15. वादा कु देश

अन्त इदु ज्या पिराजु ताकु इस्राएली कु मी वादा कु देश कनान रु पिराचु। इदु देश रु यरीहो मुड़ं कु ताकु भंड़ं निजु। उघु रक्षा घाम हन्दु इदु पी भड़ं सारु भगबल निजु। यहोशू सु इदु भाडं रु निसु जासुस पाङसू। इदु भंग रु राहाब मुडं कु ताकु वेष्या सुयडं निचु। उइसु निसु जासुस चाया सु ,इदु नोगोन्दी इदु सु उइकु भाडं टाङलन राजु मदद घासु। इदु सु अनुमा घासु इदु परमेश्‍वर रु विश्‍वाश घा निजु। इदु झायरु इस्राएली मी जन यरीहो कु नाश घादन ,इदु हन्दु राहाब ताकु इदु खू कु रक्षा घामु वादा घासू।

इस्राएली कु मीजन सु वादा कु देश रु रा निजु हन्दु यरदन ती याडंती कु तिबा घामू निजु। परमेश्‍वर सू यहोशू सु लिसू बिर ,यहूदी पुजारी कु तुकतू दिम दा। इदु पुजारी कु यरदन याडंती रु अफी लिगी तासु उदु ती कु भोनू कि थूमसु इदु कु इस्राएली मी याडंती कु खीजू ताकु छरनू धरती रू तिबा दी तरजु निजु।

इदु मी जन सु यरदन ती तिभा किघा सु ते परमेश्‍वर यहोशू सु लिसू यरोही भंड़ं रु दकक्षाडंमू घामू हन्दु कियाङसी निजु अइ दलना सारु भडं निजु। परमेश्‍वर सू इदु मी जन सु लिसु कि उइकु यहूदी पुजारी अज्यु सैना कु 6 टुकू ज्या होना सु भाडं रु पी भंड़ं फेरसीन लगसु। यहूदी पुजारी अज्यु सैना सु अनमा घासु।

इदु 7 जेयदु ज्या इस्राएलियो सु इदु पी भंड़ं फेरसीजु अज्यु 7 जेयदु बार अज्यु फेरसीजू। इदु भंड़ं पी भांड़ं ताकु जेयदू बार फेरसिमु कु नोगोन्दी यहूदी पुजारी सू अफी बाजा बजेसु अज्यु सैना सु जोर सु फासू।

इदु यरीहो भड़ं कु पी भंड कु भडबल किलेजु। इदु परमेश्‍वर सु आदेश दासु इस्राएलियो कु भंड बिर ताकु चीज बरबाद किधादासु। इदु सु राहाब अज्यु इदु कु खु जन पाकसी दिसु , इदु इस्राएलियो कु साथु कि सिड़ंजु। इदु कनान देश रु सुघमु मी जन यनसू कि इस्राएलियो मिजन यरीहो भड़ं कु बरबाद घाम निजू ,उइ इदु किजयरसू ,इस्राएलि मिजन दाकसी राजु।

परमेश्‍वर इस्राएलियों आदेश दासू कि कनान देश रु सुयनुजन घुबरी ले जाति कु रगसा शान्ति समझौता मुघा निजु। इदु हन्दु गिबोनियों मुघ अइ ताकु कनानी जाति सु यहोशू सु आला निजु कनान सु हानम ताकु भड़ं सुयनु निजु। ताकचा यहोशू सु उइकु साथु शान्ति समझौता घाम विनती घासु। यहोशू अज्यु खिजु मी इस्राएलियो प्रधान सु परमेश्‍वर सु मुरुसू की उइ सु खा घामु चिडंयाडं। उइकु गिबोनियों कु साथू शान्ति समझौता कि घासु।

3 सुम ज्या कु नोगोन्दी इस्राएलियों सु पेसु कि गिबोनी मीजन कनान देश रु सुडं निजु। उइ रिस पिराचु खलन की गिबोनियों सु इदु धोखा दासु। खलन इदु सु उइ कु साथू घालन उदु शान्ति समझौता कु घालन तासू खलन कि परमेश्‍वर कु लगाती किघा निचु। बिर जन ज्या कु बाद कनान रु सुडंनु जन ताकु अइ जाती एमोरियो कु राजा सु यनसू कि गिबोनियों सु इस्राएलियों कु साथू शान्ति समझौता किघासु। इदु हन्दु अफी अफी सेना कु ताकु घालन ताकु पुनु सेना घासु ,अज्यु गिबोन रक्सा दागसी निजु। गिबोनियों सु मदद घामू हन्दु यहोशू कु धरु ताकु भूडं पाडंसू।

तब यहोशू सु इस्राएलियों कु सेना थुमलन गासु अज्यु गिबोनियों कु लगान्दी रेलनचू कुरमू हन्दु भुडंना मुन्छु घमजुसु। छाजू वक्त इदु सु एमोरियों कु सेना हा किपेडेजु अज्यु इदु रकसा दाकसीजु।

इदु ज्या परमेश्‍वर इस्रालियों कु चेनदु दाघसुजू। उइ एमोरियों किझरसू इदुसु पुनु पुनु ढाल लेजू उइ दलना एमोरियों कू सेदिचू।

परमेश्‍वर सु नी तूंखू रु ताकु भंङ किरोकदुसु खलन की इस्राएलियों अल्या दलना ज्या छुयाड़ं की एमोरियों कु भुडंना खर्चु किहरेदिसु। इदु ज्या परमेश्‍वर सु इस्राएलियों कु हन्दु ताकु पुनु जीत घासु।

तकचा परमेश्‍वर सु उइ सेना कु हरमु कु नोगान्दी ताकु कनानी जाती कु मीजन इस्राएल रु दाकसिमू हन्दु थमसिजु। यहोशू अज्यु इस्राएलियो सु दागसलनचू उगु खत्म किघादुचू।

अन्दु दाकसीमु कु नोगोन्दी परमेश्‍वर इस्राएल कु भीर जाती कु वादा कु इदु देश रु उइकु भंड कु छुजिसु। इदु परमेश्‍वर सु इस्राएल कु इदु कु बिर लास्ट रु उदु शान्ति निजु।

इदु यहोशू किसायडजु इदुसु इस्राएल के बिर मीजन हुलन राजु। इदु यहोशू सू इदु मी जो ची घासू इदु सु अइ वादा कु मानेमु हन्दु वादा घासु इदु परमेश्‍वर सु इदु साथू सीनै धांड़ंरु घुलन तासु। उइ मी जन सु परमेश्‍वर साथु कु विश्‍वाश घामु हन्दु अज्यु उइकु नीयमो कु मानेमु कु वादा दासु।