39. यीशु रु कैष किचेली निजु।

थन अन्दु प्यल मुनछु कु बकत निजु। उइ सैना यीशु कु यहूदी पुनु पुजारी कु सुड़ंरु रेलन दीसु। खलन की यीशु सू रुमु चिड़ंनिजु। पतरस हानम खर्चु नोगोन्दी दी निजु। जब सेना यीशु ज सुड़ंरु कुरलन दिसु, ते पतरस भाडरु कुरसीजु अफी मि लागेसु।

सुड़ंरु कु भुतरु यहूदी प्रधान मी सु यीशु रु कैश चलेसु। उइसु इदु खिलाफ आलानु काड़ंथे फामु हन्दु दलना आलानु गवाही रेलन राजु। तकचा उइकु काड़ंथे ताकु खिचु रु मेलमुनिजु इदु हन्दु यहूदी प्रधान अनमा साबित मुघा तरसु कि इदु खीजु काड़ंथे कु गलती निजु यीशु सु खेरी ले मुलिसु।

यहूदी पुनु पुजारी सु यीशु कु उड़ं सु लिसु निड़ं बते सु खा घे ना टाड़ंनु परमेश्‍वर कु सेनु मसीह ली?

यीशु सु लिसु जी ली , परमेश्‍वर कु साथु जी नीही अज्यु थो लोग सु रानु ले ताड़ंागदन। यहूदी पुनु पुजारी सु अफी घे पेयलन खलन कि जो यीशु सु लिसु इदु काड़ंथे रु दलना रिस किघानिजु। इदु खिजु प्राधनो रु ढासीनिजु ,निड़ं अनमा बतेमु हन्दु खमरी अज्यु बतेमु कु जरुरत मुनि ली कि अन्दु मी सु खा घासु ली। घनसु ,अफी उइसु सु अनमा लिजु यन निजु ली इदु परमेश्‍वर कु सेनु ली। इदकु बारी रु खा घनिकु खा विचार निनि ?

बिर यहूदी प्रथान सु यहूदी पुनु पुजारी जो जवाब दासु। इदु सीजमु ना निनि तब उइसु यीशु कु मी रु पट्टी गुइदुसु। इदसु खुती थुपतीजु, इदु कमसु , अज्यु इदकु मजाक घासु।

अज्यु पतरस ,जब इदु चिम कु भाड़ंरु कुरुसीनिजु। इलाड़ं बकत ताकु गुलाम चुमे सु इदु ताड़ंसु। इदु सु उइजो लिसु घे ले यीशु कु रकसा नीनी। पतरस सु महा लि लिलन किलेदीसु। नोगोन्दी खिजु चुमे सु इदु काड़ंथे लिसु , अज्यु पतरस सु थन महा लिलन किलेसु। अंत रु अल्या मीजन सु लिसु निड़ं पेदन ली कि घे यीशु कु रकसा नीनी खलन कि घनी निसु गलील कु नीनी।

तब पतरस सु लिसु खलन कि जी अन्दु मीजन पेदी ली ते परमेश्‍वर झिजो श्राप दालो ,छटोना सु पतरस कु अनमा घालन कसम झामु कु नोगोन्दी ताकु प्या सु हरतेसु। यीशु सु नोगोन्दी उड़ंलन पतरस कु ताड़ंसु।

पतरस इदोड़ं सु ताजु अज्यु दलना ती निजु। इलाड़ं बकत यीशु कु चुमनू जन यहूदा सु ताड़ंसु कि यहूदी प्रधान सु यीशु कु सिजम कु दंड दासु। यहूदा दलना उदास कल निजु अज्यु दिलन अफी कु सेदिसु।

थन इदु देश कु राज्यपाल पिलातुस निजु। इदु रोम हन्दु लन घा निजु। यहूदी प्रधान यीशु कु इदु कु लगान्दी रेलन राजु। इदु चिड़ंनिजु कि पिलातुस इदु सिजम कु दंड दालो अज्यु इदु सेदमु ली। तब पिलातुस सु यीशु जो रुसु ,खा घे यहूदियो कु राजा ली?

ते हुचना खा ली ?यीशु सु जवाब दासु गेसु हुचना लिसु ली। खलन की जीकु राज्य इदु धरती कु महा ली। अन्दु लिजे ते झीकु गुलाम झी हन्दु दाक्स्याड़ं। झी धरती रु परमेश्‍वर कु बारी रु हुचना काडथे लिमु हन्दु रा नीजु। ताकु मी सु हुचना सु झेनु खिदा इदु जीकु यन्दा ली। पिलातुस सु लिसु

यीशु कु साथु काड़ंथे घामु कु नोगोन्दी , पिलातुस भाड़ंरु भीड़ रु लगान्दी दिलन लिसु झी अनमा घुमरी कारण मु पेदी कि इदु मी सेदमु चिड़ंनी ली। यहूदी प्रधान अज्यु भीड़ सु ढासीलन लिसु इदु क्रुश रु टाड़ंदया पिलातुस सु जवाब दासु इदु अल्या ले यानु घामु कु अपराधी महा ली। खलन उइ अज्यु ले पुनु हर रु ढासीमु लागी सु। तब पिलातुस सु सुम बार लिसु इदु अपराधी महा ली।

पिलातुस किजर निजु इदु भीड़ भाड़ं थकसुम शुरु घा नीनी निजु ,इदु हन्दु इदु अफी सैना जन कु रकसा यीशु कु क्रुश रु टादमू हन्दु लिसु। रोमी सैना सु यीशु जो कोड़े लगेसु अज्यु इदजो राजा कु गे चुकदीसु अज्यु इदकु पिस्या रु चुयू कु मुकुट घालन तासु तब अनमा लीलन उसु कु मजाक घामु लागुसु उडां यहूदियो कु राजा।