14. सिरु फैरसेमू निजु।

परमेश्‍वर सू इस्राएल कू इदू नियम बतेमू बन्द घासू इदू कुघूयनु निजू इदू कू वादा कु वजह मानेमु लि। इदू हन्दू उदूसू सीनै धांड़ंरु कू तूकतू इदू तुकतू दिसु। इदू वादा कू देश रु कूरमू चिंग निजू। अन्दू देश कनान ली निजू। परमेश्‍वर तुखू कू खम्भा रु इदूकू तूकतू तूकतू धीजू अज्यु इदूकु नोगोन्दी नोगोन्दी धीजू।

परमेश्‍वर सू अब्राहम, इसहाक अज्यु याकूब सू वादा किदा निजू इदू वादा कू देश इदूकू वंश दांगदा , खलन अन्दु ज्या इदोड़ं रु दलना जाति स्युंड़ं निजू। अन्दू कनानी ली निजू। अन्दू कनानी जन परमेश्‍वर कू आदर मू घान निजू अज्यु इदू कू नियम मू माने निजू। इदू आलानू देवता कू पुजा घा निजू अज्यु दलना यानू लन घा निजू।

परमेश्‍वर सु इस्राएलियजन सु लिनसु जौ वादा इदु देश रु धीमु इदु बिर मी कनानि सु छुटकारा कुरुमु चिड़ं निजु। इदु रकषा काडंथे मुगामू अज्यु इदु रकशा बक्चा मुगामू। घनसु उदकु बिरना मूर्तियों बरबाद घामू। घे जिगु आदेश मु मानजे, घे जिकु अलवा उइकु देवता कु भक्ति घांमु लागायादां।

इदु इस्राएल जन कनान कु सीमा रु वन राजु मूसा सु इस्राइल कू भीर जाती सु ताकू ताकू घालन 12 चने मी चुनेसु। इदू सू इदोडं धीमु इदू देश रु उड़ंलन रामू हन्दू आदेश धासू ताकू उंडमु हन्दु इदू घूमा देश निनि। इदूकू कनानियों कू उड़ंलन कूरमू निजू उंगमू निजू उइ ताकतवर निजू या कमजोर निजू।

इदू 12 चने मी सू भूंगना कनान लीलन सु 40 पिसा ज्या कू यात्रा घासु अज्यु फिर उई थौकते राचू। इदू सू मीजन सू लिसू इदू देश हूलांग खेती लिनि अज्यु दलना घेरा लिनि। खलन कि ची जासूस लिसु, इदु सारु शहर निजु अज्यु उइ मी जन भुलनु भुंगलु निजु। इदु हन्दु निंग उइ रक्सा दाक्सिंजै पक्का निग रांङहन अज्यु निड़ं सेदेंगदा।

इलाड़ं वक्त कालेब अज्यु यहोशू अज्यु खिजु निसो जासूस लिसु अन्दु हुचना लि की कनान कु मी जन भुगनू अज्यु शक्तिशाली निजु ,इदु पक्का रुप निंग उइकु हरे तगने। परमेश्‍वर निघ हन्दु दरशड़ं।

इदू हन्दू मीजन सू कालेब अज्यु यहोशू कू कांड़ंथे मुयनसू। इदू मूसा अज्यु हारुन रु कूफरसिजू अज्यु लिसू घै निंग यानू भांग रु खलन रेलन रांजू। निंगु अन्दु मिस्र देश रु ना सिंगमू चिंग ली। इदू सू निंग अन्दू कू देश रु धीजे निंग दाक्सीजै सिझाड़ंहन अज्यु कनान कू मीजन निंगू बुदाचिमै अज्यु सैंजन कू गुलाम घामू हन्दू। इदू मीजन थोक्ते मिस्र देश रु कूरलन ताकू प्रधान चूनेमू निजू।

जब उइसू अनमा लिसू कि परमेश्‍वर दलना रिस पिरा निजू। इदू लगान्ंदी वाला ढाड़ंसु रु राजू अज्यु लिसू घैसू झी कू खिलाप दिजु , इदू हन्दू घनी भीर मी सीरु फैरसीमु चिंडयांग। भीर ताकू मी रु नसा हिंग या इदू सू दलना ज्या कू लिजै इदू सिझाड़ं अज्यु घूबज्या ले इदू देश रु रा मूतरयंग जो झि घनी दाती। केवल कालेब अज्यु यहोशू दूरु दायाहन।

जब मीजन सू परमेश्‍वर सू अनमा लीमु यनसु ते उइ दुख लिजु खलन कि उइसु पाप किघा निजु। इदू हन्दू उइसु कनान कु मीजन रकशा दाकसिजु कू फैसला घासू। मूसा सू उइ मुधेमु हन्दू चेतावनी दासु खलन कि परमेश्‍वर उइकु रक्सा मूधियांग, खलन कि उइसु उइकु मुयनसु।

परमेश्‍वर अन्दू दाकसिजे उईकु साथु मूनिजू, इदू हन्दू कनानियों जन सू उइकु कहारदसू अज्यु इदू रु खरचू दलना मीजन किसिदसू। तब इस्राएली मीजन कनान सू थौकते पिराचू। रानू पिसा हिंड़ं वना सू सीरु तिकांग धिकांग फैयसी निजु।

इस्राएली मीजन सू सिरु फैसिलन 40 पिसा हिंग होना सू, परमेश्‍वर सू उइकु चिड़ंमु चिज पूरो घासू। उदूसू उइजो थो लोग र्खचु सू मन्ना लीनु रोठा धासू। उदू सू बटेरों प्या कू थूंमसीमु कू रक्सा पांगसू खलन कि ढाडंसु दरौ पाड़ंसु उइकु लगान्दी जामु हन्दु स्या लिलो। इदू भुडना ज्या रु, परमेश्‍वर सू उ गै अज्यु पोला बैमू सू कूबचेसू।

धो वना सू परमेश्‍वर सू उइकु तूंगमू हन्दू अफी कू शक्ति सू दघरु खरचू ती भोसु। खलन अन्दु भीर कु नोगोन्दी इस्राएली मी सू परमेश्‍वर कु खिलाफ अज्यु मूसा कू खिलाफ हासिजु लीसू अज्यु दलना फालना सुड़ंनी। इदू हन्दू परमेश्‍वर विश्‍वाश घाम निजू। इदू सू वादा घासू इदू अब्राहम, इसहाक, अज्यु याकूब कू वंष हन्दू घांगदा इदू सू अनमा घासू।

ताकू ज्या रु इदू मीजन कू लगांन्दी ती मूनिजू परमेश्‍वर सू मूसा जो लिसु दघरु रक्सा कांगथे घा , अज्यु इदोजो इदोड़ं खरचू ती भोयांग। इदू हन्दू मूसा सू दघरु रु रक्सा कांगथे मूघासू। इदू हन्दू लाठी सू नूक्चौ बार कमसो। इदू रीती सू परमेश्‍वर कू कदर मूघासू। बिर विजन तुंगमू हन्दु धांगरु खरचु ती भौयांग खलन परमेश्‍वर मूसा ताडलन रिस पिराचु। इदु हन्दु गेसु अमा घानसु ,इदु हन्दु गे वादा कु देश रु रा मुतरयंग।

जब इस्राएली मीजन 40 पिसा हिंग वना सिरु फेरसी निजु ,उइसु परमेश्‍वर कू खिलाफ दंगा घासु इदु भिर कु पुंगची निजू। तकचौ परमेश्‍वर सु इदु मी जन सु फन इदु वादा कु देश रु लास्ट वना कुरसु। इदु मूसा दलना स्यांगमी कलचु ,इदु हन्दु परमेश्‍वर सु मी जन कु तुकतू दिसु इदकु साथु घाम हन्दु यहोशू कु होना चुनेसु। परमेश्‍वर सु मूसा सु इदु वादा घासु इदु ताकु ज्या इदू मीजन धबो मूसा कू माघरतु ताक्चौ ताकू भविष्य पेनु मी पाआड़ंदा।

ताकचौ परमेश्‍वर सू मूसा कू ताकू धाड़ंरु कू चोटी रु धीमू हन्दू लिसू इदू वादा कू देश उंगमू। मूसा सू इदू वादा कू देश उंगसू ताकचौ परमेश्‍वर सू इदू राम हन्दू अनुमति मूधासू। ताकचौ मूसा पूंगचू, अज्यु इस्राएलियो सू 30 नासा सुम ज्या शोक घासू। यहोशू इदू कू नुनु प्रधान मी कलचू। यहोशू ताकू जेनु प्रधान निजू इदू हन्दू इदू परमेश्‍वर सू विश्‍वाश घासू अज्यु इदू कू कांड़ंथे मानेजू।