16. छुडेनू मीजन

यहोशू सीजम कु नोगोन्दी इस्राएलियो सु परमेश्‍वर कु काडथे मुमानसु। इदसु परमेश्‍वर कु नियम कु पालन मुघासु , अज्यु इदसु इदु वचन कु देश रु बचे कनानियो जो भाड़ंरु मुघासु। इस्राएलियो सु अफी सच्चे परमेश्‍वर यहोवा थुमलन कनानियों कु देवता कु भक्ति घामु शुरु घासु। इस्राएलियो कु लगान्दी खमरी राजा मुनिजु , इदु हन्दु जो जेनु लिहे इदसु अनमा घासु।

परमेश्‍वर कु वादा मुमानमु कु हन्दु इस्राएलियो सु ताकु नियम सु शुरु घासु हुलाचोना कु बते निजु। इदु नियम इदु प्रकार रिहो अल्या हिड़ं होना इस्राएली परमेश्‍वर कु वादा मुमानसु , तब इदुसु इदजो दुश्मन जो हारयाड़ं इदु सजा लिलो। इदु दुष्मन इस्राएलियो जो भिर समान खुयाड़ंदा , इदकु सम्पती खत्म घालो , अज्यु इदजो भिर सेदड़ंदा। फिर इदु इस्राएलियो कु दुश्मन इदजो हुलाड़ं ज्या होना पाप घालो, इदु नोगोन्दी इस्राएली अफी पाप कु पक्षताप घालो अज्यु इदु बचमु हन्दु परमेश्‍वर कु प्रार्थना घालो।

जारी ना इदु इस्राएली पक्षताप घालो तो परमेश्‍वर इदजो टआड़ंदा। इदु ताकु सिमु हन्दु अनमा घालो -ताकु अनमा मी जो इदकु दुष्मन कु खिलाफ दाक्षलन अज्यु इदजो हरे दड़ंदा। तब देश रु शान्ति लिलो अज्यु इदु सिमु मीजन इदुरु जेनु सु राज घाघदा। परमेश्‍वर सु इदु मीजन जो बचेमु हन्दु दलना मी थेमु हन्दु पाड़ंसु। परमेश्‍वर कु लगान्दी ताकु दुश्मन जाती , मिघानियो सु इदु हन्दु इस्राएलियो जो हरेमु हन्दु फिर सु अनमा घासु।

मिघानियो सु जेदु हिड़ं होना तक इस्राएलियो कु घेरा लुटजु। इस्राएल मीजन दलना किजरजु निजु , अज्यु इदु फु रु किचादिसु ताकि मिघानी मीजन इदु मासी मुतरयाड़ं। नोगोन्दी इदु टआड़ंमु कु हन्दु परमेश्‍वर हरतेसु।

गिदोन मुड़ं कु ताकु इस्राएली होरासीरी निजु। ताकु ज्या , इदु ताकु गुप्त जगरु रिजे झान निजु ताकि मिघानी मीजन इदसु खुसी मुतरयाड़ं। यहोवा कु थो लोग गिदोन कु लगान्दी रालन इदसु रुसु , "हे शुरवीर सूरमा , परमेश्‍वर घेघु रकसा निनि। दिम अज्यु इस्राएलियो जो मिघानियो सु बचेमु"।

गिदोन कु भा कु लगान्दी मूर्ति जो दामु हन्दु ताकु दाघसिड़ं निजु। हिजाड़ं तुकतू काड़ंथे जो परमेश्‍वर सु गिदोन जो घामु हन्दु लिसु इदु दाघसिड़ं छायमु निजु। खलन कि गिदोन मीजन जो जरमु निजु इदु हन्दु इदसु मुन्छु कु इंतजार घासु। तब इदसु इदु दाघसिड़ं कु छायलन टुकड़ा -टुकड़ा किघादुसु। इदसु परमेश्‍वर कु हन्दु ताकु नुनु दाघसिड़ं बनेसु अज्यु इदुरु परमेश्‍वर हन्दु बली दासु।

खिजु छाजु मीजन सु ताड़ंसु खमरी ले दाड़ंसिड़ं छायलन टुकड़ा-टुकड़ा किघादुसु , इदु दलना रिस रु निजु। गिदोन जो सेयमु हन्दु इदकु सुड़ंरु दि निजु , इदकु गिदोन कु भा सु लिसु , घे खा अफी देवता कु मदद घामु कु कोशिश घा निजु। इदु इदनो देवता ले इदु अफी रक्षा अफी घालो। खलन कि इदसु अनमा लिसु खमरी मीजन सु गिदोन जो मुसेसु।

तब इस्राएली जो खुसिमु हन्दु मिघानी मीजन अइ राजु। इदु दलना निजु इदकु गिनती मुघा तरनी निजु। गिदोन सु इदकु खिलाफ दाकसिमु हन्दु इस्राएलियो जो ताकु साथु दो यो लिसु। गिदोन सु परमेश्‍वर सु निसु चिन्ह कु मॉग घासु ताकि इदाजो विश्‍वाश लिलो कि परमेश्‍वर हुचना इदु इस्राएल जो बचेमु हन्दु फा निजु।

तुकतू कु चिन्ह हन्दु , गिदोन सु मला कु छम थाड़ंरु तामलन परमेश्‍वर सु लिसु कि छाजो कु बुरती मला कु इदु छम रु सुड़ंलो अज्यु थाड़ंरु मुलायड़ं। परमेश्‍वर सु अनमा घासु। खिजु मुन्छू , इदसु परमेश्‍वर सु लिसु इदु थाड़ंरु थिनु लयाड़ं खलन कि मला कु छम छरनु लिलो। परमेश्‍वर सु अनमा ले घासु। इदु निसु चिन्हो कु कारण , गिदोन सु विश्‍वाश घासु कि परमेश्‍वर हुचना खि निजु कि इदु इस्राएलियो जो मिघानियो सु बचेयड़ंदा।

इदु गिदोन सु सैनिक जो अफी दरो हुयसु अज्यु 32000 होरासीरी राजु। खलन कि परमेश्‍वर सु इदुसु लिसु कि इदु दलना निनि। गिदोन सु इदु बिर 22000 जो सुड़ंरु पाड़ंसु जो दाकसिमु मुजरमु निजु। परमेश्‍वर सु गिदोन जो लिसु इदु होरासीरी इदोड़ं ले दलना निनि। इदु हन्दु गिदोन सु 300 सैनिक सिलन इदु बिर जो सुड़ंरु पाड़ंसु।

इदु मुन्छू परमेश्‍वर सु गिदोन सु लिसु , मिघानियो कु ढाड़ंसु रु दी अज्यु इदकु काड़ंथे घामु रुड़ंस्यन। जब घे यनाड़ंदन कि खा काड़ंथे घादा घे इदरु दाकक्षी ते मुजरमु। इदु हन्दु मुन्छू , गिदोन युड़ांघ इदुकु ढाड़ंसु रु दिसु अज्यु इदसु ताकु मिघानी सेना रु अफी साथु जो काड़ंथे घामु यनसु इदु जेनु तड़ं निजु। इदु होरासीरी कु साथु सु लिसु , इदु जेनु कु अर्थ ले कि गिदोन कु सेना जी मिघानी सेना जो हरे तारयाड़ं। जब गिदोन सु यनसु ते इदसु परमेश्‍वर जो धन्यावद दासु।

तब गिदोन अफी सेना दरु थोकते राजु अज्यु इदसु सु प्रत्येक जो ताकु - ताकु नरसिंगा , ताकु सा कु भडु , अज्यु ताकु मशाल दासु। इदुजो इदु ढाड़ंसु जो किघेरदुसु इदु मिघानी किया निजु। गिदोन कु 300 सेना सु अफी मसाल कु भडु जो कुखब निजु इदु हन्दु मिघानी मीजन इदु मशाल कु मी उड़ं मुनिजू।

तब गिदोन कु बिर सेना अफी पात्रो जो ताकु ज्या छायलन छाटो सु मशाल रु मी किचीसु। इदुसु अफी नरसिगे जो फुकेसु अज्यु हरतेसु , यहोवा कु अज्यु गिदोन कु तलवार।

परमेशवर सु मेघानियो जो जरनु किघादुसु , इदु ताकु निसरु जो सेमु -ची निजु। छटना , गिदोन कु फुड़ं मी जो दलना खिजु इस्राएलियो जो मिघानियो कु नोगोन्दी रामु इदकु मदद घालन हुमु हन्दु पाड़ंसु। इदसु इदु दलना मीजन सेयदा अज्यु घघ मीजन कु नोगोन्दी रालन इस्राएल देश र्खचु भाड़ंरु किखेदुसु। इदु ज्या 1,20,000 मिघानी पुड़ंचु। इदु वजह सु परमेश्‍वर सु इस्राएल जो बचेसु।

इदु मीजन गिदोन जो अफी राजा बनेमु चिड़ं निजु , खलन कि गिदोन सु अनमा घालन मुघासु , इदु हन्दु इदोजो जड़ं कु घे थुमसू जो ताकु मिघानियो सु थुमसी निजु। इदु मीजन सु दलना मात्रा रु गिदोन जो जड़ं दासु।

तब गिदोन सु इदु जड़ं सु ताकु अकरो घे बनेसु खलन कि यहदी पुनु पुजारी चुसकी निजु। खलन कि मीजन सु इदकु पुजा घामु शुरु घासु अनमा निनी इदु ताकु मूर्ति निनि। तब परमेश्‍वर सु इदु खर्चु इस्राएल जो सजा दासु खलन कि इदसु मूर्ति कु पुजा शुरु घासु। परमेश्‍वर जो इदकु दुश्मन जो हरेमु हन्दु ताकत दासु। नोगोन्दी होना इदु खर्चु परमेश्‍वर सु मदद घामु प्रार्थना घा निजु , अज्यु परमेश्‍वर सु उइ कु लगान्दी इदु बचेमु हन्दु ताकु इदु छुड़मु हन्दु पाड़ंसु।

इदु काड़ंथे हुलाड़ं चुनो लिजु रू इस्राएली मीजन पाप घाघदा , परमेश्‍वर इदोजो सजा दाड़ंदा , इदु पक्षताप घालो अज्यु परमेश्‍वर इदुजो थेलन हन्दु खमरी पयड़ंदा। हुलाड़ं ज्या होना , परमेश्‍वर सु दलना थेलन जन पाड़ंसु इदु इस्राएलियो जो इदु दुश्मन सु बचेसु।

नोगान्दी होना इदु मीजन सु खिजु देश माघरतु परमेश्‍वर सु अफी हन्दु ताकु राजा कु चिड़ंनी। इदु ताकु अनमा राजा चिड़ं निजु जो भुड़ंनु अज्यु ताकतवर ली , अज्यु इदु दाकक्षि ते उइकु मदद घालो। परमेश्‍वर जो इदु फुड़ं जेनु लागेसु , खलन कि इदोजो अनमा राजा दासु इदसु जो थो निजु।