35. दयालु बाप की कहिसनी

एक दिन, यीशु ही कइ लोगनाऊन से को शिक्षा देत होतीस जो ओकी सुनन के गुना जमा भये होतीन। ही लोग टेक्स लेन वाले अऊर संग में कइ दुसरे लोग भी होतीन जिनने मूसा की व्यवस्था को पालन करन की कोशिश नी करे होतीन।

कइ धार्मिक अगवा नाऊन ने देखीन कि यीशु ही लोगनाऊन से एक संगी के सारखो बात करत होतीस। एकेगुना हुनने एक मेक से यो कहनो शुरू करीन कि हु गलत कर रहीस हय। यीशु ने हुनको बात करत सुनीस, एकेगुना ओने हुनको या कहिसनी बताइस।

एक मानुष होतीस जेके दो टूरा होतीन। छोटे टूरा ने अपने बाप से कहिस, 'हे मोरो बाप, मोको अभी मोरो हिस्सा दे दे!' एकेगुना ओके बाप ने अपने दोई टूरा के बीच में अपनी सम्पत्ति को बाट देइस।

तुरूतच ही छोटा टूरा अपना सब कुछ इकट्ठा करके दूर देश को चले गइस अऊर पापी जीवन जीन से अपने पुरे धन को बर्बाद कर देइस।

कुछ समय के बाद, जहाँ छोटो टूरा होतीस हु देश में एक बड़ो भयंकर अकाल पडीस, अऊर ओके जवर जेवन खरीदन के गुना भी कुछ पैसा नी होतीस। एकेगुना ओको जो काम मिलीस हु डुक्करनाऊन को चरान को होतीस। हु इतनो दुःखी अऊर भूखा होतीस कि हु डुक्करनाऊन को जेवन खानो चाहत होतीस।

आखिर में, हु छोटे टूरा ने अपने आप से कहिस, 'मय का कर रहेम हम? मोरे बाप के सप्पाई सेवकनाऊन के जवर भी खान के गुना बहुत हय, फिर भी मय यहाँ पे भूखो मर रहेम हम। मय अपने बाप के जवर वापस जाऊँ अऊर अपने बाप को एक सेवक बनन के गुना ओके से बिनती करूँ।'

एकेगुना हु छोटे टूरा ने वापस अपने बाप के घर के किना जानो शुरू करीस। जबकि भी हु दूरच होतीस, ओके बाप ने ओको देखीस अऊर ओके पे दया करीस। हु धाव के अपने टूरा के जवर गइस अऊर ओको गले लगायके चूमीस।

हु टूरा ने कहिस, 'हे मोरे बाप, मयने परमेश्वर अऊर तोरे खिलाफ पाप करेम हम। मय तोरो टूरा कहलान के लायक भी निय्याम।'

पर ओके बाप ने अपने एक सेवक से कहिस, 'जल्दी से जायके सबसे साजरो कपडा लेके आव अऊर मोरे टूरा को पहनाओ! ओकी उंगली में मुन्दी अऊर ओके पाय में जूता पहनाओ। फिर सबसे साजरो बछड़ा मारो ताकि हम खाबोन अऊर ख़ुशी मनाबोन, कायाकि मोरो टूरा मर गये होतीस, पर अब हु जिन्दो हय! हु घूम गइतीस पर अब हमने ओको पा लेयेन हन!'

एकेगुना लोगों ने उत्सव मनाना आरम्भ किया। कुछ समय बीतने पर, बड़ा टूरा खेत में काम करके घर आया। उसने संगीत अऊर नाच की आवाज को सुना अऊर अचम्भित हुआ कि यह क्या हो रहा होतीस।

जब बडो टूरा को मालूम भइस कि ही लोग ख़ुशी मना रहिन हत कायाकि ओको भाऊ घर आ गए होतीस, तो हु बहुत गुस्सा भइस अऊर घर में नी घुसीस। ओके बाप ने बाहर आयके ओको हुनके संग ख़ुशी मनान की बिनती करीस, पर ओने मना कर देइस।

हु बडो टूरा ने अपने बाप से कहिस, 'इतने साल मयने तोरे गुना पुरे ईमानदारी से काम करेम! कभी भी तेरी बात को नी टालेम, पर तूने कभी मोको एक छोटी बकरी भी नी देयेस ताकि मय अपने संगीनाऊन के संग जेवन की ख़ुशी मना सकूँ। पर तोरे यो टूरा ने तोरेरे धन को पाप के काम करन में उड़ा देइस हय। अऊर अब जब हु आइस हय तो ओके गुना ख़ुशी मनान को तूने सबसे साजरो बछडा को मार डालेस!'

बाप ने जवाब देइस, 'हे मोरे टूरा, तू हमेशा मोरे संग हस, अऊर जो कइ मोरो हय हु सब तेरो हय। पर हमारे गुना ख़ुशी मनानो सही हय कायाकि तोरो भाऊ मर गइतीस, पर अब हु जिन्दो हय। हु घुम गइतीस, पर अब हमने ओको पा लेयेन हून!'