9. परमेश्वर मूसा जा हुइग तास
यूसुफ गै सिचिम गै निमफन उग जम्मा स्यासिमंग मिस्र कू स्योंगसिनन्स। उसी हंग उग वंशज उलंग यन वास मिस्र कू हि स्योंगसिनन्स हंग उसीस मत्त सन्मंग जन्म दास। उसी इस्राएली ल्हैनन्स।
सय यन गै निमफन, इस्राएलियों गै संख्या मत्त कबढ़स। हंग मिस्री मंग थन हिदी कथा गै दंची धन्यवादी मुनिस कि उसीग सहायता स्युंग्म दंची यूसुफ सै उलंगन स्युंग्स। उसी इस्राएली मंग सै कजेरस खस्युंग कि उसी संख्या कू उसी जा मत्त अछो निस। हिना दंची अति वक्त मिस्र कू राज स्युंग्म वाला फिरौन राजा सै इस्राएलि मंग जा मिस्री मंग जा गुलाम कबनास।
मिस्री मंग सै इस्राएलि मंग जा मत्त स चिम हंग इता वास कि मत्त सौंग बनाम दंची मजबूर स्युंगनन्स। अति मत्त मेहनत सै उसी जीवन कू पूद दु:खु कबनातिस, हंग परमेश्वर सै उसी जा आशीर्वाद दास हंग उसीग मत्त संतान पैदा लित।
फिरौन राजा सै कतिन्स कि इस्राएलि मंग गै मत्त संतान पैदा ल्हैग निस, हिना दंची उस अफिग मि मंग जा इस्राएलि मंग गै जम्मा सिरि संतान जा नील यंगती कू थितिग लग पचयंगम दंची फिन्सयद कदास।
तिग खास इस्राएलि मिनंसिरी सै तिग सिरि जा जन्म दास। उस हंग उग रीथि सै उलंग उसीजा ल्है तरस अति सेंद जा च्याग तास।
हंग अति सेंद गै मुमा -बूबा उजा हंग मत्त च्यासि मुतरस, ता उसीस उजा सिचिम सै बचाम दंची तिग तैरते वाला छापरी कू नील यंगति गै सिन गै बोटु गै गुंदा कतातिस। उग पूद तता सै हिदी औंग तास कि उग जरू खै ल्हिनि।
फिरौन राजा गै चमै सै अति छापरी जा औंग तिस उग भीतरु तिन्स। हंग उस तिग सैन्द जा तिन्स ता उस उजा अफिग सैन्द नारुकत पिकोरस। उस तिग इस्राएली रीथिस्या जा नू पीलाम दंची लन कू कतास, उजा खरी पत्तो मुनिस कि उ अति सैन्द गै सांक मुमा निस। हंग उ सैन्द हिलंग पूद कल्च कि थन उजा अफिग मुमा गै नू गै जरूरत मुनिस, ता उस फिरौन राजा ग चमै गै न्योरो उजा ल्याकतिस, उग मिन मूसा निस।
तिज्या, हंग मूसा पूद कल्त निस, ता उस तिन्स कि तिग मिस्री तिग इस्राएली जा लुब्ग तास। मूसा सै अफिग साथौ इस्राएली जा बचाम गै कोशिश स्युंग्स।
हंग मूसा सै चिचिस कि उजा खमी री मुतिन्न ता उस उ मिस्री जा पच्यंगतिस हंग उजा सा कू कतांगतिस। हंग मूसा सै कस्युंगसिद निस उजा खमिस कतिन्स।
फिरौन राजा जा पत्तौ कचल्स कि मूसा सै खै स्युंग्स। उस उजा पच्यंगम दंची कोशिश स्युंग्स, हंग मूसा मिस्र कू खची फोंग सिर पिदिस। फिरौन राजा गै सिपाही उजा अतकू मासिमुतरस।
मिस्र स वानम सीर कू मूसा तिग रोहक्चा कबनस। उस अतकू तिग मिनंसिरि जा ढामी कस्युंग हंग निस्यी सिरि पैदा कस्युंग।
मूसा अफिग थंग्मी गै माला गै यम्बा औंग तास। तिज्या, उस तिग रूम वाला झाड़ा जा तिन्स जइ मि लुकइ निस। उजा औंग्म दंची उ अति झाड़ा गै न्योरो दिस। हंग उ उग मत्त न्योरो निस ता परमेश्वर सै उजा कथा स्युंग्स। उस ल्यैस, “हे मूसा, अफिग पौला ठुल्ग। गै तीग शुद्ध बं कू कयबत अनि।
परमेश्वर सै ल्यैस, “जीस अफिग मि मंग गै दु:खु तिन्स। जी गजा फिरौन राजा गै न्योरो थिरयंग ताकि गै इस्राएली मंग जा गुलामी स आंग रतिग रायंग। जी उसीजा कनान राजू दायंग, अति राजू जइग जिस अब्राहम, इसहाक हंग याकूब स वादा कस्युंगसिद निस|”
मूसा सै रुस, “हंग पत्तो स्युंग्म चिंथ निस कि जीजा खमि स थिरस ता जी खै ल्हैम?” परमेश्वर सै ल्यैस, “जइ जी ल्हिय सो जी ल्हिय। उसिजा ल्हैयो, “जी ल्हिय सै जीजा गनिग न्योरो कथिरस”। उसीस हिना री ल्हैनि, “जी नग पूर्वज अब्राहम, इसहाक हंग याकूब गै परमेश्वर यहोवा ल्हिय।’ जिग हिदी मिन राज्या दंची अनि।
मूसा जेरक निस हंग फिरौन राजा गै न्योरो दिम मुचिन्थ निस खस्युंग कि उस चिचिस कि उ बुद स फा मुतरयंग, हिना दंची परमेश्वर सै मूसा गै पी, हारून, जा उग सहायता स्युंग्म दंची थिरस।
निर्गमन अध्याय 1-4 से बाइबल गै तिग कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।