16. छुड़ान्नस

यहोशू गै सिचिम गै निमफन इस्राएलियों सै परमेश्वर गै कथा मूरुंगस| उसीस परमेश्वर गै नियम गै स्यरचिद मुस्युंगन्नस| हंग उसीस अति वाचा गै राजू खचि कबचे वाला कनानियों मंग जा छंगपंग दिम मुवोम्मो इस्राएलियों मंग सै आफिग साचो परमेश्वर यहोवा जा होतिग कनानियों मंग गै सेमा गै भक्ति शुरू स्युंगन्नस| इस्राएलियों गै न्योरो खमिरी राजा मुनिस हिना दंची जइजा जइ बुदतेस उस अति स्युंगस|

परमेश्वर गै आज्ञा मुमानम गै चेन्तू इस्राएलियों मंग सै तिग हिना तरीका शुरू स्युंगस| जइजा उलंग चू दोहरान्नस उ नमूना हिदि प्रकार सै चलस: अति यन वास इस्राएलियों सै परमेश्वर गै आज्ञा मुमानस, हंग उजा उसिग बयरी मंग गै पराजित स्युंम गै चैन्तू सजा दायंग| हिदि बयरी इस्राएलियों मंग जा उसिग बथो खुग कोरयंग उसिग सम्पति जा नाश स्युंगतीयंगन्न, हंग उसिस मत्त मि मंग जा पच्यंगन्न| हंग इस्राएलियों मंग गै बयरी उसीजा उलंग यन वास जूलम स्युंगतायंग,उग निमफन इस्राएली आफिग पापों गै पछताव स्युंगतान्नस हंग परमेश्वर स उसी बचाम दंची प्रार्थना स्युंगयंग|

हुई जूरी इस्राएली मंग पछतावा स्युंगता ता परमेश्वर उसीजा बचागतायंग| उ तिग छुड़ाद वाला मि गै चेन्तू खचि हिना स्युंगयंग-तिग हिना मि जइ उसीग बयरी मंग गै विरुद्ध घिसियंग हंग उसीजा पराजित स्युंगयंग| हंग राजू कू सुखु लिच्च हंग उ छुड़ाद वाला उसीजा बुद सै राज स्युंगयंग| परमेश्वर सै उसीजा बचाम दंची मत्त स छुड़ाद मि जा थिरस परमेश्वर सै न्योरो गै तिग बयरी जाति, मिद्यानियों गै चेन्तू इस्राएलियों मंग जा हराम गै निमफन हजू हिना स्युंगतान्न|

मिद्यानियो मंग सै नीसे यन वास इस्राएलियों मंग गै खेती पाती लुटन्नस| इस्राएली ची मंग मत्त जेरन्नस हंग अति फू भीतरु च्यासीन्नस| हंग मिधयानी मंग जा मासि मुतरयंग आखरी ज्या बचाम दंची उसी सै परमेश्वर जा हार स्युंगस|

गिदोन मिन गै तिग इस्राएली यूरासिरी निस| तिग ज्या, उ तिग मूतन्द बं कू रजे पिग निस| हंग मिद्यानी मंग उजा खू मुतरयंगन्न| यहोवा गै स्वर्गदूत सै गिदोन गै न्योरो राग उजा ल्यैस, “हे तरत परमेश्वर गति जरू इन दि हंग इस्राएलियों मंग जा मिध्यानियों मंग सै बचायो|”

गिदोन गै बा ग न्योरो मूर्ति जा समर्पित तिग वेदी निस| लच्यंग लरी ची कथा जइ परमेश्वर सै गिदोन जा स्युंगम दंची ल्यैस| उ अति वेदी जा झयाम निस| हंग गिदोन मि मंग जा खचि जेरक निस, हिना दंची उस मुंछ ल्हैम दंची रिहनचिग निस| हंग उस अति वेदी जा कूझयाकस हंग टुकरा टुकरा कस्युंग उस परमेश्वर गै दंची तिग नुद वेदी स्युंगस हंग अति गै यरतो बलि चढ़ास|

न्यार ची बंखर मि मंग सै तिन्नस कि खमी सै वेदी जा कूझयाकस| हंग टुकरा टुकरा कस्युंग हिना दंची उजा खचि मत्त रुसू पिराद निस| उ गिदोन जा पच्यंगम दंची उसिग चिमजा दिन्नस, हंग गिदोन गै बा सै ल्यैस गनी खोंग आफिग सेमा ग सहायता स्युंगम ग कोशिश स्युंगतास? हंग उ सेमा अनि ता उजा आफिग रक्षा अफी स्युंगम दायों!” खस्युंग कि उस हिना ल्यैस हिना दंची मि मंग सै गिदोन जा मुसत्तनिस|

हंग इस्राएलियों जा खुम दंची मिधयनी मंग जा हजू रन्नस| उसी हिलंग मत्त निन्नस कि उसिग रुहम री मुतरसिग निस| गिदोन सै उसिग विरुद्ध घिसिम दंची इस्राएलियों जा तिग जरू हुईन्नस| गिदोन सै परमेश्वर जा निस्यी निशानी थोचि निस खस्युंग कि उजा विश्वास लयंग कि परमेश्वर साचो उजा इस्राएल जा बचाम दंची ल्हैतान्नस |

लरी ची निशानी दंची, गिदोन सै माला गै छम्म जा थंगजा कू तास परमेश्वर सै ल्यैस कि बंखर ची ओस तिग माला गै अति छम्म कू बूरस| हंग थंगजा कू मुबुरस परमेश्वर सै हिनाइ स्युंगस| न्यार ची मुंछ, उस परमेश्वर जा ल्यैस कि थंगजा थिद कल्च| हंग माला गै छम्म छरत ल्हीलों| परमेश्वर सै हिना री स्युंगस हिदि निस्यी निशानी गै दंची, गिदोन सै विश्वास स्युंगस कि परमेश्वर साचो चिनख निस कि उ इस्राएलियों मंग जा मिध्यनियों मंग स बचायो|

हंग गिदोन सै सिपाही मंग जा आफिग न्योरो हुईस हंग सुमसा ग निस्यी हजार यूरासिरी रास |हंग परमेश्वर सै उजा ल्यैस कि हिदि मत्त अनि| हिना दंची गिदोन सै उसी जम्मा नस्सा ग निस्यी हजार जा चिमजा थोकसिग कथिरस जइ घिसिम स जेरक निस परमेश्वर सै गिदोन जा ल्यैस कि हिदि यूरासिरी इता री मत्त इन्न| हिना दंची गिदोन सै सुम सय सिपाही मंग जा होतिग उसी जम्मा जा चिमजा कथिरस |

अति मुंछ परमेश्वर सै गिदोन जा ल्यैस, “मिध्यानियों मंग ग डेरा कू दि हंग उसीग कथा रुंगसिग रा| हंग गै सै रुं गसिग कि खै कथा फ़ान्नस ता गै उसीजा घिसिम दंची मुजेरयंग|” हिना दंची अति मुंछ, गिदोन यूकू उसिग डेरा कू दिस| हंग उस तिग मिध्यानी सिपाही मंग जा आफिग स्यासि जा उ कथा कल्यैसद यन्स जइ उस मं कू तिन्स अति यूरासिरी गै स्यासि स ल्यैस, “हिदि मं ग अर्थ निस कि गिदोन गै सिपाही अनि मिध्यानी सिपाही जा कहरातिस| हंग गिदोन सै हिना यन्स ता उस परमेश्वर गै धन्यवाद स्युंगस|रो रास हंग उसीजा जम्मा री तिग तिग नरसिंगा तिग सा गै भन्डू हंग तिग मशाल दास| उसिस अति डेरा कू घेरा कस्युंगन्नस| अतकू मिधयानी सिपाही लयकत निन्नस, गिदोन गै सुम सय सिपाही सै आफिग मशालों गै भन्डू स च्याग तान्नस हिना दंची मिधयानी मंग उसी मशालों गै छंत मुतिन्नस|

हंग गिदोन आफिग सिपाहीयों मंग गै न्योरो रास हंग उसीजा जम्मा री तिग तिग नरसिंगा तिग सा गै भन्डू हंग तिग मशाल दास| उसिस अति डेरा कू घेरा कस्युंगन्नस| अतकू मिधयानी सिपाही लयकत निन्नस, गिदोन गै सुम सय सिपाही सै आफिग मशालों गै भन्डू स च्याग तान्नस हिना दंची मिधयानी मंग उसी मशालों गै छंत मुतिन्नस|

हंग गिदोन गै जम्मा सिपाही मंग सै आफिग भन्डू जा तिच्चू बकतर कूझयान्नस झल्ल सै मशालों गै मि जा छंत कस्युंग| उसिस आफिग नरसिंगा फिरन्नस हंग कल्लाट स्युंगन्नस, यहोवा गै हंग गिदोन गै तलवार|!”

परमेश्वर सै मिधयानियों मंग जा कजेरन्नस, हिना दंची तिग दुसरो मि जा दागसिग निन्नस| छाँटोइ गिदोन उसी फिन कवरचा जा मत्त गार इस्राएलियों जा मिधयानियों मंग गै निमफन दिम दंची उसिग सार स्युंगम हुईम दंची थिरस| उसिस उसी मंग जा खचि म मि मंग जा पच्यंगन्नस हंग बाकी मि मंग ग निमफन निमफन दिग उसीजा इस्राएल राजू खचि छंगपंग फ़िन्नस| अति ज्या तिग लाख नस्सा हजार मिधयानी पच्यांगन्नस| हिना दंची परमेश्वर सै इस्राएल जा बचान्नस |

उसी मंग गिदोन जा आफिग राजा बनाम चींथ निस, हंग गिदोन सै उसीजा हिना मुस्युंगम दास,हंग उस उसीजा अति मुल गै ज्योहर थोचिन्नस जइ उसीजा जम्मा सै मिधयानियों जा छिनग कोरन्नस उसी मंग सै पूद मात्रा कू गिदोन जा मुल दास|

हंग गिदोन सै अति मुल गै तिग खास खसै पसै बनास| जसों कि यहूदी पूद पुजारी चुकसीद निस,हंग मि मंग सै उग पूजा स्युंग्म शुरू कस्युंगन्नस जसों कि उ तिग मूर्ति ल्है| हंग परमेश्वर सै हजू इस्राएल जा सजा कदास खस्युंग कि उसिस मूर्ति ग पूजा स्युंग निस| परमेश्वर सै उसिग बयरी मंग जा उसीजा पराजित स्युंगम कू सफल स्युंगस| लच्यंग लरी उसिस हजू स परमेश्वर जा सार स्युंगम दंची प्रार्थना स्युंगस, हंग परमेश्वर सै उग न्योरो उसीजा बचाम दंची तिग गार छुड़ाद वाला मि जा थिरस|

हीनाई कथा उलंग चू घटित कल्च: इस्राएली मंग पाप स्युंगयंगन्न, परमेश्वर उसीजा सजा दायंग, उसी पछताव स्युंगयंग, हंग परमेश्वर उसीजा छुड़ाम दंची खमी जा थिरयंग| उलंग यन वास, परमेश्वर सै मत्त स छुड़ाद वाला मि मंग जा थिरस जइ मि स इस्राएलियों मंग जा उसिग बयरी मंग स बचान्नस|

अंत कू, उसी मंग सै गार राजू नारुक्त परमेश्वर स आपिग दंची तिग राजा जा थोचिन्नस| उसी तिग हिना राजा चींथ निस जइ बुंग्थ हंग तरत ल्है, हंग जइ घिसिम कू उसिग अगवाई स्युंगतरयंग| परमेश्वर जा हिदि होस्यी मन मुरास, हंग उस उसीजा अतनाई राजा दास जसों उसिस थोन्नस|