34. यीशु खिजु कथा कु ज्ञान दा निजु।

यीशु सु परमेश्‍वर कु राज्य कु बारी रु खिजु दलना कथा यनसु। इदु हन्दु इदु सु लेसु परमेश्‍वर कु राज्य ताकु राई कु पिजे मा गरतु निजु खिजु बिर अफी रेरु की हिपतजु। घे पेदन की राई कु पिजे बिर पिजे रु बिजयड़ं मिनु लिनी ली।

खलन जब राई कु पिजे पुनु लिलन सु इदु बगीचे कु बिर सिड़ं रु बिजयड़ं पुनु लिनी ,अलाड़ं प्या रालन इदु ढाली रु आराम घा निजु।

यीशु सु ताकु खिजु कथा बतेसु "परमेश्‍वर कु राज्य सीरनु रोठा कु बराबर नीनी गुबरी ले ताकु भुदाचुमे ही कु दुदसु इदु बिर किफीसु निजु।"

थो लोग कु राज्य इदु खजाना कु बराबर निजु घुबरे ले रेरु किचादिसु। घुबरी खिजु मी इदु खजाना कुताड़ंसु अज्यु इदसु इदु ताड़ंमु कु दलना इछा निजु। खलन इदुसु थन सु खजाना किचायादुसु। इदु कुढोजु अलाड़ं कुभो निजु कि इदसु दिलन अफी कु बिरछन किराड़ंदीसु खलन इदु रे जो तरसयड़ं जो भाड़ रु खजाना निजु।

थो लोग कु राज्य ताकु दलना अकरो साफ मोती कु बराबर निजु। जब खिजु मोतियो कु व्यापार उदु छुयड़ं ते उसी तुं़मु हन्दु विरछन किराड़ं दिसु।

इदुघ अल्या मीजन सोचे निजु कि परमेश्‍वर इदजो खलन थो रु रामु खलन की जेनु लन घा निजु। अन्दु मीजन अनमा मिजन यानी मी खी निजु इदु जेनु लन मुघा निजु। इदु यीशु सु उदु कथा बतेसु निसु हुरासीरी निजु अज्यु निसुरी प्रार्थना घामु हन्दु मंन्दिर रु दिसु। इदु सु ताकु टेक्स जोड़ं कुरनु मी निजु , अज्यु खिजु ताकु यहूदी धार्मिक प्रधान मी निजु।

इदु यहूदी धार्मिक प्रधान मी इदु खर्च सु प्रार्थना घासु ,हे परमेश्‍वर घेघु धन्यवाद ली कि जी खिजु मिजन कु बराबर अनमा ,घुबरी कि गुण्डा ,ढगेमु मी ,यानु मी, अज्यु टेक्स जोड़ं कुरमु मी बराबर जी महा ली जी पापी मी मुनि।

घुम घालन जी बिर हप्ता रु निसु बार बरत तादी अज्यु जी छीसु थोजनु जोड़ं अज्यु सामान कु ची हिस्सा घे जो दादी।

खलन टेक्स जोड़ं कुरमु मी इदु यहूदी धार्मिक प्रधान सु दलना हानम निजु। उइसु यरतो थो लोग रु अज्यु मि ले थो मुगासु। अन्दु कु मा गरतु इदुसु अफी मुठी सु सिसोयो रु कमसु अज्यु प्रार्थना घासु ,हे परमेश्‍वर विनती घानी जी रु सोयकाड़ंयाड़ं खलन की जी ताकु पापी नीनी।

इदु यीशु सु लिसु ,जी घेजो हुचना लिदी ,परमेश्‍वर सु टेक्स जोड़ं कुरमु मी कु प्रार्थना यनसु अज्यु उसी धर्मी मानेजु। खलन इदु यहूदी र्धामिक प्रधान कु प्रार्थना जेनु मुखिसु। परमेश्‍वर बिर ताकु घमंड कु पिसा यु घासु , परमेश्‍वर बिर जन कु आदर घालो जो अुफी जेनु घा निजु।