39. यीशु जा मुकद्दमा चलयंग

थन हिदि फै मुंछ ग ज्या निस| उसी सिपाही यीशु जा यहूदी पूद पुजारी गै चिमजा रयग रास, खस्युंग कि उ यीशु जा कथा स्युंगम चींथ निस| पतरस वानम खचि उसिग निमफन निमफन दिग निनेस| हंग सिपाही यीशु जा चिमजा कोरदिन्नस, ता पतरस छंगपंग यब्ग आफिजा मी छांगसिग निस|

चिमजा चीकू, यहूदी प्रधान मंग सै यीशु जा मुकद्दमा चलान्नस| उसी उग विरुद्ध झूठी कथा फाम दंची मत्त झूठी गवाहों जा रयग रास| हंग उसिग कथा तिग दुसरो मि जा विश्वास मुनिस, हिना दंची यहूदी प्रधान हिदि साबित मुस्युंग तरयंग कि उ खइ कथा ग दोषी निस| यीशु सै खरी मुल्यैस|

अंत कू, यहूदी पूद पुजारी सै सीधा यीशु ग चेन्तू ओंग ल्यैस, “इंजा बतायो कि खै गई टांगद परमेश्वर ग सिरी मसीह ल्हिनि?”

यीशु सै ल्यैस, “जी ल्हीये, हंग गनी जीजा परमेश्वर गै जरू कस्योंगसिद हंग स्वर्ग खचि राद री तियंगनी|” यहूदी पूद पुजारी सै आफिग खसै पसै कपितिस खस्युंग कि जइ यीशु सै ल्यैस उ अति कथा कू मत्त रुसू पिराद निस| उ गार प्रधान मंग जा यरकतास, “इंजा हिदि बताम दंची खमी दुसरो गवाह ग जरूरत मुनीय कि हिदि मि सै खै स्युंगस! गनिस आफ़ी उजा हिदि ल्हैम कयन्स कि उ परमेश्वर ग सिरी ल्है| उग बारे कू गनिग खै फैसला ल्है?”

जम्मा यहूदी प्रधान मंग सै यहूदी पूद पुजारी जा जबाब दास, “उ सिचिम ग लायक अनि! हंग उसिस यीशु ग मैं कू लाडम गितीस, उजा खुती थूब्स, उजा लूब्स हंग उग ठट्टा स्युंगन्नस|

हंग पतरस, अति चिम गै छंगपंग रिहनचिग निस| हंग तिग ढंगमी चमै सै उजा तिन्स| उस उजा ल्यैस, “गरी यीशु गै जरू निस! “पतरस सै मना कस्युंग| निंकुति, खमी दुसरो चमै सै हिनई कथा जा ल्यैस, हंग पतरस सै हजू मना कस्युंग| अंत कू, दूमा मि मंग सै ल्यैस, “इंजा पत्तो निस कि गै यीशु तीजरू निस खस्युंग कि गनी निमी गलील ची ल्हिनी|”

हंग पतरस सै ल्यैस, “जी हिदि मि जा पेतू ता परमेश्वर जीजा श्राप दायंग!” छाटोई पतरस गै हिना च्यंग री कसम जाम गै निग्म, तिग नप्या सै लैम दास| यीशु सै निमफन फनसिग पतरस जा तिन्स|

पतरस अतकू खचि पिदिस, हंग मत्त तिग निस| अति बकतर, यीशु जा चूमद वाला यहूदा सै तिन्स कि यहूदी प्रधान सै यीशु जा सिचिम ग सजा दास| यहूदा मत्तइ दु:खु कल्त निस हंग दिग अफी जा पच्यंगस|

थन यहूदिया राजू ग राजा पिलातुस निस| उ रोम राजू ग दंची लन स्युंगतास| यहूदी प्रधान यीशु जा उसीग न्योरो रयग रास| उसी चींथ निस पिलातुस उजा पच्यंगस| हंग पिलातुस सै यीशु जा रूस, “ खै गै यहूदियों ग राजा ल्हिन?”

यीशु सै जबाब दास, “गस साचोइ ल्हेनह| हंग जिग राज्य हिदूंग थंगजा ग मुनिय| हंग ल्हैम च्यंग जिग गुलाम जिग दंची गिसीग अनि| जी थंगजा कू परमेश्वर गै बारे कू साचो बताम दंची रयस| जम्मा ती तिग मि जइ साचो स बुदतैस उ जिग यन्ता|” पिलातुस सै ल्यैस, “ता साचो खै ल्है ?”

यीशु गै जरू कथा स्युंगम गै निग्म, पिलातुस सै छंगपंग गै न्योरो दिग ल्यैस, जी हिना खइ कारण मुतिन्स कि हिदि मि पच्यंगम गै लायक ल्है| “परंतु यहूदी प्रधान मंग हंग भीड़ सै यरक ल्यैस, “उजा क्रूस कू चढ़ातियों!” पिलातुस सै जबाब दास, “उ खरी यद स्युंगम ग दोषी मुनिस|” हंग उसी मत्त जोर स यरक निन्नस| हंग पिलातुस सै सुमचू ल्यैस, “उ दोषी मुनिस!”

पिलातुस कजेरस उ भीड़ गिसीम शुरू स्युंगतियंग, हिना दंची उ आफिग सिपाही मंग ग चेन्तू यीशु जा क्रूस कू चढ़ाम कमानस| रोमी सिपाही मंग सै यीशु जा कोढ़े लगान्नस, हंग उजा राजा नारुक्त खसै पसै चुकतिन्नस, हंग उग पूस्या कू नची स कबनाद वाला मुकुट तास| हंग उसी हिना ल्हैग उग ठट्टा स्युंगन्नस, “ओंगनी, यहूदियों ग राजा!”