2. सुमिङता पाप दुल्का

परमेस्वर ओबालाइकोङ भाअ्सिङ बानाइका सुन्दर बागाइचाता आदम कालाउ हाब्बा हेन्जा लेङचातेङ हिघाहि। न्हेमिदोङ हिदोइ बुङ लोखोन धाबा बिना हिघाहि, कालाउ बुङ इङको काथाता ओबालाइहेङ हिदोइ बुङ लेदेर मान्थुघाहि, हाइपालिपानु सुमिङता हिदोइ बुङ पाप मान्थुघाहि। ओबालाइ हेन्जा जोसो बागाइचाता हिगिल्तेङ परमेस्वरको काथा पासुघाहि।

कालाउ इङको बागाइचाता एनोङ चालाख पुह्याँ हिघाहि। जाइ बेबालहेङ हि:हि,’’ हाइ जातिङकोङ परमेस्वर नासेहेङ इता हिका मध्ये हिदोइ बुङ सिङको फल माचालि दोअ्का हि?’’

बेबाल उत्तारा पिहि,’’ परमेस्वर केलाइहेङ आसल कालाउ खाराबको ग्यान सुतिपाका सिङको फल बाहेक आरु हिदोइ बुङ सिङको फल चाअ्लि एल दोअ्का हि। "परमेस्वर केलाइहेङ दोअ्हि, जेसापा नाअ् इङको सिङको फाल चाअ्नु माकुनु साइनु बुङ नाअ् स्याना।

इङको पुह्याँ बेबालहेङ जोबाफ पिहि, ” एन्सा माको

"इङको बेबाल इङको फल खाङहि। इङको फल खाङलि, सुन्दर कालाउ मेनाङ ताअ्का तिङघाखे। वा बुङ बुद्दिमान जेङलि चाहाना पाहि, ओदोङ भाअ्सिङ वा बागैचासो आधे फलगेलाइ पेहि कालाउ चाअ्हि। वा आधे फल ताइको केहेङ बुङ पिहि जेदोङ वाको दोफा हिघाहि, कालाउ वा बुङ इङको फल चाअ्हि।

आचानक, ओबालाइको मिसियाँगेलाइ हेअ्नाहि, कालाउ ताइमि नाङघाङ हिका ओबालाइ थाहा गिहि। ओबालाइ लाफागेलाइ पुइतेङ धावा बानाइहि कालाउ ताइको जिउहेङ थुमलि भोहि।

जेलाउ द्याङ कालाउ वाको बे परमेस्वर बागैचा पाहासो जेङतेङ तेकाताङ पाका गाला हिङहि। ओबालाइ न्हेमिदोङ परमेस्वरसो म्होहि। कालाउ परमेस्वर द्याङहेङ काइतेङ दोअ्हि, "ना हिसो हिना?” आदम जोबाफ पिहि, "का नासेहेङ बागैचाता तेकाताङ पाका हिङघा, कालाउ का थिघा, हाइपालिपानु का नाङघाङ हिघाखा। ओदोङ भाअ्सिङ का म्होघा।“

कालाउ परमेस्वर हि:हि,”नाअ् नाङघाङ हिना दोअ्तेङ नासेहेङ हासु दोअ्हि? हाइ का माचासु दोअ्का फल नाअ् चाअ्न्हा?’’ द्याङ जोबाफ पिहि,” नाअ् दोङ पिका बेबाल कासेहेङ इदोइ फल पिहि।“ कालाउ परमेस्वर बेबालहेङ हि;हि,” नाअ् या हाइ पान्हा?” इङको बेबाल जोबाफ पिहि, इङको पुह्याँ कासेहेङ झुलि पाहि।’’

परमेस्वर पुह्याँहेङ दोअ्हि “नाअ् स्रापित हिना

कालाउ परमेस्वर बेबालहेङ दोअ्हि, “का नाङको सुत्केरि तुनिञ्चिअका हेञ्जा बाढि पाप्याङका। कालाउबुङ नाङको इच्छा के भारि दोङ ह्यावा, कालाउ वा नाअ् ह्रुता खाबारा पावा।"

परमेस्वर द्याङहेङ दोअ्हि,” नाअ् ताइको बेको काथा हिङतेङ काङको आग्या माकिनाङ इदोइ भोनोइ नाङको कारनहोइ स्रापित जेङका हि। चाअ्लिको भाअ्सिङ नाअ् थाङका परिस्रोम पालि गोयाना। कालाउ न्हुसो नाअ् सियाना, कालाउ नाङको जिउ भोनोइताङ मिलियावा।“ द्याङ ताइको बेको मिङ हब्बा ताहि, जाइको आर्था हि "जिबन पिका” हाइपालिपानु वा गोताङ जातिको द्याङगेलाइको आमाइ दोन्हाहि। कालाउ परमेस्वर आदम कालाउ हब्बाहेङ गुपुसको धालेको धावा बानाइतेङ लागाइ पिहि।

कालाउ परमेस्वर दोअ्हि, "जेलाउ द्याङगेलाइ बुङ केलाइ कोनिङ आसल कालाउ खाराब गिका जेङका हि,” ओदोङ भाअ्सिङ इम्बालाइ एला जिबनको सिङको फल चाअ्तेङ ओबालाइ जेलाउ बुङ जिबनता हिलि मानिनाको दोअ्तेङ परमेस्वर आदम कालाउ हब्बाहेङ इङको सुन्दर बागैचासो ओल्ले पापिहि। परमेस्वर जिबनको सिङको खाङसुलिको भाअ्सिङ सरबुङ साइका स्वर्गदुतगेलाइ बगैचाको मुलि फिनुता पालेको रुपता खाटाइहि।