17. दाऊद कु साथु परमेश्‍वर कु वाचा

शाऊल इस्राएल देश कु तुकतु राजा निजु। इदु भुडंनु अज्यु ढांडनू निजु, खलन इदु मी खी नीजु ताकचो इदमा निनि। इस्राएल रु अफी राज जो तुकतू अल्या हिडं रु शाऊल ताकु जेनू राजा निजु। इदु कु नोगोन्दी इदु ताकु यानु मी कलनिचु उइसु परमेश्‍वर कु काडंथे मुमानुसू ,इदु हन्दु परमेश्‍वर सू ताकु खीजु मी चुमसू खलन की ताकु ज्या इदु कु भांड रु राजा बनयाड़ं।

परमेश्‍वर सू दाऊद मुडं कु ताकु जीयनु इस्राएली मीजन चुनेसु। ताकु ज्या शाऊल कु भंडं रु राजा लिमू हन्दु याङसिमु शुरु घासु। दाऊद बैतलहम भांड़ं ताकु मला रोनु मी निजु। हुलाडं ज्या होना सू दाऊद कु वा अज्यु होमं सु निसु किसेदिसु निजु ताकचो दाऊद कु चेनदु रक्षा गालन वक्त ज्या उइकु भा कु मला रु वा अज्यु होमं सु कमसु। दाऊद ताकु जेनु मी अज्यु धर्मी मी निजु। इदु सु परमेश्‍वर रु विश्‍वाश घासु ताकु इदु कू कडथे मानिसु।

जब इदु दाऊद इता जिनू हुरासीरी निजु , इदु सु झांङ भुडनु - भुलनु गोलियत कु खिलाफ दाकसिजु। गोलियत ताकु दलना जेनु सैनिक निजु। इदु दलना सारु ताकु लगभग सुम मीटर भडनू निजु, इदु हन्दु परमेश्‍वर सू गोलियत कु सेमु अज्यु इस्राएल कु टाडमु हन्दु दाऊद कु मदद घासु ,इदु कु नोगोन्दी ए दाऊद सु इस्राएल सु दुश्मन रु हुलाड़ंचोना जीतसु। दाऊद ताकु पुनु सैनिक किबनसु,अज्यु इदु सु दलना दाकसिलन सु इस्राएली सेना कु तुकतू दिसु। मीजन झनसु इदु कु दलना तारीफ घासु।

मी जन सु अलाडं झेनू खीसु की शाऊल इदु मी दुइजू निजू। लास्ट रु शाऊल इदु सेदम चिङ निजु इदु हन्दु दाऊद इदोजो अज्यु इदु कु सैनिको सु चायसीमू हन्दु सिरु फुंडंलन ताजु। ताकु झाया उइ शाऊल अज्यु इदु कु सेनिक दाऊद की मासी रु निजु अज्यु शाऊल ताकु फू रु तानिजु अन्दु इदु ना फु ली इदरु दाऊद किचाही निजु,इदु सु शाऊल सु इदु ताडंसु। दाऊद शाऊल इदु नोगोन्दी इदुकु दलना लगान्दी ताजु इदु कु गे कु टुकड़े कु थेलन। अन्दु रीती शाऊल किपे सु कि ताकु दाऊद राजा बनेमु हन्दु इदु मुसायड़ंदा।

अल्या ज्या नोगोन्दी ए शाऊल दाकसिलन वक्त पुडंजु , अज्यु दाऊद इस्राएल कु राजा कल निजु। इदु ताकु जेनु राजा निजु। ताकु मी जन उइसु जैनु खिसु। परमेश्‍वर सु दाउ्रद सु आशिर्वाद दासु अज्यु सफल बनेसु। दाउद सु हुलाडं ना दाकक्षीचु अज्यु परमेश्‍वर सु इसा्रएल कु दुश्मन कु हरेमु हन्दु मदद घासु। दाउद सु यरुशलेम भंड़ं जीतमु हन्दु इदु अफी कु राजधानी बनेसु जो भंड़ं इदु सिड़ंसु, अज्यु राज गासु। दाउद पीसा हिडं होना राजा निजु। अन्दु ज्या कु दौरान इस्राएल देश शक्तिशाली अज्यु सड़ंमी किबेनिजु।

दाउद ताकु मंदिर बनेमु चिड़ं निजु बिर ताकु परमेश्‍वर कु पुजा घामु चिड़ं निजुं अज्यु इदु कु बलिदान चडेंमु चिड़ं निजु। अइ 400 पी से हिंडं सु इदु मुसा कु किघायनु लगान्दी ढांड़ंसु रु परमेश्‍वर कु पुजा घा निजु ,अज्यु इदु हन्दु बलिदान दासु।

इदु हन्दु नातान मुडं कु भविष्य पेनु मी निजु। परमेश्‍वर सु इदु दाउद सु अनुमा लिमु हन्दु पाडंसू घेसु दलना सु दाकसुजू ,इदु हन्दु घेसु जि हन्दु मंदिर मुघासु। घेगु सेनु अन्दु बनेयइदा। इदु जी गन्ेजो दलना आशिर्वाद दालन। घेगु ताकु वंशज नोगोन्दी होना हन्दु जिकु मीजन रु राजा कु रुप रु राज घाडंदा। तुकतु होना सु राज घानु वाला इदु दाउद ताकचो वंशज मसीह निजु। मसीह परमेश्‍वर कु छाटनु जन निजु जो संसार कु मी जन उइकु पाप घालन सु बचयडंता।

इदु दाउद सु नातान सु फुंड यनसु ते इदुसु परमेश्‍वर कु धन्यवाद घासु अज्यु उइकु तारिफ घासु। परमेश्‍वर इदकु इज्जत बडे़ निजु अज्यु इदु दलना आशिर्वाद दा निजु। खलन कि दाउद मीपे निजु अन्दु परमेश्‍वर अन्दु काडंथे हुम्बा घाइता अन्दु ज्या निडं पेदन कि इस्राएलियों कु ताकु भुडंनु ज्या होना लगभग 1000 ताकु फा हिडं होना मसीह कु रामु कु सुमूजूम पड़े निजु।

दाउद सु हुलाडं हिडं न्याय कु साथु अफी मी रु राज घासु। उइसु पुनु विश्‍वाश सु परमेश्‍वर कु काडंथे मानसु ताकु परमेश्‍वर सु इदु आशिर्वाद दासु। खलन कि अफी जीवन कु अन्ंतः रु इदरु परमेश्‍वर कु खिलाफ भयानक पाप घासु।

ताकु ज्या दाउद सु अफी चिम र्खचू यु उघसु अज्यु ताकु जेनू ढाडनू भुदाचुमे कु उरसीनु ताडंसु उदु सु इदु मिपे निजु खलन की इदोजो किपे निजु कि इदु कु मुडं बतशेबा निजु।

अफी मी कु फेरसीलड़ं खर्चुए दाऊद सु इदुजो अफी लगान्दी रेमु हदु खमरी पाडसु। उइ इदु साथु कियानसु अज्यु इदो थोकते सुडंरु किपांडदिचु। अल्या ज्या नोगोन्दी बतशेबा सु अनुमा लिसु दाउद दरु फुडं पाडसु कि इदु सयनु दानु नीनी।

बतशेबा कु हुरासीरी उरिययाह मुड़ं कु ताकु मी निजु। दाउद कु पुनु सैनिक र्खचु ताकु निजु। इदु ज्या रु दाकसीमु हन्दु भाडरु दिसु दाउद सु उरिययाह कु दाकसीमु हन्दु हुयलन रेसु अफी भुदाचुमे कु साथु सिड़ंमु हन्दु लिसु इदु हन्दु बिर सैनिक दाकसुमू रु उरिययाह कु सुडंरु दिमु महा किलेदुसु। अन्तः दाउद सु उरिययाह थोकते रालन सु दाकसीम हन्दु किपाड दिसु अज्यु सेनापती सु इदु दाकक्षम हन्दु थाडंरु तामु हन्दु कीलिसु इदो दुश्मन दलना शक्तिशाली लिलो खलन कि इदो सेदम चिइनी। की अनुमा उरिययाह दाकक्षिलन वक्त किसेदिसु।

उरिययाल दाकक्षिम वक्त सिजमु कु नोगोन्दी दाउद सु बतशेबा रकसा भकचा घासु नोगोन्दी इदु सु दाउद कु सेयनु ढडसु। दाउद सु जो घासु इदु परमेश्‍वर दलना रिस रु निजु इदु हन्दु उइसु नातान भविष्य पेनु मी कु दाउद कु अनुमा बतेमु हन्दु पाडसु पाप हुलाडं यानु निजु दाउद अफी पाप कु पक्षाताप घासु। ताकु परमेश्‍वर सु इदु माफ किघादुचु अफी कु बाकी जिन्दगी रु अफी कठिन ज्या जि दाउद परमेश्‍वर कु नोगोन्दी नोगोन्दी गमजीसु अज्यु इदु कु काड़ंथे मानुजु।

खलन कि दाउद कु सीरी पुड़ंजु नीजु। अन्दु रीति सु परमेश्‍वर सु दाउद जो सजा दासु। इदु कु नोगोन्दी दाउद कु सीजम होना सु इदु कु अफी खु बिर मी उगु खिलाफ दाक़़क्षीजु अज्यु दाउद कु अफी शक्ति अल्या कम कलजु इदु परमेश्‍वर विश्‍वाश योग्य हन्दु निजु। ताकु इदु सु अनुमाघासु जौ इदकु दाउद सु वादा घासु की इदु घाइदा खलन की दाउद सु उदकु काडंथे मानेजु की नोगोन्दी अज्यु दाउद ताकु बतशेबा कु खीजु सेनु ढुड़ं निजु अज्यु इदुकु मुडं सुलैमान तासु।