8. परमेश्वर यूसुफ हंग उग मौमाल जा बचाग तास
उलंग यन गै निमफन, हंग याकूब स्यांगत कल्त निस, ता उस अफिग बुद सिरि यूसुफ जा उग पी मंग जा औंगम दंची थिरस जइ लै लुकच गै यम्बा ओंग तान्नस।
यूसुफ गै पि मंग सै उजा नफरत स्युंग निस खस्युंग कि उग बा उजा मत्त प्रेम स्युंगद निस हंग हिना दंची री कि यूसुफ सै मं तिंख निस कि उ उसीग राजा ल्हैयंग। हंग यूसुफ अफिग पि मंग गै नीद कू रास ता उसीस उजा बंदी बनाग कोरस हंग उजा ढंग्मी गै व्यापार स्युंगद वाला मि मंग जा करांगतिस।
चिमजा थोकसिग मूरालंग लरी यूसुफ गै पि मंग सै यूसुफ गै खसै-पसै पिग लाग माला गै सि कू कच्याकतिस। हंग उसीस अति खसै-पसै अफिग बा जा दिखास खस्युंग उ हिदी चिचियंग कि खमि सिर ची जानवर सै यूसुफ जा पच्यांगतिस| याकूब मत्त दु;खु निस|
गुलाम मंग गै व्यापार स्युंग्द अति मंग यूसुफ जा कोरग दिस। नील यंगती गै खास्या कू स्योंगसिद वाला मिस्र तीग पूद हंग तरत राजू निस। अति गुलाम मंग गै व्यापार स्युंगद वाला सै यूसुफ जा तिग स्यांगमी सरकारी अधिकारी जा गुलाम गै रूप कू करांगतिस। यूसुफ सै अफिग रीथि गै अच्छौ मत्त ढंग सै सेवा स्युंगस, हंग परमेश्वर सै यूसुफ जा आशीर्वाद दास।
उग रीथि गै रीथिस्या सै यूसुफ गै जरू ह्याम गै कोशिश स्युंग्स, हंग यूसुफ सै हिदी रीति सै परमेश्वर गै खिलाफ पाप स्युंगम स मना कस्यूंग तिस। उजा रुसु पिरास हंग यूसुफ जा झूठी दोष लगा तिस, हिना दंची उजा बंदी स्युंग जेलखाना कू कथिरतिस। इता वास कि जेलखाना कू री यूसुफ परमेश्वर गै दंची साचौ निस, हंग परमेश्वर सै उजा आशीर्वाद दास।
निस्यी यन गै निमफन, यूसुफ इता री जेलखाने कू इन बुद सै उ निर्दोष निस। तिग मुन्छ, राजा फिरौन, जसौ कि मिस्री ची मी मंग अफिग राजा मंग जा तान्नस, सै निस्यी मं औंग्स जइ मि स उजा मत्त गला फिन्नस। उग खमि री सलाहकार उजा अति मं ग अर्थ मल्है तरस।
परमेश्वर सै यूसुफ जा मं ग अर्थ ग बताम गै तरत कदास, हिना दंची फिरौन राजा सै यूसुफ जा जेलखाने स अफिग न्योरो हुईस। यूसुफ सै उजा अति मं ग अर्थ बतास हंग ल्यैस, “परमेश्वर मत्त खेती वाला निसे यन गै निमफन अकाल गै निसै यन थिरद वाला अनि|”
फिरौन राजा कौ यूसुफ जा अइलंग असर लिच्च कि उस उजा मिस्र गै दुसरौ लच्यंग तरत यूरासिरी कबनातिस।
यूसुफ सै मि मंग स बुद खेति निसे यन गै दौरान पूद मात्रा कू दुकलंग जा थुम्म दंची ल्यैस। हंग निसे यन ची अकाल रास हंग यूसुफ सै मि मंग जा अति दुकलंग रांगस ताकि उसीग न्योरो जाम दंची पूरो ल्यंग।
अति अकाल तिगइ मिस्र कू हि मुनि, हंग कनान कू री मत्त यद निस जइ बं कू याकूब हंग उग मौमाल स्युोंगसिद निस।
हिना दंची याकूब सै अफिग लच्यंग पूद सिरि मंग जा जाम दुकलंग तूम दंची मिस्र कू थिरस। हंग उसि दुकलंग तूम दंची यूसुफ गै नोकू कयबतिस ता अति पी मंग सै यूसुफ जा मुसिस। हंग यूसुफ सै उसी जा कसीस।
हिदी पत्तो स्युंगम दंची कि खै उसी कबदलस उसीग परख स्युंगम गै निमफन, यूसुफ सै उसीस ल्यैस, “जी नग पी यूसुफ ल्हिय! मु जेरम। हंग गनिस जीजा गुलाम गै रूप कू रांगतिस ता गस यद स्युंगम गै तैस, हंग परमेश्वर सै अति यद जा बुद दंची लन स्युंग्स! रनि हंग मिस्र कू स्योंगसिनि ताकि जी गनिग हंग गनिग मौमाल दंची दुकलंग गै इंतजाम स्युंग तरनै |”
हंग यूसुफ गै पी चिम्जा थोकसिग रास हंग अफिग बा याकूब जा बतास कि यूसुफ इता री टांग्द अनि ता उ मत्त खुशी लित्त निस।
खस्युंग कि याकूब तिग स्यांगत मि निस हजू री उ अफिग पूरो मौमाल गै जरू मिस्र कू पिदिस, हंग उसी मिस्र कू कस्योंगसि। याकूब गै सिचिम गै लरी, उस अफिग हर तिग सिरि जा आशीर्वाद दास।
वाचा गै अति वादा जइ परमेश्वर सै अब्राहम जा स्युंगस उसी इसहाक जा हंग उग निमफन याकूब, हंग उग निमफन उग चैने सिरी मंग हंग उसीग मौमाल जा पिरास। अति चैने सिरी मंग गै वंशज इस्राएल गै जात कबनस।
उत्पत्ति अध्याय 37-50 से बाइबल गै तिग कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।