12. इस्त्राएलियो कु मिस्त्र देश सु धीनया।

इस्राएली मीजन मिस्र देश सू धीलन दलना खुश निजू। इदू इता गुलाम मू निजू अज्यु उदू वादा किघायनु देश रु धी निजु। जो अल्या ले इस्राएलियों सू थोजूसु मिस्रियों जन सू उदू भीर झन धासू धो होना सू झांङ अज्यु मूल ताकू खिचू दलना अकरो सामान निजु। खिजू देश कू मीजन सू परमेश्‍वर रु विश्‍वाश घासू अज्यु इदू इस्राएली मीजन धीजू उई मिस्त्र देश दिजु ते उइ इदू रक्सा पिराचू।

निकछू ज्या रु तुखू कू ताकू पूनू खम्भा इदकू तूकतू तूकतू धीसू। अज्यु मून्छू बक्त म्ही कू खम्भा कलचू। परमेश्‍वर इदू तुखू कू खम्भा रु अज्यु म्ही कू खम्भा रु नीजू। परमेश्‍वर इदू कू रक्सा नीजू अज्यु उदूसू यात्रा घालन बकत अम थै निजू इदूसू अनमा घाम निजू की इदूकू नोगोन्दी गमजीनी।

अल्या ज्या रु राजा अज्यु उई कू मीजन सू अफी कू सिसौ किखैदूसू। इदू इस्राएलियों कू अफी कू गुलाम घाम चिंङ निजू। इदू हन्दू इस्राएलियों कू निगोन्दी दिसू। अन्दू परमेश्‍वर निजू इदूसू उदूकू सिसौ किखैदचू। इदूसू अनमा घासू कि खलन कि इदू खी निजू भीर ताकु पेनु जन कि राजा अज्यु मिस्र देश रु भीर देवता सू इदू यहोवा परमेश्‍वर, दलना शक्तिषाली निजू।

इदु हन्दु इस्राएलियों सू मिस्र देश कू सेना कू रानु ताड़ंसु उइसु किपे निजु कि इदू राजा कू सेना अज्यु मांगनू यांगती निसु गुंदा रु कूफसेजू। इदू दल ना किजर निजु अज्यु तीमू लागजू निंगसू मिस्र देश खलन सिन्सु ? निंग सिजन निहन।

मूसा सू इस्राएलियों जो लिसू जेरमु बंद घानी। परमेश्‍वर थिया घनी हन्दू दाकस्यांग अज्यु घनी टङगदा। इदू परमेश्‍वर सू मूसा जो लिसू अन्दु मिजन जो मांगनू यांगती कु चेनदु धीमू हन्दु लिसू।

इता परमेश्‍वर सू उदू तुखू कू खम्भा कूरलन इस्राएलियों अज्यु मिस्त्रिं जन कू गुंदा तासू खलन कि मिस्री देश कू जन इस्राएलियों कू उंगमू था तांगलो।

परमेश्‍वर सू मूसा जो यांगती रु अफी कू ला तूकतू घामू हन्दू लिसू। इदू सू परमेश्‍वर सू हुई जो यांगती धीकांग अज्यु तिकांग कूघादसू इदू हन्दू यांगती रु ताकू अम कूबनेजू।

इस्राएली मीजन अफी कू निसूरी चेनदु ती कू भाड़ंभाल कू साथु छरनू धरती रु यांगती सू लीलन ताचू।

इदू सू परमेश्‍वर सू इदू अमसू तुखू कुअन्सु इदू सू मिस्री देश कू मीजन इस्राएलियों कू टांगलन धीनु तांगसु। मिस्री देश कू मीजन सू इदु चुमलन हन्दु उदूकू नोगोन्दी घीमु हन्दू फैसला घासू।

इदू हन्दू उदूसू यांगती कू सहारे सु उदू अमरु इस्राएलियों कू नोगोदी धीजू इदू हन्दू परमेश्‍वर सू मिस्री देश कू मीजन किझर निजु अज्यु उदू कू रथ रु अम बंद कूघासू। उई ढासी निजू फूंड़ंनी इस्राएलियों कू चेन्दु सू परमेश्‍वर दाक्सै निजू।

भीर इस्राएली यांगती कू खिजू चेन्दु कूहंनंजू। तब परमेश्‍वर सू मूसा जो लिसू कि उदू सू ती सू ला तामू। इदू सू मूसा सू अनमा घासू इदू बक्त ती मिस्री सेना रु येरतो पिराचू अज्यु अफी कू बराबर रु पिराचु। भीर मिस्री सेना जन कू डूबेजू।

जब इस्राएलियों सू ताड़ंसु कि मिस्री देश कू मीजन किसिजी निजू। इदू हन्दू परमेश्‍वर रु विश्‍वाश घासू। इदूसू विश्‍वाश घासू कि मूसा परमेश्‍वर कू चेनदु सू भविष्य पेनू मी निजू।

इस्राएली जन इदू हन्दू दलना खुश निजू खलन कि परमेश्‍वर सू इदू कू सिजूमू अज्यु गुलाम लिमु सू कूबचेसू। थन इदु परमेश्‍वर कू सेवा घामू हन्दू इदू कू आदेश मानमु हन्दू आजाद निजू। इस्राएलियजन सू अफी कू आजादी कू त्यार घा निजू अज्यु परमेश्‍वर कू जेनू खिमू हूलांग ना भैरा घासू इदू हन्दू इदकू मिस्रि देश कू सेना कूबचेसू।

परमेश्‍वर सु इस्राएलि जनं बिर हिंग ताकु त्यार घामू कू आदेश धासू इदू ची घामू हन्दू घूमरी परमेश्‍वर सू मिस्रियों देश कू किहारन्चू अज्यु उइकू गुलाम लिलनचू आजाद घासू। इदू फसह कू त्यार लिंसू। नै त्यार कू ज्यारु ताकू जेनू पाठौ कू बलि धामू निजू इदू रु निजू अज्यु इदू मूघोलनू ही अज्यु मुलिनु सिरनु रोठा कू रक्सा झामू निजू।