31. यीशु ती रु घमजी नीजु।

5000 ना साफा मीजन कु झाती जामु कु नोगोन्दी , यीशु सु अफी चेले जो नाव रु दिमु हन्दु लिसु उइसु उइजो झील कु खीजु भांड़ं रु दीमु हन्दु लिसु खलन की इदु अल्या ज्या कु हन्दु इदोड़ंना किसुयजु। खलन चेले दिसु अज्यु यीशु सु भीड़ जो विदा घासु की उई अफी सुड़ंरु दिलो। इदु कु नोगोन्दी यीशु सु प्रार्थना घामु हन्दु ताकु धाड़ंरु ताजु इदोड़ं इदु तामिना निजु अज्यु इदुसु ढिल मन्छु होना प्रार्थना घासु।

इदु ज्या सेनु अफी नाव ती रु दी नीजु , खलन कि हुई उइकु खिलाफ दलना जोर सु पोलन रा निजु। दलना मुन्छु लीलन सु ले उइ झील कु घुन्दा रु दी नीजु।

इदु ज्या रु यीशु सु प्रार्थना घालन किसु अज्यु अफी चेले कु दरो दिसु। इदु नाव कु लगान्दी दिमु हन्दु ती कु योरतो घमजी लागेसु।

ते चेले सु इदु दलना किजरजु खलन की उइसु सोचीसु की इदु भूत नीनी। यीशु पे निजु कि उइ किजरजु इदु हन्दु उइसु उइजो हरतेलन सु लिसु कि मुझरमु अन्दु जी ना ली।

ते पतरस सु यीशु जो लिसु ," हे प्रभु , घे लिजे ते जी ती रु दीम कु आज्ञा दा। "यीशु ने पतरस सु लिसु , "यो।

पतरस नाव सु यो पिराजु अज्यु यीशु कु लगान्दी दिमु कु हन्दु ती कु यरतो सु राजु। खलन अल्या होनम दिलन इदसु यीशु जो उड़ंमु किसीजुसु अज्यु यंगती छरती उड़ंसु अज्यु दलना हुई रामु शुरु कलजु।

ते पतरस किजरजु अज्यु ती रु डूब निजु। इदु ढासीनीजु," हे प्रभु जी ये बचे।" यीशु सु इतम ज्या ला तुकतू घालन इदु कुचमसु। ते उइसु पतरस जो लिसु " घेगु विश्‍वाश दलना अल्या निजु ! जी घे बचेड़ंदी घे सु जी रु भरोसा खलन मुघासु ?"

ते यीशु अज्यु पतरस नाव रु दिसु , अज्यु हुइ रानु बंद कलजु ती शान्त कलजु। चेले सु हाकिपड़े निजु यीशु कु लगान्दी पुकटो कितासु। उइसु कुपेसु अज्यु इदसु लिसु हुचानासू घे परमेश्‍वर कु सेनु ली।