ड का स्वीकार कीनेस, इहाँ तक कि सबसे भयंकर मृत्यु दण्ड का भी स्वीकार कर लीनेस। या रीत से, तोरे पापन का अउर या संसार मा रहय वाले हर इयक आदमी के पापन का उठाय लयी जाय के खातिर, व इयक सिद्ध बलिदान रहय। यीशु ने खुद का परमेसुर के खातिर बलिदान कर दीनेस, यहीखातिर परमेसुर उन लोगन के कउनो भी पाप को, यहाँ तक कि भयंकर पापन का भी क्षमा कर दियत है जउन यीशु पर विश्वास करत है।

भले ही तुम बहुत से नीक काम करत हऊ, पर यहिके द्वारा परमेसुर तुमका न बचाई। वहिका साथी बनय के खातिर अइसा कुछ भी नही है जउन तुम कर सकत हऊँ। यहिकी बजाय तुमका विश्वास करै का है कि यीशु परमेसुर का लरका है, अउर व तोरे बदले मा क्रूस पर मरगा, अउर या भी कि परमेसुर ने वही फिर से जियाय दीन हइस। अगर तुम या पर विश्वास करिहा, तो परमेसुर तोरे पापन का क्षमा कर दयी।

परमेसुर व हर इयक आदमी का बचाई जउन यीशु पर विश्वास करत है अउर वही आपन प्रभू करकै स्वीकार करत है। लेकिन व उनका न बचाई जउन वह पर विश्वास न करत है। या कउनों मायने नही रखत है कि तुम धनी हऊ या गरीब हऊ, आदमी हऊ या औरत, बूढ़ हऊ या ज्वान या तुम कहाँ रहत हऊ। परमेसुर तुमसे प्यार करत है अउर चाहत है कि तुम यीशु पर विश्वास करा कि व तोर साथी बन सकै।

यीशु तुमका बुलाय रहो है कि वहमा विश्वास करा अउर बपतिस्मा लेओ। कहे तुम विश्वास करत हऊ कि परमेसुर का इकलउता लरका, यीशु ही मसीह है? कहे तुम विश्वास करत हऊँ कि तुम इयक पापी आदमी हऊ अउर या कि तुम परमेसुर द्वारा दण्ड दीन जाय के योग्य हऊँ। कहे तुम विश्वास करत हउ कि तोरे पापन का मिटावें के खातिर यीशु क्रूस पर मरो?

अगर तुम यीशु पर विश्वास करत हऊ अउर जउन व तोरे खातिर कीन है वहिका स्वीकार करत हऊ, तो तुम यीशु के इयक अनुयाइ हऊ! शैतान अपने अन्धकार के राज मा अब तुम पर शासन न करी। अब परमेसुर अपने प्रकाश के राज मा तुम पर शासन करत है। व तुमका पाप न करै से रोक दयी, जउन तुम पहिले से करत हऊ। उसने तुमका इयक नया, उचित जीवन दयी दीन है।

अगर तुम यीशु के अनुयाइ हऊ तो जउन यीशु ने कीन है वहिके कारण परमेसुर ने तोरे पापन का क्षमा कर दीन है। अब परमेसुर इयक दुश्मन के बजाय तुमका इयक सच्चा साथी मानत है।

अगर तुम परमेसुर के साथी हऊ अउर प्रभू यीशु के सेवक हऊ तो तुम उन बातन का पालन करै कै इच्छा करिहा जउन यीशु तुमका सिखावत है। भले ही तुम यीशु के अनुयाई हऊ, शैतान अबै भी पाप करवावय के खातिर तोर परीक्षा करी। लेकिन परमेसुर हमेशा व करत है जउन व कहत है कि व करी। व कहत है कि अगर तुम अपने पापन को मान लइहा, तो व तुमका क्षमा कर दयी। व तुमका पाप के खिलाफ लडै कै सामर्थ दयी।

परमेसुर तुमका प्रार्थना करै अउर वहिके बचन का पढ़े के खातिर कहत है। व तुमका दुसरे विश्वासिन के साथ मिल कै वहिकै आराधना करै के खातिर भी कहत है। तुमका दुसरे लोगन का भी बतावें का है कि व तोरे खातिर काय करत है। अगर तुम इन सब कामन का करिहा, तो तुम वहिके इयक सच्चे साथी बन जइहा।