10. ची न्येला
परमेश्वर सै मूसा हंग हारून जा चेतावनी दास कि फिरौन राजा सारो ल्यंग। हंग उसी फिरौन राजा गै न्योरो दिस ता उसीस ल्यैस, “इस्राएल गै परमेश्वर हिना ल्यैग तास, “जिग मि मंग जा दिम दायो!”’ हंग फिरौन राजा सै उग मुयंस हंग इस्राएली मंग जा दिम दंची आजाद स्युंग्म गै बदला उस उसीजा हजू मत्त मेहनत स्युंग्म दंची मजबूर कस्युंग।
फिरौन राजा उसि मि मंग जा दिम दंची ज्या ज्यारी मना स्युंग तास, हिना दंची परमेश्वर सै मिस्र कू ची मत्त यद न्येला थिरस। हिदी यद न्येला गै चैन्तु, परमेश्वर सै फिरौन राजा जा दिखास कि उ फिरौन राजा हंग मिस्र गै सेमा च्यंग मत्त तरत अनि।
परमेश्वर सै नील यंगती जा सी कू कबलस, हंग फिरौन राजा सै इता री इस्राएली मंग जा दिम मुदास।
परमेश्वर सै पूरोइ मिस्र कू भेक्तौ थिरस। फिरौन राजा सै भेक्तौ जा वानम थिरम दंची मूसा जा होस्यी स्युंग्स। हंग जम्मा भेक्तौ गै सिचिम गै निंग्म, फिरौन सै अफिग मन सारो कस्यूंग हंग इस्राएलि मंग जा मिस्र स दिम मुदास।
हिना दंची परमेश्वर सै चीथ वाला छोकच गै न्येला थिरस। उग निमफन उस डांस गै न्येला थिरस। फिरौन राजा सै मूसा हंग हारून जा हुइस हंग उसिजा ल्यैस कि हंग उसि अति न्येला जा रुकातीम च्यंग इस्राएली मिस्र जा होतिग दिनी| हंग मूसा सै प्रार्थना स्युंग्स ता परमेश्वर सै मिस्र कू खची डांस जा कफितिस हंग फिरौन राजा सै अफिग मन सारो कस्युंग हंग उसी मंग जा आजाद ल्हैग दिम मुदास।
हिदि ग लरी, परमेश्वर सै मिस्री मंग गै जम्मा चिमजा ची ले लुकच कांग्त ल्हैग सिचिम दास। हंग फिरौन गै मन सारो कल्त निस हंग उस इस्राएमी मंग जा दिम मुदास।
हंग परमेश्वर सै मूसा स फिरौन गै निद कू नलन कू फा चांग्म दंची ल्यैस हंग उस हिना स्युंगस ता मिस्र गै मंग गै बे कू कांगत वाला छीने वंक रास, हंग इस्राएली मंग जा खरी मुल्च। परमेश्वर सै फिरौन राजा गै मन सारो कस्युंग, हंग फिरौन राजा सै इस्राएली मंग जा आजाद ल्हैग दिम मुदास।
हिदी ग निमफन, परमेश्वर सै डालू पिरास हंग फिरौन गै मत्त ग्येरा जा नाश कस्युंगति हंग जइ खमी री छंगपंग रास उजा पच्यंग तिस। फिरौन राजा सै मूसा हंग हारून जा हुइस हंग उजा ल्यैस, “जिस पाप कस्युंगद अनि। गनि दि तरनी”। हिना दंची मूसा सै प्रार्थना स्युंगस, हंग तिम्भु खची डालू राम बंद कल्च।
परन्तु फिरौन राजा सै हजू पाप स्युंग्स हंग अफिग मन सारो कस्यूंग। उस इस्राएली मंग जा आजाद ल्हैग दिम मुदास।
हिना दंची परमेश्वर सै मिस्र कू मत्त माछया जा राम दास। हिदी माछया सै अति जम्मा ग्येरा कज्जातिस जइ जा डालू सै नाश मुस्युंगसिद निस।
हजू परमेश्वर सै सुम ज्या वास वम्बंग कस्युंगतिस। हिदी हिलंग वम्बंग निस कि मिस्री मंग अफिग चिमजा खची छंगपंग रा मतरस। हंग जइ बं इस्राएली मंग स्योंगसिद निन्नस अति बं कू छन्त निस।
हिदी गुइ न्येला गै निमफन री, फिरौन राजा सै इस्राएलियों मंग जा आजाद ल्हैग दिम मुदास। खस्युंग कि फिरोन राजा सै मुयन्स हिना दंची परमेश्वर सै तिग आखरी न्येला थिरम ग योजना बनास। हिदी फिरौन गै मन बदल तियंग।
निर्गमन अध्याय 5-10 से बाइबल गै तिग कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।