13. इस्राएल कू साथू परमेश्‍वर जो वादा घासू।

इस्राएलिजन कू माङनू यांगती सू तीबा कूरमू कू नोगोन्दी, परमेश्‍वर सिरु खरचू कूरलन सीनै धाड़ंरु रु खरचू कूरलन धीजू। अन्दू इदू ना धांड़ंरु निजू ताकू मूसा मीधुइनू झेरा ताङसू। इदू मीजन सू इदू धांड़ंरु कू यूगांङ अफी कू डेरा ठांगसू।

परमेश्‍वर सू मूसा जो अज्यु इस्राएल भीर मीजन सू लीसू घनी तूकतू जीकू आदेश मनेमू अज्यु जो वादा रु जि घनिकू रकसा रु इदू घुइलन तांगदा इदू घुइलन तामू। इदू घे अनूमा घांजे घनी परमेश्‍वर कु राज्य कु पुजारी अज्यु जेनू जाति लयाड़ंन।

परमेश्‍वर दरु इदू लगान्दी रामू हन्दू मीजन सू सूम ज्या वना अफी यागसु। तब परमेश्‍वर सीनै धांड़ंरु कु चोटी रु राचु। उदू राचु ते धरती लुकसिजु , चाल चमकी, खू रिजेसू अज्यु बाजा कू दलना वयडो रानिजु। इदू मूसा अफी थो धांड़ंरु ताजु।

इदू सू परमेश्‍वर सू मीजन कू साथू रु ताकू वादा घासू। इदू सू लिसू जी घनीकू परमेश्‍वर यहोवा ली। जी ना ली घनीकू मिस्र देश कू गुलाम सू आजाद घासू। खमरी खिजू देवता कू भक्ति मुघाड़ंदा।

मूर्ति मू ठंगमू अज्यु इदू कू भक्ति मूघामू इदू हन्दू जी यहोवा घनीकू ताकूना परमेश्‍वर ली। घूमरी रीति रीवाज सू झी कू मूंग मू लीमू। छनछर ज्या सब्त आराम कु ज्या कु नुकछू शुद्ध घाम हन्दू याद घामू। 2 नीसू श ब्दु रु 6 टुकु ज्या रु अफी कु बिर लन घामु छनछर 7 ज्यादु ज्या गनी हन्दु आराम घानजे अज्यु झी याद गामु ज्या ले।

अफी मिना भा कु जैनु खिमु। मुसेमु। यानु लन मुगामू। मु खुसीमु। अफी कु सुखुड़ं कु भुदाचुमे उदकु सूगरुं या इदु कु खेरी सामान लेमु कु मन मुगामू।

परमेश्‍वर इदु मी जन जौ नियम कदा निजु इदु मानेमु हन्दु कियाहसी निजु। इदु ताकु परमेश्‍वर कु मीजन लिमु अज्यु केवल इदकु आदर घामु हन्दु कियानसि निजु।

परमेश्‍वर सु इस्त्राएलियों ताकु पुनु ढांड़ंसु गामु हन्दु लिसु लगादी ढांड़ंसु। उदुसु इदजो जेनु जेनु लिसु अन्दु ढांड़ंस गुम गालन तगतन,अज्यु इदु बुतरु खा ताम निजो। उइ उइकु ढांड़ंसु कु निसु कमरा छुसुमु गामु इदु हन्दु ताकु पुनु पर्दा गामु लिसु। परमेश्‍वर इदु पर्दा कु निगोन्दी सुखुड़ं रु रायाडं अज्यु इदु सुड़ंयाडं। जो भड़ं परमेश्‍वर निजु इदु सुखुड़ं कु इजाजत ताकु पुनु यहुदी पुजारी निजु।

इदु मि जन कु लगादी कू ढांड़ंस कु लगादी ताकु दाड़ंसिघ गामु लयाडं। खमरी ले परमेश्‍वर कु नियम मुमानुमू इदु दाड़ंसिघ कु ताकु रे माला रेलन राचु। इदु यहूदी पुजारी बली दाड़ंदा अज्यु दाड़ंसिघ सु परमेश्‍वर हन्दु बलि कु रुप रु कुरुदुसु। परमेश्‍वर सु लिसू रे माला कु सी इदु मी कु पाप खपमु हन्दु घादा। इदु रीति सु इता परमेश्‍वर उडंमु पाप मुतडंदा। इदु मी परमेश्‍वर मेरु जैनु लयाडं। परमेश्‍वर सु मुसा कु नुनु हारुन ताकु अज्यु हारुन कु वंश कु अफी पुजारी लिमु हन्दु चुनेसु।

परमेश्‍वर सु ची आदेश मानलन सु उड़ं कु निसु पाथर रु रीलन सु मूसा जे किदादसु। परमेश्‍वर सु डुगमु हन्दु बिर मी दलना नियम दासु। इदु हन्दु नियम कु मानमु इदु सु परमेश्‍वर इदु मी आशिर्वाद दाघदा अज्यु इदकु रक्षा गामु हन्दु प्रार्थना गासु। लिसु की इदु हन्दु अन्दु नियम मुमानुसू इदु उइजो सजा दादगदा।

हुलांग ज्या मुसा सीनै धांड़ंरु कु चोटी कुसूड़ं निजु। उदु परमेश्‍वर सु कांड़ंथे गा निजु। खलन मीजन कु लगांन्दी इदु कू रुड़ंलजन कुक्षेयगजु। इदु हारुन कु लगान्दी झोड़ं रेलन राचु अज्यु इदु ताकु मूर्ति ठाड़ंमु हन्दु लिसु ताकु परमेश्‍वर कु लागान्दी जी कु भक्ति गा तरसन। इदु रीती सु इदु भयंकर रुप सु परमेश्‍वर खिलाप पाप गासु।

हारुन सू ताकू कूली कू रुप रु झांग कू मूर्ति घासू। इदू मीजन सू मूर्ति कू पुजा घामू शुरु घासू इदू बलि दासू इदू कू पाप कू वजह सू परमेश्‍वर दलना रीस पिरा निजू। इदू नष्ट घाम चिंग निजू। इदू हन्दू मूसा सू उइ मूसैमू कू परमेश्‍वर जो विनती घासू। परमेश्‍वर सू इदू कू विनती यंनसू इदू नष्ट मूघासू।

नोगोन्दी मूसा सीनै धांड़ंरु खरचु यु राजु। इदू निसू उंग कू पाथर पूकर निजू इदू रु परमेश्‍वर कू ची आदेश रिसू। इदू सू इदू मूर्ति तांगलन। इदू दलना रिस रु निजू इदू सू इदू पाथर कू टुकड़ा टुकड़ा कूघादसू।

इदू मूसा सू इदू मूर्ति कू हीललन सु फा कूघादसू, अज्यु इदू फा कू ती रु धूलन इदू मीजन जो ती पीलेदूसू। परमेश्‍वर सू इदू मीजन ताकू मुसिबत पांगसू इदूरु खरचू दलना मी पुंगचू।

इदू पाथर मूसा सू छयालन इदू कू भागरु कूरमू हन्दू मूसा सू इदू 10 ची आदेश कू उंग कू नुनु पाथर ठांगसू। इदू ताकू धांड़ंरु रु ता निजू अज्यु प्रार्थना घालन अज्यु परमेश्‍वर इदू मीजन क्षमा घासू। परमेश्‍वर सू मूसा कू यनसू ताकू इदू क्षमा घादसू। नुनु पाथर रु 10 ची आदेश हन्दू मूसा धांगरु खरचू यू राजू। इदू परमेश्‍वर सीनै धांड़ंरु रु सू कूरलन वादा कू देश होना इस्राएल कू तुकतू दिसु।