43. कलीसिया कु शुरु लिजु।

यीशु कु थो लोग धोकते कु नोगोन्दी चेले यरुशलेम रु सिडंजु घुबरी ले यीशु सु उइजो घामु कु आज्ञा दा निजु। इदाडं ज विश्‍वाश जन लगातार ताकु साथु रु प्रार्थना घामु हन्दु थुमसी निजु।

अल्या हिडं ,फसह कु त्योर कु 50 नासा ज्या कु नोगोन्दी ,यहूदी मी पिन्तेकुस्त मुडं कु ताकु खास ज्या रु मने निजु। पिन्तेकुस्त इदु ज्या निजु जब यहूदी मीजन रिजे झपमु घामु चिडं निजु। दलना संसार रु यहूदी जन पिन्तेकुस्त कु ज्या कु साथ मनेमु हन्दु यरुशलेम रु राजु। अदु हिडं पिन्तेकुस्त मेनमु कु ज्या यीशु कु थो लोग धीमु कु लगभग ताकु हप्ता कु नोगोन्दी राजु।

खिजु ज्या बिर विश्‍वाश मीजन ताकु साथ थुमसिलन निजु, इदु कु सुडंरु अचानक सु दलना हुइ कु हर सु कुथुसीजु। तब मी मा घरतु तडं निजु अल्या बिर विश्‍वाश पिस्या कु यरतो प्रकट लिजु। उइ बिर शुद्ध लेमे सु किभुड़ं निजु अज्यु उइसु खिजु भाषा परमेश्‍वर कु तारीफ घायो। इदु भाषा निजु खीजु फामु हन्दु उइकु शुद्ध लेमे सु लीमु कु शक्ति दासु।

जब यरुशलेम रु सुयमुजन मी सु इदु होटे यनसु ,ते इदु भिड़ रु अनमा हन्दु ताकु रकसा राजु। की खा ली निजु। उइसु विश्‍वाशियो कु परमेश्‍वर साथु रु घायनु पुनु पुनु लन कु बतेसु यनसु। उइ हा किपड़े निजु। खलन कि उइकु लन कु अफी कु भाषा रु यन निजु। इदु बिर मीजन खीजु -खीजु भाषा फामु अज्यु खीजु देश रु सुड़ंमु नीनी।

अन्दु सु अल्या मिजन जो लिसु कि इदु चेले नशा रु निजु। खलन पतरस कने निजु अज्यु इदजो फासु जिकु काड़ंथे यना अन्दु मीजन नशा रु मुनी। अन्दु कु नोगोन्दी जो घे ताडंदन इदु इदुनाली ले जो योएल भविष्य पेनु मी सु लिसु कि लयडं परमेश्‍वर सु लिसु अतः कु ज्या रु जी अफी लेमे अफी फाडंही।

हे इस्राएली हुरासिरी , यीशु ताकु अनमा मी निजु कि खमरी सु अनमा थायमु कु हन्दु कि इदु खमी ले दलना सु जेनु लन किघा निजु। इदु परमेश्‍वर कु शक्ति सु दलना चमत्कार नीनी। घनी अनमा पे निजु कि खलन घनसु अन्दु लन ताकसु ले। खलन घनी सु इदु क्रुश किटादिसु।

यीशु किसीसुजु खलन परमेश्‍वर सु इदु सीजालडं खर्चु टाडंमु किघादुसु। इदु कु काडंथे पुरो किघादुसु खिजु ताकु भविष्य पेनु मी सु रिसु कि घे अफी शुद्ध मीजन क्रब रु पक्सीनु मुघादंदा। निड़ं गवाह नीनी परमेश्‍वर यीशु ज दुबारा टाडंन किघादुसु।

परमेश्‍वर बा सु थन यीशु कु अफी दाहिनी लगान्दी सुम ज्या सुड़ंलन इदु जो आदर घासु। अज्यु यीशु निडं हन्दु शुद्ध लेमु पाडंसु घुबरी ले इदसु प्रतिज्ञा घासु कि इदु पाडंदा। शुद्ध लेमे उइकु लन दाघंदा खमरी ले अुड़ं निजु अज्यु यन निजु।

घनी सु इदु मी यीशु कु क्रुश रु टाड़ंसु। खलन की जैनु गालन पेया की परमेश्‍वर यीशु जो बीरजन रु प्रभु अज्यु मसीह बनेसु।

पतरस कु यनु मीजन इदु कु लगान्दी कलेनु काडथे बुदरु होना कुढोड़ंजु। इदु हन्दु पतरस अज्यु चेले जो रुसु ,हे पु ,निडं खा घामु पडींयाड़ं।

पतरस सु उइ सु जवाब दासु ,घनी र्खचु बिर ताकु अफी पाप हन्दु पक्षाताप घानी खलन परमेश्‍वर घनकु पाप माफ घालो,अज्यु यीशु मशीह कु मुडं ,शुद्ध ढुबकि दामु। तब उइ घनी वरदान कु रुप रु शुद्ध लेमे दाडंदा।

पतरस सु ज लिसु इदरु लगभग 3000 सुम साफा मी जन सु विश्‍वाश घासु अज्यु यीशु कु चेले कलजु। उइसु ष्शुद्ध ढुबकि दासु अज्यु यरुषलेम रु विश्‍वाशीयो कु समुह इदु कलीसिया लीमु इदकु कलजु।

जब खास चेले उइजो ज्ञान दासु विश्‍वाश घानु सु लगातार यनसु। उइ तुकतू खर्चु छीसी निजु अज्यु ताकु रकसा झाती जा निजु ,अज्यु उइसु ताकु खिजु हन्दु प्रार्थना घा निजु। उइ ढिलन सु परमेश्‍वर कु तारिफ घा निजु अज्यु जो अल्या ले उइकु साथ रु निजु उइकु ताकु खिजु कु साथु कुदुदिसु। सुखुडं कु बिर ताकु मी उइकु हन्दु जेनु काड़ंथे घा निजु। ज्या री दल सु दल मी विश्‍वाशी किबने निजु।