38. यीशु जो धोखा सु चुमसीजु।

हर हिड़ं यहूदी जन फसह कु त्यार मने निजु। इदु त्यार इदु खुशी रु मने निजु जब परमेश्‍वर सु हुलाड़ं हिड़ं होना उइकु हुयनु मी मिस्त्र देश कु गुलाम सु थेयसु।। लगभग 3 सुम हिड़ं कु नोगोन्दी यीशु सु मीजन कु घुन्दा रु प्रचार घामु अज्यु परमेश्‍वर कु ज्ञान शुरु घासु। यीशु सु अफी चेले जो बतेसु कि इदु उइकु साथु यरुशलेम रु फसह कु त्योर कु मनेमु चिड़ं निजु अज्यु अनमा ली लीदी इदु यरुशलेम रु सेयमु चिड़ं निजु।

हर हिड़ं यहूदी जन फसह कु त्यार मने निजु। इदु त्यार इदु खुशी रु मने निजु जब परमेश्‍वर सु हुलाड़ं हिड़ं होना उइकु हुयनु मी मिस्त्र देश कु गुलाम सु थेयसु।। लगभग 3 सुम हिड़ं कु नोगोन्दी यीशु सु मीजन कु घुन्दा रु प्रचार घामु अज्यु परमेश्‍वर कु ज्ञान शुरु घासु। यीशु सु अफी चेले जो बतेसु कि इदु उइकु साथु यरुशलेम रु फसह कु त्योर कु मनेमु चिड़ं निजु अज्यु अनमा ली लीदी इदु यरुशलेम रु सेयमु चिड़ं निजु।

यहूदी पुनु पुजारी सु लिसु रु यहूदी प्रधान सु यीशु चुमू हन्दु यहूदा कु 30 नासा सुमसा मुल कु ढोलर दासु अन्दु अनमा सु घुमरी भविष्य पेनु सु लि निजु। यहूदा किमानेजु अज्यु झोड़ं कुरलन ताजु। इदु यीशु कु चुमू हन्दु उइकु मदद घामु कु घुबरी मोका मासिजु निजु।

यरुशलेम रु यीशु सु अफी चेले कु साथु फसह कु त्यार मनेसु। फसह कु झाती हन्दु यीशु सु रोठा कुरलन छायासु। इदसु लिसु अन्दु कुरा अज्यु झा। अन्दु जिकु गुराड़ ली जो ले जी घनी हन्दु दादी। अन्दु जीकु ची घामु हन्दु। अनमा घालन यीशु सु लिसु कि इदु उइकु हन्दु सीझायाड़ अन्दु उइकु हन्दु उई अफी गुराड़ं कु बलि दाड़ंदा।

इदु नोगोन्दी यीशु सु ताकु अंगुर कु रस कुरचु अज्यु लिसु अन्दु तुड़नी। अन्दु नुनु वाचा कु जीकु सी ली , जो कि जी भोदाडंदी खलन परमेश्‍वर घनी कु पाप जो माफ घाड़ंदा। लगातार ना अन्दु तुड़ंलन बकत जीकु ची रु अन्दु घामु जो जी इता घा नीनी।

जब यीशु सु अफी चेले जो लिसु , घनी र्खचु ताकु ले जी चुमही फुड़ंजे चेले हा किपड़ंजु , अज्यु रुमु किलागी निजु कि खमी अनमा लन घाड़ंदा यीशु सु लिसु जिकु चुमसीनु झन मी इदु ली खमरी ले अन्दु पेलछो रोठा दासु। इदसु रोठा यहूदा जो दासु।

अन्दु रोठा कु कुरमु कु नोगोन्दी यहूदा रु शीनु पिराजु यहूदा दीलन सु यीशु चुमसु हन्दु यहूदी प्रधान कु मदद घामु हन्दु दिसु। मुछु कु बकत निजु।

अज्यु इदकु सीरी जैतून कु दाड़ंरु ताजु। यीशु सु लिसु घनी बीर झन मुन्छु झी सीदाड़ंदा , अनमा किरी नीनी , जी चरवाह कमाड़ंदी अज्यु बिर माला तितर बितर लयाड़ं।

पतरस सु जवाब दासु खलन की बीरझन घे सीदीजे ते जी मुसीयाड़ंदी। तब यीशु सु पतरस जो लिसु शीनु घनी बिर जो कुरमू नीनी खलन हे पतरस , जीसु घे हन्दु प्रार्थना घायो की विश्‍वाश सु महा लेयड़ंदा। फिर ले थीया कु मुन्छु , रोनु प्या फामु ज्या तुकतू घे सुम बार महा लयाड़ं कि घे मुपेनियो।

पतरस सु जब यीशु जो लिसु खलन की जी सीजयाड़ं ते जी खजयारी ले महा मुलयाड़ंदी बाकी बीर चेले सु अनमाना लिसु।

तब यीशु अफी चेले कु साथु गतसमनी मुड़ं कु भड़ रु दिसु। यीशु सु अफी चेले जो प्रार्थना घामु हन्दु लिसु शीनु उइकु परीक्षा ना घालो। यीशु इलाड़ं बकत अफी प्रार्थना घाम हन्दु दी नीचु।

यीशु सु सुम जो प्रार्थना घासु ,हे जीकु भा अलाड़ं ठिक लिजे जीरु कृपा घालन अन्दु दुःख कु कोटोरा तुड़ंमु हन्दु जी मुदामू। खलन अलाड़ं मी कु पाप माफ घामु कु हन्दु घुबरीले भंड़ं मुनी लीजे। घेघु ले इच्छा पुरो लयाड़ं। यीशु दलना आतास रु निजु अज्यु इदकु छेती सी कु बुद कु बराबर निजु। इदु शक्ति दामु कु हन्दु परमेश्‍वर सु ताकु थो लोग मी पाड़ंसु।

तुकतू र्खचु प्रार्थना कु नोगोन्दी यीशु अफी चेले कु लगान्दी थोकते राजु खलन कि उइ कियानिजु। जब यीशु सुम बार थोकते राजु ते यीशु सु लीसु रीजनी जी चुमनू मी दो निनि।

यहूदी प्रधान ,सैना ,अज्यु ताकु पुनू भीड़ कु साथु यहूदा राजु। उइसु तलवार अज्यु लाठि कुरलन दिसु। यहूदा सु यीशु कु लगान्दी रालन इदजो लिसु हे गुरु जेनु नीनी अज्यु इदु हु घासु। इदसु चुमलन कुरलन दिमु मी जो यहूदी प्रधान रु प्रकट घामु हन्दु अनमा घासु। तब यीशु सु लिसु हे यहूदा खा घे ताकु हु सु जी चुमलन हन्दु घादन ?

जब इदु सैना यीशु कु चुम निजु ते पतरस सु अफी तलवार थेलन अज्यु यहूदी पुनु पुजारी कु ताकु सेवा घानू कु रजू किचेदिसु। यीशु सु लिसु तलवार होनम घा जी अफी श जो जीकु टाकमु घामु कु हन्दु थो लोग कु ताकु सैना हन्दु विनती घा तरसायाड़ं। खलन जी भा कु काड़ंथे मानमु ली तब यीशु सु इदु मी कु रजु झेनु घादुसु। तब बीर चेले फुड़ंलन ताजु।