6. परमेसुर इसहाक के खातिर व्यवस्था करत है

जबही अब्राहम बहुत बूढाय गा तबही वहिका लरका, इसहाक, इयक जवान आदमी कि अवस्था के बराबर हुई गा तै। यहीखातिर अब्राहम अपने इयक सेवक का अपने रिश्तेदारन के देश मा यहीखातिर भेजिस ताकि वा इसहाक के खातिर इयक मेहरिया लावें।

इयक लम्बी यात्रा के बाद, अब्राहम का सेवक वा देश मा पहुचो, जउन देश मा अब्राहम के रिश्तेदार रहत ते। परमेसुर ने वहिकै अगुबाई कीनेस, कि वा रिबका से मुलाकात कर सके। रिबका अब्राहम के भाई कै नातिन रहै।

रिबका अपने परिवार का छोड़ कै व सेवक के साथ वापिस इसहाक के घर जाये के खातिर मान गै। जइसन ही रिबका पहुँची, इसहाक वहिसे विवाह कर लीनेस।

इयक लम्बी आयु के बाद, अब्राहम मर गा। तबै परमेसुर अब्राहम के लरका इसहाक का आशीष दीनेस,कहेसे परमेसुर ने अब्राहम के साथ वाचा बांधी। व वाचा मा परमेसुर का वायदा रहै कि अब्राहम के अनगिनत वंशज हुयी हैं। लेकिन इसहाक कि मेहरिया रिबका के संतान पैदा न भई।

इसहाक रिबका के खातिर प्रार्थना कीनेस, अउर परमेसुर वहिके गरभ मा जुड़वाँ बच्चे दीनेस। जउन समय उयीं बच्चे रिबका के गरभ मा रहै, उयीं आपस मा लडै लाग, यहीखातिर रिबका ने परमेसुर से पूँछिस कि या काय हुई रहो है?

परमेसुर रिबका से कहिस, “तै द्वि लरकन का जनम दयी हे। उनकी वंशज द्वि अलग-अलग जाति हुई हैं। उयीं इयक दुसरे से लड़ी है। लेकिन बड़े लरका से पैदा हुवए वाली जाति का छोटे लरका से पैदा हूवए वाली जाति कै आज्ञा मानै का पड़ी।”

जबही रिबका के लरकन का जनम भा तबै बड़ा लरका लाल रोएँदार रहै, अउर उयीं वहिका नाम एसाव रखिन। तबहिन छोट लरका एसाव कै एड़ी पकरे हुए जनमो अउर उयीं वहिका नाम याकूब रखिन।