1. सिजाइका

गोताङ काथाको सुरुआत एसापा जेङहि। परमेस्वर गोताङ सुमिङता कालाउ इङकोता हिका गोताङ आमेनेगेलाइ तु दिनाता सिरजाइहि। परमेस्वर प्रिथिबि कालाउ आकास सिरजाइहि जेदोङ कितिकितिका कालाउ आकार बिनाको चाकामान्दा हिघाहि, कालाउ इङकोता हिदोइ बुङ आमेनेगेलाइ सिरजाइन्हाका मान्थुघाहि। कालाउ परमेस्वरको आत्मा चि ह्रुता घुराइगिल्तेङ हिघाहि।

कालाउ परमेस्वर दोअ्हि, "झेनाको

सिरजाइन्हाको न्हुदिनाता, परमेस्वर प्रिथिबि ह्रुता आकास साइजाइहि। वा प्रिथिबि कालाउ प्रिथिबि लेता हिका चिहेङ खेङतेङ आकास बानाइहि।

सुम दिनाता, परमेस्वर चिहेङ सेङका मिलिङसो खेङहि। वा सेङका मिलिङहेङ “प्रिथिबि’’ दोअ्हि, कालाउ चिहेङ “सुमुन्द्र” दोअ्हि। ताइमिङ सिरजाइका गोताङ आमेनेगेलाइ खाङहि। कालाउ इङको आसाल हिघाहि।

कालाउ न्हुसो परमेस्वर दोअ्हि, ’’प्रिथिबि गोताङ खाल्को सिङसोङगेलाइ योपाको।“कालाउ ओसाङ जेङहि। कालाउ परमेस्वर तिङहि कि वाको सिरजाइका गोताङ आमेनेगेलाइ आसल हिघाहि।

सिरजाइकाको द्या दिनाता,परमेस्वर सान्हे,तालि कालाउ फुरुगेलाइ सिरजाइहि। कालाउ परमेस्वर प्रिथिबिहेङ ठाअ्साइका पिलि कालाउ जेसाङ दिना कालाउ न्हिसिन खेङलि,रितुगेलाइ कालाउ बासारगेलाइ खेङलिको भाअ्सिङ बानाइहि। कालाउ परमेस्वर खाङहि, जेलाउ इङको आसल हिघाहि।

नातेङ दिनाता,परमेस्वर चिता भोलेमका कालाउ पौडाइका गोताङ आमेनेगेलाइ कालाउ गोताङ खाल्को जिहा-जुइलेङगेलाइ बानाइहि। परमेस्वर इम्बालाइहेङ खाङहि कालाउ आसल तिङहि, कालाउ वा इम्बालाइहेङ आसिस पिहि।

सिरजाइकाको तुतेङ दिनाता,परमेस्वर दोअ्हि, "इन्ता गोताङ खाल्को भोनोइता तेअ्का प्रानिगेलाइ जेनाको।“ कालाउ परमेस्वर दोअ्का कोनिङ इन्सिकाङ जेङहि। आधे गुपुसगेलाइ साअ्ता पोसिका खाल्को हिघाहि, आधे भोनोइता सेसालाइघाखे, कालाउ आधे चाहि झारबारिको हिघाहि। परमेस्वर तिङहि कि इङको आसल हिघाहि।

कालाउ न्हुसो परमेस्वर दोअ्हि, "केलाइ द्याङगेलाइहेङ केलाइकोङ स्वरुपता केलाइ भाइकाङ जेङलिको भाअ्सिङ बानाइने। इम्बालाइ गोताङ प्रिथिबिता कालाउ प्रिथिबिता हिका प्रानिगेलाइ हुता खाबारा पावा।“

ओदोङ भाअ्सिङ परमेस्वर भोनोइसो आधे भोनोइ चुम्हि, कालाउ इङकोहेङ द्याङको आकार पिहि, कालाउ इङकोता जिबनको हुसि ह्वापिहि। उङको द्याङको मिङ आदम हिघाहि। परमेस्वर एनोङ बगैचा बानाइहि जेता आदम हिलि दोधावा। बागैचाहेङ सामाराइलि परमेस्वर वासेहेङ इन्ता ताहि।

बागैचाको माझाको भागता, परमेस्वर न्हेनोङ बिसेस सिङगेलाइ थिङहि जिबनको सिङ कालाउ आसल कालाउ खाराबको ग्यान पिका सिङ हिघाहि। परमेस्वर आदमहेङ दोअ्हि कि गोताङ सिङको फलगेलाइ मालेदेरसिङ चाअ् कालाउ आसल कालाउ खाराबको ग्यान पिका सिङको फल माअ्चा। जेसापा वा इङको सिङसो फल चाअ्नु वा सिधावा।

कालाउ परमेस्वर दोअ्हि, "द्याङ एक्लाङ हिलि आसल मान्थु।“ कालाउ इन्ता हिका हिदोइ बुङ गुपुस आदमको साघाइका जेङलि मादिहि।

ओदोङ भाअ्सिङ परमेस्वर आदमहेङ मस्त निन्ध्राता पापिहि। कालाउ परमेस्वर आदमको करङगेलाइ मध्येसो एनोङ करङसो कालाउ इङकोसो एमि बेजान बानाइहि कालाउ इङकोहेङ आदमकोता चुमापिहि।

जेलाउ आदम वासेहेङ तिङहि, वा दोअ्हि, "आन्नत

परमेस्वर वजान कालाउ बेजानहेङ ताइकोङ स्वरुपता बानाइहि। वा इम्बालाइ ह्रुता आसिस पिहि कालाउ दोअ्हि, "हेन्जा सान्तानगेलाइ जोलोम पासु कालाउ प्रिथिबिता पोङघातेङ हानिसु।“ कालाउ परमेस्वर ताइमिङ बानाइका गोताङ आमेनेगेलाइ आसल तिङहि, कालाउ इदोइ गोताङ पाहासो वा हाउसाइहि। इदोइ गोताङ सिरजाइको तु दिना थेकापा जेङका हिघाहि।

जेलाउ न्हि दिना लोहि, परमेस्वर ताइको गोताङ कामगेलाइ दोपालि दोका हिघाहि। ओदोङ भाअ्सिङ ताइको गोताङ कामगेलाइसो वा माइसा चाहि। वा न्हि दिनाहेङ आसिस पिहि कालाउ पबित्तरो बानाइहि, हाइपालिपानु इङको दिना वा ताइको कामसो माइसा चाहि। एसापासोङ परमेस्वर गोताङ सुमिङ कालाउ इङकोता हिका गोताङ काथा सिरजाइहि।