32. यीशु सु अशुद्ध लेमे मीजन नीजु इदरु अज्यु ताकु काड़ंनु भुदाचुमे जेनु घासु।

यीशु अज्यु इदकु चेले अफी नाव सु उइ थाड़ंरु दिजु गिरासेनी मीजन सुयड़ंमु निजु। इदु थाड़ंरु खर्चु होलन नाव सु यु पिराजु।

इदोघ ताकु मीजन निजु जो अशुद्ध लेमे सु कुचम निजु।

अन्दु मी अलाड़ं ताकत निजु कि खमरी ले इदु चुम मुतर निजु। हुलाड़ं जो ना मी जन सु उइकु ला अज्यु लिगे जंजीर सु घुयलन सु छाटोना किछायादुसु।

इदु मीजन इदु थमरु कब्रों रु सुयड़ंमु निजु। अन्दु मी भुड़ंना नुन्छु अज्यु भुड़ंना मुन्छु ढासीजु। इदु घे मुचूकसी निजु अज्यु अक्सर अफी उंड़ं सु कमसु घायल घाघदा।

इदु मीजन घुयलन यीशु दरु राजु अज्यु इदकु लगान्दी पुकटो कितासु। ते यीशु सु इदु मी जो भुदरु कु अशुद्ध लेमे जो काड़ंथे घासु ,अज्यु लिसु अन्दु मी सु भाड़ंरु दी लीसु !

इदु अशुद्ध लेमे पुनु सु ढा निजु ,है यीशु पुनु परमेश्‍वर कु सेनु , घेगु जी रगसा खा लन निनि ? जी विनती घादी जी था सेतया। ते यीशु जो इदु अशुद्ध लेमे जो रुसु घेगु मुड़ं खा ली ? इदुसु जवाब दासु , ‘‘जीकु मुड़ं सेना ली , खलन निगं दलना नीनी ‘‘ ,, ;रोमी सेना रु हुलाड़ंना हजार कु सैनिक कु ताकु समुह निजु ,,इदु समुह जो सेना लीदा।

उई पापी लेमे सु यीशु जो विनती घासु अमा घालन सु निड़ं अन्दु भाड़ं खर्चु भाडंरु मुपाडंमु। इदु कु लगान्दी कु दागंरु सुअरों कु ताकु भिड़ रो निजु। खलन कि अन्दु अशुद्ध आत्मा कु यीशु सु विनती घासु निड़ं इदु सुअरों दरो पडंदया। यीशु सु लिसु ठिक निनि इदुरु दरो दिलो।

खलन अशुद्ध आत्मा उदु मी जो दिलन र्खचु सूअरों दरो ताजु। इदु सूअर भुड़ंलन र्खचु ताकु मिनु थाड़ं रु सु झील रु कुलाड़ंसीजु ती रु डुबलन पुड़ंजु। उदु भीड़ रु लगभग 2000 ना साफा सूअर निजु।

इदु रु उइ सूअरों कु उड़ंमु हन्दु मी निजु। जो ले लिजु जब उइसु ताड़ंसु ते उइ भाड़ं फुड़ंलन दिजु। यीशु सु जो ले घासु इदोड़ं उइसु बिरजो लिसु उदु भाड़ं सु मीजन पिरानिजु अज्यु इदु मी सु ताड़ंसु इदरु अशुद्ध लेमे निजु उइ शान्ति सु घे चुकसीमु हन्दु अज्यु ताकु जेनु मी कु मा घरतु फामू हन्दु कसुड़ं निजु।

उई मीजन दलना किजयर निजु अज्यु उइसु यीशु जो दिमु हन्दु लिसु। खलन यीशु नाव रु कुसयड़ं निजु। इदु मी खिजरु अशुद्ध लेमे निजु। इदु सु यीशु कु साथु दिमु हन्दु विनती घासु।

इदु हन्दु यीशु सु इदोजो लिसु ,महा। जी खीही कि घे सुड़ंरु दिलन बिरजो बतेसु कि परमेश्‍वर सु घे हन्दु खा घासु। उइजो बतेसु कि हुमा परमेश्‍वर सु घे रु सोयकाड़ंसु काड़ंसु।

इदु हन्दु उइ मी ता निजु अज्यु बिर जो अन्दु बारी रु बतेसु जो यीशु सु इदु हन्दु घासु की उइकु कथा यनु जन भिर ताकु मीजन हाकिपेड़े निजु।

यीशु झील कु खीजु भाड़ं थोकते राजु। इदु कु दरु होनसु कु नोगोन्दी ताकु पुनु भीड़ उकु तुकतू नोगोन्दी थुमसीजु अज्यु लीगी सु ताड़ंसु। इदु भीड़ रु ताकु भुदाचुमे निजु जो 12 चत हिग सु सी बोनु कु काडनु़ं निजु। इदुसु अफी कु भीर जोड़ं डाक्टर जो दासु खलन की इदुजो जेनु मुघातयाड़ं खलन इदुकु रोग अज्यु दलना कलचु।

इदु सु यनसु की यीशु सु हुलाड़ं ना काडंनु मीजन जेनु घासु अज्यु इदसु सोचसु जी विश्‍वाश निही की अनमा जी ताकचो यीशु कु घे दमाड़ंदी ते जी ले जेनु लयाड़ं ही इदु हन्दु इदु यीशु कु नोगोन्दी सु राजु अज्यु इदुकु घे किदमसु गुमरी ले इदुसु उइकु कुदमसु सी बहनु बंद कलजु।

खलन की यीशु सु किपेसु कि इदरु र्खचु शक्ति पिराजु। इदु हन्दु इदु सु नोगोन्दी फन्दे सु रुसु जी खमसु दमसु ,चेले सु जवाब दासु ,दो अलाड़ं मी जन सु गेघु पी भंड़ सु भीड़ की ले गी निजु अज्यु घे दर निजु। ते घेसु खलन रुसु कि जी खमसु दुमसू ली ?

इदु भुदाचुमे यीशु कु लगान्दी ढिड़ंलन अज्यु दलना किज्यर निजु अफी पुकटो रु कुसड़ंजु। ते इदुसु इदोजो बतेसु कि इदुसु खा घासु। अज्यु अनमा ले लिसु कि इदु जेनु कलजु ली इदुजो लिसु घेगु विश्‍वाश सु झी झेनु घासु। शान्ति सु दी।