20. इस्त्राएल कु गुलाम बनेमु हन्दु कुरमू अज्यु थोकते

इस्राएल कु राज्य अज्यु यहूदा कु राज्य नीसरी सु परमेश्‍वर कु खिलाफ पाप घासू। उइ सु वादा क छयादुसु इदु परमेश्‍वर सु उइकु साथु सीनै पुनु धांड़ंरु रु वादा घासु। परमेश्‍वर सु उइकु पक्षाताप घाम हन्दु सु इदुकु भक्ति घासु हन्दु चेतावनी दासु हन्दु कु अफी भविष्य पेनु मी सु पाडसु इदु हन्दु उइकु कांडंथे मानमू हन्दु महा लिसु।

अतः परमेश्‍वर सु इदु कु दुश्मन जौ उइ खत्म घामु हन्दु इदु शक्तिशाली निजु हन्दु निसु राज्यो कु सजा दासु। अश्‍शुर ताकु खिजु देश रु निजु दलना शक्तिशाली कलजु निजु इदु खिजु देश रु प्रती दलना गुण्डा घरती मी निजु। उइसु रालन इस्राएल कु राज्य कु खत्म किघादुसू। अश्‍शुर सु रालन इस्राएल कु राज्य रु दलना जन सेदिसू इदु चिडंजे उकु लुट दीचु अज्यु देश रु हुलाडं भांडं कु जलेसु।

अश्‍शुरियों सु बिर प्रधान ,जोड़ं मीजन अज्यु अनुमा भीरजन कु ओकरो सामान ले निजु बिर ताकु रकसा थुमसु अज्यु उइ अश्‍शुर देश रु कुरलन ताजु। इस्राएल रु अल्या गरीब इस्राएली मी बचेनु निजु।

इदु अश्‍शुर मी इदु देश रु सुयंडंमु कु हन्दु विदेशियो कु रेलन राजु उइ विदेशियो इदु भड़ं रु झेनु घासु जौ इस्राएली इदोडं किनेजी निचु इदु सु उइजो ब्या घासु। अन्दु मीजन सु संतान सामरी जाती लिसु।

यहूदा कु राज्य रु मीजन सु उडंसु की घुम घालन परमेश्‍वर सू इदरु विश्‍वाश मुघालन उकु काडंथे मुमानलनचु कारण इस्राएल कु राज्य कु मीजन सजा दासु। इदु हन्दु तब उई सु इदोजो कनानियों कु देवता कु मुर्तियो कु पुजा घासु। परमेश्‍वर सु उइकु चेतावनी दामु हन्दु भविष्य पेनु मी दरु पाडंसु इदु हन्दु उइ यनमु हन्दु महा लिसु।

लगभग 100 रा हिडं कु ज्या अश्‍शुरियो सु इस्राएल कु राज्य कु खत्म किघादुचू। परमेश्‍वर सु बेबीलोन कु राजा नबूकदनेस्सर कु यहूदा कु राज्य रु दाकक्षी हन्दु पांडंसु। बेबीलोन ताकु शक्तिशाली देश निजु। यहूदा कु राजा नबूकदनेस्सर कु दास बनमू हन्दु अज्यु प्रति हिंडं इदु दलना बिर धन कु भुगतान घामु हन्दु कीयाडंसी निजु।

इदु हन्दु अल्या हिंडं कु नोगोन्दी यहूदा कु राजा सु बेबीलोन कु खिलाफ दंगा घासु। अतःबेबीलोनियों सु थोकते रालनचु यहूदा कु राज्य रु हमला किघादुसु ताकु यरुशलेम भाड़ं रु कब्जा किघादुसु। मंदिर कु खत्म किघादुसू ,ताकु भाडं अज्यु मंदिर कु खजना रु खुईलन पुकरसु

दंगा घामु कु कारण यहूदा कु राजा सजा घामू हन्दु नबूकदनेस्सर राजा कु सेना सु यहूदा कु राजा कु सेनु किसेदुसू अज्यु इदु मीमुबेनु किघादुसु। उकु बाद राजा कुरलन ताजु खलन कि इदो बेबीलोन जेलखाने रु पुड़ंचु।

नबूकदनेस्सर अज्यु उकु सेना यहूदा कु राज्य कु लगभग बीर मीजन कु बेबीलोन पुकरसु केवल बिरचो गरीब मीजन नोगोन्दी पाकसी दीचु खलन की इदु रिरु खेती घासु। ज्या कु इदु काल गुलाम लीसु ताकचा परमेश्‍वर कु बिर कु वादा कु देश र्खचु दिमु हन्दु किलिसु मजबूर घानिजु।

तुकतू परमेश्‍वर सु अफी मीजन उइकु पाप हन्दु गुलाम लिमु कु सजा दासु ,इदु उइ इदकु अफी वादा कु मुलेसीजु। परमेश्‍वर सु अफी मीजन कु नजर तासु अज्यु अफी भविष्य पेनु मी इदु जन रकसा कंडंथे घासु। इदुसु वादा घाम कु 70 टुकसा नासा हिंडं कु नोगोन्दी फिर सु वादा कु देश रु थोकते रायाड़ं।

लगभग 70 टुकसा नासा हिंडं कु नोगोन्दी फारस कु राजा कुस्त्रू सु बेबीलोन कु हरेसु ,इदु हन्दु बेबीलोन कु पुनु राज्य कु इदु हन्दु फारस कु पुनु राज्य हुलाडं देषो रु राज घासु। इस्राएली मीजन थन यहूदी लि निजु। इदरर्खचू दलना सू अफी कु भुंडंना जीवन बेबीलोन रु कि बतेसु। खलन कि अल्या साड़ंनु यहूदियों जो यहूदा कु देश ची घा निजु।

फारसी मीजन दलना शक्ति निजु,इदु हन्दु अफी जीत रु मीजन जो दया घासु। फारसी मी जन कु राजा बनेमु कु अल्या ज्या कु नोगोन्दी कुस्त्रू राजा सु ताकु आदेश दासु की खमरी कु यहूदी जो यहूदा कु थोकसमु चिडं निजु। इदु फारस देश सु सिलन खरचु थोक्ते यहूदा दी तरसयड़ं। इदोगु उइकु मंदिर कु थन र्खच बनेमु हन्दु जौग ले दासु। गुलामी 70 टुकसा नासा हिडं नोगोन्दी यहूदियों कु ताकु मीनु अल्या मीजन यहूदा देश रु यरुशलेम भंड़ं थोकते राजु।

इदु मीजन यरुशलेम कुरलन ते इदुकु मंदिर कु अज्यु भड़ं कु पी भड़ं सारु भगबल दुबारा खर्चु सु बनेसु। फारसी मीजन थन ले उइसु राज घा निजु खलन की ताकु बार फिर सु वादा कु देश रु सुयंडं निजु ताकु मंदिर रु पुजा घा निजु।