18. इस्त्राएल राज्य कु छुयसुमु।

दाउद राजा सु 40 पीसा हिंड होना राज घासु। तब इदु पुडंजु अज्यु इदकु सिरी सुलैमान सु इस्राएल रु राज शुरु घासु। परमेश्‍वर सु सुलैमान जौ काडथे घासु अज्यु इदो जौ रुसु भिरजो दल खा चिडं निजु परमेश्‍वर इदु हन्दु घाघदा। सुलैमान सु परमेश्‍वर जो थोजीसु कि इदोजौ दल होषियार किघादुसू। इदु काडंथे सु परमेश्‍वर खुष घासु ,इदु हन्दु परमेश्‍वर सु सुलैमान कु दुनिया बझयाडं होषियार होराषिरी बनेसु। सुलैमान सु दलना काडथे सीखेजु अज्यु इदु हन्दु होषियार राजा निजु। परमेश्‍वर सु इदु दलना जोड़ं मी बनेसु।

यरुशलेम भंड़ं सु सुलैमान जौ इदो मंदिर ठाडंसु खिजू हन्दु इदु बा सु योजना घासु अज्यु बिरझन सामान थुमलन तासु। इदु मी लगानंदी ढाड़ंसु कु लगान्दी कु मंदिर रु परमेश्‍वर कु पुजा घानिजु ताकु इदु हन्दु बलि दामु। सु परमेश्‍वर रालन मंदिर रु पिरा निजु ,अज्यु इदुघ अफी मीजन कु साथु सुड़ं निजु।

इदु हन्दु सुलैमान सु खिजु देश कु भुदाचुमे सु झेनु खिसु। इदु सु दलना लगभग 1000 ताकुफा भुदाचुमे सु ब्या गालन सु परमेश्‍वर कु कांडंथे मुमानजु अन्दु हन्दु दलना सु भुदाचुमे खिजु देश रु राजु ताकु अफी साथु अफी देवता रेलन राजु अज्यु उईकु पुजा घासु। इदु सुलैमान कु स्यानु कलचु इदु सु इदु कु देवताओं कु भक्ति घासु।

अन्दु वजे सु परमेश्‍वर सुलैमान सु रिसरु निजु। इदुसु लिसु कि उइ इस्राएल देश कु निसु राज्य रु खिजु खिजु घामु हन्दु इदु सजा दाड़ंदा। इदु सुलैमान कु सिजम कु नोगोन्दी अनुमा घाङदा।

सुलैमान कु सीजम कु नोगोन्दी रहबाम राजा बनेजु। इस्राएल देश कु बिर जन इदु सु अफी राजा कु रुप रु स्वीकार घामू ताकु साथु कुथुमसि निजु। उइसु रहबाम सु हासीजु की सुलैमान सु इदु दलना कठिन मेहनत घाफुडसू अज्यु दलना सु कर वसुलु घासु। इदोजो रहबाम झो अनुरोध घासु की इदजो अल्या लन घा फुंडंसू।

खलन कि रहबाम सु उइजो पुनु मुसमजमु मी सु जवाब दासु ,"घनि लिदन की जीकु भा सुलैमान सु घनिजो कठिन मेहनत घा फुडंसू। घनीजो जी दलना कठिन मेहनत गा फुड़ांघदी ,अज्यु जी घनुकु इदु दलना काड़ंनु घाडंदी"।

जब मीजन सु इदु जो अनमा लिनु यनुसु ते इदरु सु हुलाडं सु इदकु खिलाफ दंगा घासु। ची जाती सु इदोजो पाकसीदीसु इदु कु साथु केवल निसु जाती टाडंसु। अन्दु निसु सु अफी कु यहूदा कु राज्य लयंडंदा।

बाकी कु 10 ची जाती सु यारोबाम मुड़ं कु ताकु हुरासीरी कु अफी राजा कीघादिसु। अन्दु सेनु देश कु उत्तर पूर्वी भाग रु निजु। उइसु अफी सु इस्राएल कु अफी राज्य लिसु।

इदु हन्दु यारोबाम सु परमेश्‍वर कु खिलाफ दंगा घासु अज्यु मीजन सु पाप घा फुडंसु। इदु सु अफी मीजन सु उइकु चन्दु भक्ति घामु हन्दु निसु मुर्तियों ठांडंसु। इदु यहूदा कु राज्य कु यरुशलेम भंड रु परमेश्‍वर कु मंदिर रु भक्ति घामु हन्दु मुदिचू।

यहूदा अज्यु इस्राएल कु राज्य दुश्मन कलजु अज्यु अक्सर ताकु खीजु कु खिलाफ दाकक्षी निजु।

इस्राएल कु नुनु राज्य रु बीरना राजा पापी निजु। अन्दु र्खचु बिर राजा बनेमु इच्छा ली निजु खिजु इस्राएलियो जन सु किसेदी नीजु।

इस्राएल राज्य रु बिर राजाओं सु अज्यु दल मीजन सु मूर्तियों कु पुजा घासु। ताकचा उइसु अनुमा घासु इदु तुकतू र्खचना वेश्‍योओ कु साथु निजु अज्यु तगजो दोहना सु हुलाडं बार मूर्तियो कु तुकुतू स्यनू कु बलि ले घासु।

यहूदा राज्य कु राजा दाउद कु संतान निजु। इदु राजाओ सु हुलाडं ना झेनु मी निजु खिजु मी जन इन्साफ कु राज घासु अज्यु परमेश्‍वर कु पुजा घासु। इदु हन्दु यहूदा कु दलना सु राजा पापी निजु। खलन की पापी सु राज गासु अज्यु मूर्ति कु भक्ति गासु। दोहना सु अल्या राजा सु हासीनु देवता कु तुकतू अफी संजयंन कु बली किदासू। यहूदा कु दलना मी जन सु परमेश्‍वर कु साथु दंगा घासु अज्यु खीजु देवताओ कु पुजा घासु।