12. इस्राएली ची मि मंग गै मिस्र राजू स दिन्नस।

इस्त्राएली मंग मिस्र कू खची दिग खुश निन्नस। उसी थन गुलाम मुनिन्नस, हंग उसी वादा गै राजू कू दिग निन्नस! खरी बथौ इस्त्राएली मंग सै थोचीन्नस, मिस्री मंग सै उसी जा जम्मा बथौ कदातिस, इता वास कि झांग हंग मुल्ह खइ अकरो बथौ। दूसरो राजू गै दूमा मि मंग सै परमेश्वर जा विश्वास स्युंग्स हंग इस्राएली मि मंग मिस्र स रन्नस ता उसी री उग जरू पिरन्नस।

निछ ज्या कस्सा गै तिग पूद खम्बा उग लरी-लरी यनसिस। हंग मुन्छ बकतर हिदी मैं गै खम्बा कबन्स। परमेश्वर जइ कि अति कस्सा गै खम्बा कू हंग मैं गै खम्बा कू निस, राज्यारी उसीग जरू निस हंग उस यात्रा दिम बकतर उसीग लरी-लरी दिस। उसीजा हिनाइ स्युंग्म निस कि उसीग निमफन दिम निस।

दूमा ज्या ची निमफन, फिरौन राजा हंग उसीग मि मंग सै अफिग मन कबदलस। उसी इस्राएली मंग जा हजू अफिग ढांग्मी बनाम चिनथ निन्नस। हिना दंची उसीस इस्राएली मंग गै पीछा स्युंग्स। हिदी परमेश्वर हि निस जइस उसीग मन कबदलतिस। उस हिना हिना दंची स्युंग्स खस्युंग कि उ चिनथ निस जम्मा मि मंग जा हिदी पता कचलयंग कि यहोवा परमेश्वर फिरौन राजा स हंग मिस्री मंग गै जम्मा सेमा स मत्त तरतै अनि।

निर्गमन अध्याय 11:1-12:32 से बाइबल गै तिग कथा

मूसा सै इस्राएली मंग जा ल्यैस, “झैरम बंद स्युंगनि! परमेश्वर थिंया गनि दंची घिसियंग हंग गनिजा बचायंग”। हंग परमेश्वर सै मूसा जा ल्यैस, “हिदी मंग जा मंग्द पूद यंगती गै चैन्तु लरी बढ़म दंची ल्है|”

हंग परमेश्वर सै अति कस्सा गै खम्बा जा कोरग इस्राएली मंग हंग मिस्री मंग गै गुन्दा कू तातिस ताकि मिस्री मंग इस्राएली मंग जा औंग मुतरन्न।

परमेश्वर सै मूसा जा पूद यंगति कू अफिग ला यंम दंची ल्यैस। हंग परमेश्वर सै नलन स पूद यंगति गै ति जा ति झिर,जइ स कि पूद यंगती कू गुन्दा अम कल्च।

इस्राएली मंग अफिग निसि बं ती गै बंगफल जा जरू छरत बं कू समुद्र स लरी पी दिन्नस।

हंग परमेश्वर सै अति अम कू खची कस्सा अं पिकोरस ताकि मिस्र ची मंग जा इस्राएली मंग जा तंग्द दिद उसीस तिन्स। मिस्री मंग सै उसीस चुम्म दंची उसीग पीछा स्युंग्म गै फैसला पिकोरस|

हिना दंची उसीस समुद्र गै गुंदा स अति अम कू खची इस्राएली मंग गै पीछा स्युंग्स हंग परमेश्वर सै मिस्री मंग जा जरन्नस हंग उसीग रथ फसातिस। उ हार स्युंगतास, फोंगदिनी! इस्राएली मंग गै दंची परमेश्वर घीसिग अनि!”

जम्मा इस्राएली समुद्र गै तपो टौनभन्नस। हंग परमेश्वर सै मूसा जा ल्यैस कि उ हजू ती कु ला यब्स। हंग मूसा सै हिना स्युंग्स, ता ती मिस्री सेना मंग जा टौनभन्नस हंग जसौ लरी निस अतनइ कल्च। जमा मिस्री सेना कच्याकसिस।

हंग इस्राएली मंग सै तिन्स कि मिस्री ची मंग पझयंगस ता उसीस परमेश्वर जा विश्वास स्युंग्स। उसीस विश्वास स्युंग्स कि मूसा परमेश्वर गै चैन्तु सै भविष्य औंग्द मि निस।

इस्राएली मंग हिना दंची री मत्त खुशी निन्नस खस्युंग कि परमेश्वर सै उसीजा सिचिम सै हंग ढंग्मी ल्हैम स री कबचास। थन उसी परमेश्वर गै सेवा स्युंग्म हंग उग फिन्स्यद गै स्यर चिद स्युंग्म दंची आजाद निन्नस। इस्राएली मंग सै अफिग अजादि ग त्यार मनाम दंची हंग परमेश्वर गै तारीफ स्युंगम दंची उलंग बयरा तुनन्स खस्युंग कि उस उसीजा मिस्री सेना स बचास।

परमेश्वर सै इस्राएली मंग जा हर यन तिग त्यार मनाम गै फिन्स्यद दास हिदी ची स्युंग्म दंची कि हना परमेश्वर सै मिस्री मंग जा हरातिस हंग उसीजा ढंग्मी ल्हैम स आजाद स्युंग्स। हिदी फसह गै त्यार कल्लैन्नस। हीदुंग उसीजा हिदीग त्यार मनाम दंची तिग बुद माला गै बलि स्युंग्म निस, उजा रुम निस, हंग उजा मुसिरत कूटू गै जरू जाम निस।