21. परमेश्वर मसीह कु वादा घालन।
थन परमेश्वर सु दुनिया बनेसु,इदु पे निजु की घुबरी ज्या इदु कु नोगोन्दी गुबझायारी ज्या मसीह जौ पांडंमू निजु। उइसु आदम अज्यु हव्वा सु वादा घासु की इदु अनमा घाडंदा इदु सु लिसु कि हव्वा जौ ताकु सेनु जन्म कुरगंदा ताकचा खोबु कु पिसारु कमडंदा। इदु खबु सु हव्वा कु धोखा दालन इदु सचमुच शीनु निजु। परमेश्वर खि निजु मसीह भुडंना घालन सु शीनु कु हरेदाघदा।
परमेश्वर सु अब्राहम सु वादा घा निजु इदु कु द्वारा दुनिया रु भीर जाती आशिर्वाद ताअडंदा। परमेश्वर नोगोन्दी जी घुबरी रु मसीह कु पांडंसु इदु कु द्वारा अन्दु वादा कु पुरा घासु। इदु मसीह धरती कु बीर ताकु जाति कु मीजन इदु कु पाप सु खिजु घाड़ंदा।
परमेश्वर सु मूसा जौ वादा घासु की भविष्य रु इदु मूसा कु लगान्दी ताकु किसी भविष्य पेनु मी कु पाडंसु। अन्दु भविष्य पेनु मी मसीह लयडं। अन्दु रीती सु परमेश्वर सु इदु हन्दु सु वादा घासु की उकु मसीह पडंगदा।
परमेश्वर सु राजा दाउद जौ वादा घासु की उकु वंश जो सेनु मसीह लयंडं। इदु राजा लयडं अज्यु परमेश्वर कु मीजन रु लगातार इदु हन्दु राज घांडंदा।
परमेश्वर सु यिर्मयाह भविष्य पेनु मी सु काडंथे घासु अज्यु लिसु कि ताकु ज्या नुनु वादा घुयडंदा। इदु नुनु वादा इस्राएल कु साथु सीनै धाड़ंरु हुईनू वादा मा घरतु मुल्याडं। जब मीजन कु साथु इदु अफी नुनु वादा कु घुयलन ते इदु उइ रु अफी कु अनमा प्रकट घाड़ंदा। बिर ताकु जन उइजो जेनु खियाड़ं ताकु उइकु नियम कु मानेमु कु मन घाडंदा। परमेश्वर सु लिसु कि अन्दु उकु नियम उइकु सिसोय रु रियदां। उइकु बीर मी लयडं अज्यु परमेश्वर उइकु पाप कु माफ घडंदा। इदु मसीह लयडं जौ उइकु साथु इदु नुनु वादा कु घुयडंदा।
परमेश्वर कु भविष्य पेनु मी सु अनुमा ले लिसु कि मसीह ताकु भविष्य पेनु मी लयंडं। ताकु भविष्य पेनु मी इदु मी जौ परमेश्वर कु वचनो यनगंदा अज्यु बिर मीजन रु परमेश्वर कु वचन फाइनु निजु। खिजु पाडमु कु परमेश्वर सु वादा घासु इदु मसीह ताकु बजायड़ं जेनु भविष्य पेनु मी लंयडं। खलन की इदु मसीह परमेश्वर कु फुडं कु झेनु घालन यनाडंदा, अज्यु उइ मीजन कु इदु फुडं जेनु घालन सु रियाड़ंदा।
इस्राएली यहूदी पुजारी सु मीजन हन्दु परमेश्वर कु हन्दु बली दासु हन्दु दालना सुड़ंजु। अन्दु बली मीजन कु पाप कु हन्दु उकु परमेश्वर गरतु सजा दामु हन्दु की इदु भंड रु सेमु हन्दु किदानिजु। यहूदी पुजारी सू मीजन हन्दु प्रार्थना ले घासु इदु हन्दु उइ मसीह सिद्व यहूदी पुनु पुजारी लयंडं परमेश्वर जौ दामु हन्दु ताकु जेनु बलि कु रुप रु अफी कु चढयदा। खलन इदु खजारी ले पाप मु घाडंदा अज्यु जब इदु अफी कु बलि दामु कु हन्दु दाडंदा। ते इदु दुनिया कु घुबरी खिजु बलि आवश्यक मुयघदा।
मीजन रु राजा अज्यु प्रधान राज घा निजु ,अज्यु घुबरी घुबरी ले इदु गलती ले घा निजु। राजा दाउद सु ताकचो ना इस्राएलियो रु राज घासु इदु हन्दु राजा दाउद कु सेनु मसीह भुंडंना संसार रु राज घाडंदा। अज्यु तुकतू र्खचुना राज घडंदा। अन्दु कु खीचु इदु तुकतुना जेनु रीती सु राज घालन ,अज्यु जेनु फैसला कुराडंदा।
परमेश्वर कु भविष्य पेनु मी सु मसीह कु बारी रु दलना काडथे लिसु। उदारहरण कु हन्दु मलाकी सु लिसु कि मसीह कु अफी कु तुकतू ताकु खीजु भविष्य पेनु मी रायडं। इदु भविष्य पेनु मी दलना खास नियाडं। उकु अलवा ,यशायाह भविष्य पेनु मी सु रिसु उइ मसीह ताकु कुँआरी सु जन्म कुराडंदा। अज्यु मीका भविष्य पेनु मी सु लिसु कि मसीह बैतलहम भंड़ं रु जन्म कुराडंदा।
यशायाह भविष्य पेनु मी सु अनुमा लिसु कि मसीह गलील कु प्रदेश सुगसु। जो मी दलना दुखी नीनी मसीह उइजो शान्ति दडंदा। उइ कैदियो कु आजाद ले घादडंदा। मसीह बीमारो कु जो मुयंन निजु ,मुबे निजु ,फा मुतर निजु,अज्यु धीम मुतर निजु उइयो जैनु घाघदा।
यशायाह भविष्य पेनु मी सु अनुमा ले लिसु कि बीर मिजन मसीह जौ रीस घाडंदा अज्यु इदोजो अफी घामु हन्दु महालयघदा। ,अइ भविष्य पेनु मी सु लिसू कि मसीह कु ताकु साथु उइकु खिलाफ नेयाडं। जकर्याह भविष्य पेनु मी सु लिसु उइकु ताकु साथु अनुमा घामु हन्दु खिजु मीजन सु मुल कु 30 नासा सुमसा सिक्के कुराडंदा इदु कु अलवा अलया भविष्य पेनु मी सु लिसु कि मीजन मसीह जो सेदाडदा ,अज्यु अनुमा कि उइकु घे हन्दु जुआ छायाडं।
भविष्य पेनु मी सु अनुमा ले बतेसू कि मसीह घुम घालन सिजायडां यशायाह सु भविष्य पेनु मी कि मीजन मसीह रु खुती इदु कु मजाक घाडंदा अज्यु इदु कमडंदा। उई सु छेबंदडंदा अज्यु पुनु काडंमू तकलीफ रु सिजीयाडं खलन कि उईसु अल्या ले यानु घयनु मुनिजू।
भविष्य पेनु मी सु अनुमा ले बतेसू कि मसीह सु पाप मु घाडंदा इदु जेनु लयाडं खन कि उईसु इदु हन्दु सिजीयाडं परमेश्वर इदु खिजु मीजन कु पाप कु कारण सजा घाडंदा इदु कु सिजमु सु मीजन परमेश्वर कु साथु मेल घाडंदा रु क्षमताशाली लयाडं। इदु हन्दु परमेश्वर खिनिजु कि मसीह सिजोलो।
भविष्य पेनु मी ले अनुमा ले बतेसू कि परमेश्वर मसीह सीजलंड र्खचु टाडंलन रायाडं। अनुमा थेता कि अन्दु बिर नुनु वादा कु घुइलन कु परमेश्वर कु व्यवस्था निजु ,खलन कि उइ मी टाडंमू चीडंनी उइसु इदु खिलाफ पाप घासु।
परमेश्वर सु भविष्य पेनु मी रु मसीह कु बारी रु दलना काडंथे बतेसु ,खलन कि मसीह उइ भविष्य पेनु मी ओ सु खमरील टाड़ंलन जु ले मुराजु निजु। अन्दु भविष्य कु बतेसु कु दामु हन्दु सु 400 पीसा हिड़ं सु दलना हिडं कु नोगोन्दी जेनु ज्या परमेश्वर मसीह कु अन्दु दुनिया रु पाडांसु।
बाइबल कु लुभुडं उत्पत्ति 3:15; 12:1.3; व्यवस्थाविवरण 18:15; 2 शमूएल 7; यिर्मयाह 31;यशायाह 59:16;दानिय्येल 7;मलाकी 4:5;यशायाह 7:14;मीका 5:2;यशायाह 9:1.7;35:3.5;61;53;भजन संहिता 22:18;35:19;69:4;41:9;जकर्याह 11:12.13;यशायाह 50:6; भजन संहिता 16:10.11 सु कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।