5. वायदा का लरका

अब्राम अउर सारै के कनान पहूचए के दस साल बाद भी, उनके कउनव संतान ना पैदा भई। यहीखातिर अब्राम कै मेहरिया सारै; वहिसे कहिस, “दियख परमेसुर अबै तक मोहिका कउनो भी संतान नही दीनेस अउर अब मै संतान पैदा करै के खातिर बहुत बुढाय गयी हूँ। सुन, मोर दासी हाजिरा हेइनय है। वहूँ से तै विवाह कर ले ताकि वा मोरे खातिर संतान पैदा कर सकै।”

अतः अब्राम ने हाजिरा से विवाह कर लिहिस। हाजिरा के इयक लरका पैदा भा, अउर अब्राम वहिका नाम इस्माएल रखिस। सारै हाजिरा से चिढ़े लाग। जब इस्माएल त्यारा साल का भा, तब परमेसुर फिर से अब्राम से बात कीनेस।

परमेसुर कहिस, “मैं सर्वशक्तिमान परमेसुर हूँ। मैं तोरे साथ इयक वाचा बाँधत हऊँ।” तब अब्राम जमीन मा गिर कै परणाम कीनेस। तब परमेसुर अब्राम से या कहिस, “तै बहुत सारी जातिन का बाप बनिहें। मैं तोही अउर तोरे वंश का उनकै आपन जमीन हुवयं के खातिर कनान दियश दइहव अउर मैं सदा के खातिर वहिका परमेसुर होइहव। तै अपने घराने के हर आदमी का खतना करे।”

“तोर मेहरिया सारै इयक लरका पैदा करी-वा वायदा का लरका हुई। वहिका नाम इसहाक रखिस। मै वहिके साथ आपन वाचा याद रखिहव अउर व इयक बड़ी जाति बन जई। मैं इशमाइल का भी एक बड़ी जाति बनइहव, कहेसे मोर वाचा इसहाक के साथ रही।” तबै परमेसुर अब्राम का नाम बदलकै अब्राहम कर दीनेस जेहिका मतलब है “बहुतन का बाप”। परमेसुर सारै का नाम बदलकै सारा कर दीनेस जेहिका मतलब “राजकुमारी”।

वही दिना अब्राहम ने अपने घराने के सबै आदमिन का खतना करिस। लगभग एक साल बाद, अब्राहम 100 साल का भा अउर सारा 90 साल कै भई। तबै सारा अब्राहम के लरका का पैदा कीनेस। जइसै परमेसुर वही से कहो तै वही तना उई वही का नाम इसहाक रखिन।

जब इसहाक जवान भा, तबै परमेसुर ने अब्राहम के विश्वास कै परीक्षा कीनेस, “आपन इकलउतो लरका का लइकै, वही मोरे खातिर बलि चढ़ाय दे।फिर अब्राहम ने परमेसुर कै आज्ञा मानिस अउर अपने लरका का बलि करै के खातिर तयार कीनेस।

जबै अब्राहम अउर इसहाक बलि चढ़ावै की जगा कि तरफ जाए लाग तबै इसहाक पूछै लाग, “हे मोरे बाप हमारे पास बलिदान के खातिर लकरियां तो है, लेकिन बलि करै के खातिर मेमना कहाँ है?” तबै अब्राहम जवाब दीनेस, “हे मोरे लरका, परमेसुर बलि करै के खातिर मेमना का परबंध करी।”

जबै उयीं बलि चढ़ावै कि जगा मा पहुँचगे, तबै अब्राहम ने इसहाक का बाँध कै वेदी मा लेटाय दीनेस। व अपने लरका का मरही वाला रहै तबै परमेसुर कहिस, “रुक जा! लरका का नुकसान न पहुचाये! अब मै जान गयों कि तै मोर भय मानत हा, कहेसे कि तै अपने एकलौते लरका का भी मोहिसे बचाय कै नही राखे।”

अब्राहम अपने से थोड़ी दूरी मा इयक मेमना दिखिस जउन झाडिन मा फँस गा तय। इसहाक के बदले मा बलि चढ़ावय के खातिर परमेसुर खुदही इयक मेमना का परबंध कीन रहिस। अब्राहम आनंद से मेमना का बलि चढ़ाइस।

परमेसुर ने अब्राहम से कहिस, “कहेसे तै मोरे खातिर सब कुछ देय का तइयार हई यहाँ तक कि आपन एकलउता लरका का भी, यहीखातिर मै तोही आशीष देय का वायदा करत हऊँ। तोर वंशज आसमान कि तरइयन से भी ज्यादा हुई। तै मोर आज्ञा का पालन कीन हई यहीखातिर मै तोरे परिवार से संसार के सब कुलन का आशीष दइहव।”