41. परमेश्वर यीशु जा सिचिद कू खचि टांगद कल्च

सिपाही मंग चैन्तु यीशु जा क्रूस कू चढ़ाम गै निमफन, यहूदी प्रधानों मंग सै पिलातुस जा ल्यैस, “अति झूठा, यीशु सै कलेसिद निस कि उ सुम ज्या गै निग्म सिचिद कू खचि टांगद रचियंग| खमी जा हिदि सारो स्युंगम दंची कब्र ग निगरानी स्युंगम नियंग कि उग चेले उग गोमरंग जा खुग मु कोरयंगन्न| हंग उसी हिना स्युंगम च्यंग उसी ल्हैयंगन्न कि उ सिचिद कू खचि टांगद ल्हैग करचिस|”

पिलातुस सै ल्यैस, “दूमा सिपाही मंग जा कोरदिनी, हंग जसो गनी स्युंग ताम अतनाई कब्र जा ओंग ताम|” हिना दंची उसिस अति कब्र गै चीकू देम मोरोंग गै ऊँग कू तिग मोहर कलगातिस| उसिस हिदि सारो स्युंगम दंची अथुंग सिपाही मंग जा कस्योंगसि खमी री उग गोमरंग जा खु मुतरयंग|

यीशु गै सिचिम गै न्यूंगज्या सब्त गै ज्या निस| खमी री सब्त गै ज्या लन मुस्युंगतरन्न, हिना दंची यीशु ग खमी री साथो मंग कब्र कू मुरानस| हंग सब्त गै निग्म गै ज्या, बंखर मत्त वम्मंग कल्त निस, दूमा मिंगसिरी यीशु ग कब्र कू दिम दंची यंगसिग निन्नस| उ उग गोमरंग कू हजू री मसालों जा सिम चींथ निस|

उसी मिंगसिरी मंग गै नभम च्यंग लरी, कब्र कू तिग पूद रुम्म लिच्च| स्वर्ग खचि तिग स्वर्गदूत सै राग अति ऊँग चांगतिस जइ कब्र गै चीकू दिम वाला मोरोंग जा कग्रसिद निस हंग अतकू कस्योंगसिस| हिदि स्वर्गदूत छंत नारुक्त डोकत निस| कब्र कू जइ सिपाही निस उसिस उजा तिन्स| उसी हिलंग कजेरन्नस पझयंगद नारुक्त थंगजा कू करचिस|

हंग उ मिंगसिरी मंग कब्र कू कनभस ता अति स्वर्गदूत सै उजा ल्यैस, “मुजेरम| यीशु हिदा मुनि| उ पझयंगस निस हंग टांगद कल्च, जसो कि उस कल्यैसिद निस उ टांगद ल्हैग रचियंग! कब्र कू मासिनी हंग ओंगनी|” उसी मिंगसिरी मंग सै कब्र गै भीतरु हंग जइ बं यीशु ग गोमरंग कतासिद निस अतकू मासिन्नस हंग तिन्स कि उग गोमरंग अतकू मुनिस!

हंग अति स्वर्गदूत सै उसी मिंगसिरी मंग जा ल्यैस, “दिग उग चेलों मंग जा बतायो, ‘यीशु पझयंगद निस हंग टांगद कल्ले हंग उ गनिग लरी लरी गलील कू दियंग |’”

उसी मिंगसिरी मंग हा कल्ले हंग मत्त खुशी कल्च| उसी चेलों मंग जा हिदि बुद फिन सुनाम दंची झयंग दिन्नस

हंग उसी मिंगसिरी मंग चेलों मंग जा हिदि बुद फिन बताम दंची आफिग अम कू निस, हंग यीशु उसी नोकु पिरास| उसी उग लिकी कू चिरगन| हंग यीशु सै ल्यैस, “मुजेरम| दिग जिग चेलों मंग जा गलील दिम ल्यैस| उसी अतकू जीजा तियंगन्न|”