35. स्योकंगत बूबा ग कथा

तीज्या, यीशु उसी मत्त स मि मंग जा शिक्षा दाग तास जइ उजा यन्म दंची तीक्क ल्हैन्नस| हिदि मंग ठल कोरद मि हंग जरूइ गार मि मंग री निनेस| जइ मि स मूसा ग व्यवस्था ग स्यरचिद स्युंगम ग कोशिश मुस्युंगन्नस|

दूमा यहूदी धार्मिक प्रधान मंग सै तिन्स कि यीशु हिदि मंग जा तिग स्यासि मंग नारुक्त कथा स्युंगतान्नस| हिना दंची उसिस तिग दुसरो मि जा हिदि ल्हैम शुरू कस्युंग कि उ यद स्युंगतास| यीशु सै उसीजा कथा स्युंगम यन्स, हिना दंची उस उसीजा हिदि कथा बतास|

“तिग मि निस जइ गै निस्यी सिरी निस| मिद सिरी सै आफिग बूबा जा ल्यैस, ‘हे बूबा, जीजा इता जिग छू चिन्नी!’हिना दंची बूबा सै आफिग निस्यी सिरी मंग गै गूंदा कू आफिग सम्पति जा कछूती|”

“छाटोई मिद सिरी आफिग जम्मा बथो थुमग लाग वथे राजू पिदिस हंग पापी जीवन टांगम दंची आफिग जम्मा धन बर्बाद कस्युंग|”

“ हिदि ग निमफन, जइ बं मिद सिरी निस अति राजू कू तिग पूद अकाल कपड़ेस, हंग उग न्योरो दुकलंग तूम दंची धन मुनिस| हिना दंची उजा जइ लन कमिलस उ सुभरों जा रोम ग निस| उ हिलंग दुखु हंग रोई होसिस हंग उ सुभरों ग दुकलंग जाम चींथ निस|”

“निमफन, अति मिद सिरी सै अफी जा ल्यैस, ‘जी खै स्युंग तातू? जिग बूबा गै जम्मा ढंगमी मंग गै न्योरो जाम दंची मत्त अनि, हजूरी जी हिदूंग होसिग निय जी आफिग बूबा गै न्योरो थोकसिग दियंग हंग आफिग बूबा ग तिग ढंगमी बनम दंची उजा होस्यी स्युंगयंग|”

हिना दंची अति मिद सिरी सै थोकसिग आफिग बूबा गै चिमजा दिम शुरू कस्युंग| हंग उ इता वथेइ निस, उग बूबा सै उजा कतिन्स हंग उजा स्योकंगस| उ झेंगई आफिग सिरी गै न्योरो दिस हंग उजा फाकू चूमग हु कद्दा|”

“अति सिरी सै ल्यैस, ‘हे बूबा, जिस परमेश्वर गै हंग नग चैन्तु पाप कस्युंगस| जी नग सिरी ल्हैम गरी लायक मुनीय|’”

“हंग बूबा सै आफिग तिग ढंगमी जा ल्यैस, छाटो दिग लच्यंग बुद खसै पसै रयग राय हंग जिग सिरी जा चुकतीयो! उग लागसिम कू अंगुठी हंग उग लिकी कू प्व्ला चुकतीयो|हंग लच्यंग बुद लुक्च सतियो हंग इन जा तरयंगनै हंग खुशी मनायंग, खस्युंग कि जिग सिरी पझयंगस, हंग थन उ टांगद अनि! उ पुनैरत निस, हंग थन इन सै उजा कतिन्स!’”

“हिना दंची मि मंग सै त्यार मनाम शुरू कस्युंग| दूमा ज्या वास पूद सिरी री कू लन स्युंग चिमजा रास| उस बयरा हंग ठुम्म ग हार यन्स हंग हा ल्हैन्नस कि हिदि खै ल्हेग अनि|”

“हंग पूद सिरी जा पत्तो कचलस कि उसी हिना दंची त्यार मनागतान्नस खस्युंग कि उग पी चिमजा पिराद निस, ता उ मत्त रुसू राग निस, हंग चिकू ची मि मंग जा मुछिस| उग बूबा सै छंगपंग राग उजा उग जरू त्यार मनाम दंची होसि रा ल्यैस हंग उस मना कस्युंग|”

“अति पूद सिरी सै आफिग बूबा जा ल्यैस,हिदि जम्मा यन कू जिस नग दंची खरी मूतेग लन् स्युंगस! खज्या री नग कथा मा मूलोस, हंग गस खज्या जीजा तिग मिद माला री मुदानस| खस्युंग कि जी आफिग साथो मंग जा जाम दा तरतो| हंग नग हिदि सिरी सै नग धन पापी लन स्युंगम कू बर्बाद स्युंगन्नस| हंग थन उ रास ता उग दंची त्यार मनाम दंची गस लच्यंग बुद लुक्च सेनस!’”

“बूबा सै जबाब दास, ‘हे जिग सिरी, गै राज्यारी जिग जरू निसिम, हंग जइरी बथो जिग अनि अति जम्मा नग ल्है| हंग इन दंची त्यार मनाम ठीक अनि खस्युंग कि नग पी पझयंगस, हंग थन उ टांगद अनि| उ पुनैरत निस, हंग थन इन सै उजा कतिन्स!’”