2. पाप दुनिया रु पिरा चू।
आदम अज्यु भुदाचुमे परमेश्वर जो बनेमु हन्दु ढाड़ंनु बगीचा रु सुड़ंलन र्खचु दलना खुश निजु। इदु र्खचु खमरी ले घे मुचुकसी निजु। अज्युले इदु काड़ंथे इदसु उइ राहुड़ंनु मुनिजु खलन कि दुनिया रु पाप मुनिजु। बिर ताकु ज्या बगीचा रु फेरसी निजु अज्यु परमेश्वर जो काड़ंथे घा निजु।
खलन कि इदु बगीचा रु ताकु खोबु निजु। इदु दलना चालक निजु। इदसु भुदाचुमे सु रुसु कि हुचना परमेश्वर सु घनीजो बगीचा रु घुबरी ले सिड़ं कु फल जामु हन्दु महा लिसु?
इदु भुदाचुमे सु जवाब दासु , परमेश्वर सु निड़ं जो लिसु निड़ं घुबरी ले सिड़ं कु फल जा तरसड़ं। खलन कि निड़ं यानु जेनु कु ज्ञान कु सिड़ं कु फल मुजातरसड़ं। परमेश्वर सु निड़ं जो लिसु घनसु इदु फल धमसु या जानसु ते गे इदु वक्त पुड़ंजु।
खबु सु भुदाचुमे जो जवाब दासु अन्दु हुचना गे मुसिजायाड़ंन परमेश्वर पयदा इदु फल झाजे। परमेश्वर गरतु लयाड़ंन। अज्यु इदकु समान यानु जेनु कु समज रायाड़ं।
इदू भुदाचुमे सू जैनू फल ताड़ंसु झेनू निचू अज्यु उड़ंमु रु नयमनू ताड़ंसु। इदु होशियार बनेमु चिड़ं निजु इदु हन्दु फल जालन किजासु अज्यु अफी होरासीरी जो रकसा निजु इदु फल दासु अज्यु इदसु ले किजासु। ताड़ंसु
छाटो इदु मी किबेजु ,अज्यु इदु पता चलेजु इदु नागो निजु। निसरी सु पात रुबलन घे बनेसु अफी कु शरीर खबमु कु कोशिश घासु।
होरासीरी अज्यु इदकु भुदाचुमे सु बगीचा रु फेरीसिलन परमेश्वर कु हर यनसु। निसरी परमेश्वर ताड़ंलन किचादुसु। परमेश्वर सु होरासीरी हरतेसु घे हुदी निहेन?आदम सु जवाब दासु जिसु घे बगीचा रु फेरीसिलन यनसु। अज्यु जी किजीयरो ,खलन कि जी नंगो निनि। इदु हन्दु जी किचाहीयो।
परमेश्वर सु रुसु घे जो खमसु बतेसु कि घे नागो निहन?खा घेसु इदु फल जानसु इदु जामु महा लिसु ?होरासीरी सु जवाब दासु जो भुदाचुमे जिजो दासु इदसु ना जि फल दासु। परमेश्वर सु भुदाचुमे जो रुसु घेसु खा घानसु ?इदु भुदाचुमे सु जवाब दासु ,खोबु सु जी धोखा दासु।
परमेश्वर सु फाइ खबु शा्प दासु। घे धनसु घमजायड़ं अज्यु सा जायड़ं। घे अज्यु भुदाचुमे ताकु खिजु रिस घाघदा। घेघु सेनु अज्यु भुदाचुमे कु सेनु ताकु खीजु रकसा रिस घाघदा। इदु भुदाचूमे कु वंश घेघु पिसया ताअड़ंदा। अज्यु घे इदकु लिगे चिदा।
परमेश्वर सू लिसू जब सेनू डूगसू की दलना इदू नोगोन्दी दलना कग लिजू। घेघु इच्छा घेघु होरासिरी तरफ निनि अज्यु घेघु होरासीरी घेरु राज घाघदा।
परमेश्वर सु हुरासीरी सु लीजु घे सु भुदाचुमे कु काड़ंथे यनसु अज्यु जिकु आदेश मुमानिजु इदु हन्दु धरती शा्प निजु। घेजो झाती जुलाड़ं दलना मेहनत घा पड़ंयड़ं। घे सिजाड़ंहन अज्यु घुघु शरीर सारु दुसाड़ं। इदु हुरासारी सु अफी भदाचुमे कु मुड़ं हव्वा ताजु इदकु मतलब जीवन दानु खलन कि बिर जाती कु मिना कलजु। परमेश्वर सु आदम अज्यु हव्वा जो जानवर कु लिफे सु चुकसीदुसू।
परमेश्वर सु लिसु ,जेनु अज्यु यानु सु पेनु मी निड़ंमा घरतु कलजु। इदु हन्दु इदजो जीवन कु सिड़ं कु फल जामु मुदामु अनमा था लिलो कि इदु हमेषा टाड़ंलो। इदु हन्दु आदम अज्यु हव्वा जो इदु बगीचा र्खचु भाड़ंरु कुपाड़ंदुसु। जीवन कु सिड़ं कु फल खमरी ले मुजायड़ं इदु हन्दु परमेश्वर सु बगीचा कु दारम रु शक्तिषाली थोलोग ताड़ंसु।
बाइबल की लुभुडं उत्पत्ति अध्याय 3 से कथा।
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।