48. यीशु जो वादा घासु जी मसीह ली।

जब परमेश्‍वर सु संसार बनेसु ते बिर जेनु निजु। घुबरी पाप मूनिजु। आदम अज्यु हव्वा ताकु खिजु जो जैनु खी निजु। अज्यु इदु परमेश्‍वर सु जेनु खी निजु। घुबरी ले काड़ंनु या सिजमू मुनिजु। परमेश्‍वर अनमा ना संसार चिड़ं निजु।

शीनु सु खबु कु रुपु बगीचा रु हव्वा जो काड़ंथे घासु। खलन इदु उसी जो धोखा दामु चिड़ं निजु। तब हव्वा अज्यु आदम सु परमेश्‍वर कु खिलाफ पाप घासु। खलन कि उइसु पाप किघा निजु इदु हन्दु धरती रु सुडंनू बिर जन सिजनी नीनी।

खलन कि आदम ताकु हव्वा सु पाप घासु ,इदु हन्दु अल्या ले यानी निजु। उसी परमेश्‍वर कु दुश्मन कल निजु। इदकु कारण इलाड़ं वक्त बिर ताकु मी रु पाप किघा निजु। बिर ताकु जन जन्म र्खचु परमेश्‍वर कु दुश्मन निजु। परमेश्‍वर अज्यु मीजन कु घुनदा रु शान्त मुनिजु। खलन परमेश्‍वर शान्त घामु चिड़ं निजु।

परमेश्‍वर सु प्रतिज्ञाया घासु कि हव्वा कु ताकु वंश शीनु कु पिस्या रु कमड़ंदा। इदु सु अनमा ले लयडांदा कि लिगी रु चियाडंदा। खिजु बोली रु जी शीनु मसीह सु सेदाडंदा,खलन कि परमेश्‍वर इदु नोगोन्दी टाड़ंनु घादड़ंदा। इदकु नोगोन्दी मसीह शीनु कु शक्ति सु सेदडंदा। हुलाड़ं हिडं कु नोगोन्दी परमेश्‍वर सु प्रकट घासु कि इदु मसीह यीशु ली।

नूह सु ताकु नाव बनेमु हन्दु लिसु कि इदु हन्दु परमेश्‍वर सू मीजन बचेसु जो इदु रु विश्‍वाश घा निजु। इदु हन्दु इदु बिर कु बिर परमेश्‍वर हन्दु सेयमु कु योग्य नीनी खलन कि इदु सु पाप किघा निजु। खलन कि परमेश्‍वर सु इदु बिर बचेमु हन्दु यीशु कु पाड़ंसु इदु रु विश्‍वाश घा निजु।

चुयड़ं हिड़ं होना सु यहूदी पुजारी परमेश्‍वर कु हन्दु बलि चढेना नीनी। अनमा थेसु कि मी जन सु पाप घासु , अज्यु अनमा कि इदु परमेश्‍वर कु लगान्दी कु द्वारा उइको सजा दाम कु लायक निजु। खलन कि उइ बलि इदु कु पाप माफ मुघा मुतरसु। यीशु भजाड़ं पुनु पुनु यहूदी पुजारी ली। इदसु इदमा घासु जो खमरी यहूदी पुजारी मुघा तरीयाड़ं। इदसु उसु ताकु मात्र अफी बली दासु हन्दु जो घुबरी कु पाप खत्म घा तरसायाड़ं। इदसु कुमानसू कि परमेश्‍वर इदु बिर कु पाप हन्दु इदु सजा घालो। अनमा कारण यीशु जेनु इलना पुनु यहूदी पुजारी निजु।

परमेश्‍वर सु अब्राहम जो लिसु ,जी घेघु द्वारा संसार रु बिर मी आशिर्वाद दाड़ंदी। यीशु अनमा अब्राहम कु वंश निजु। परमेश्‍वर अब्राहम माध्यम सु बिर बिर मी जो आशिर्वाद दाड़ंदा। खलनकि इदु यीशु जो विश्‍वाश घा निजु ली परमेश्‍वर उदु बिर कु पाप बचेता। अन्दु मीजन यीशु रु विश्‍वाश घादा ते परमेश्‍वर उदकु अब्राहम कु सेनु मानेदा ली।

परमेश्‍वर सु अब्राहम सु लिसु कि अफी सीरी जी हन्दु बलि दा। थन परमेश्‍वर सु इसहाक कु बदला बलि दामु कु हन्दु माला दासु। निड़ं बिर अफी पाप कु कारण सेदम कु योग्य निजु। खलन परमेश्‍वर सु निघु भड़ं रु सेयमु हन्दु यीशु कु बलि कु रुप रु दासु। अनमा घालन सु निड़ं यीशु जो परमेश्‍वर कु माला लेदन।

ते परमेश्‍वर सु मिस्त्र देश रु लास्ट रु विपत्ति पाडंसु इदुसु बिर ताकु इस्त्राएली खु जो लिसु कि इदु ताकु माला कु बलि दालो। इदु माला रु खेरी घुबरी पाप मुलीम चिड़ंनी। अफी दारफा कु पि भड़ं कु यरतो अज्यु तिदड़ं धिदड़ं इदकु सी लगेमु निजु। जब परमेश्‍वर सू इदु सी पाड़ंसु ते इदु उइकु सुड़ंरु कु तुकतू रा निजु। अज्यु इदकु तुकतू सेनु मुसेयनु। जब अनमा लिजु ते परमेश्‍वर सु अन्दु फसह कु त्योर लिजु।

यीशु फसह कु त्योर कु ताकु माला कु घरतु ले। इदसु खजारी पाप मुघासु , इदु हन्दु इदरु अल्या ले यानु मुनिजु। इदु फसह कु त्योर रु सियजु। खमरी ले यीशु जो विश्‍वाश घा निजु , ते तब यीशु कु सी इदु मी कु पाप कु कीमत दा नीनी। अनमा ली कि परमेश्‍वर इदु मीजन कु लगान्दी तुकतू ता निजु। खलन कि इदु सजा मुदा निजु।

परमेश्‍वर सु इस्त्राएल मी जन कु साथु ताकु वाचा , खलन कि इदु अनमा मीजन निजु इदसु परमेश्‍वर जो अफी लिम हन्दु चुनेसु। खलन कि परमेश्‍वर जो ताकु वाचा ली जो बिर मी जन लियो। इदु खमरी ले जाती कु खमरी ले मीजन इदु नुनु वाचा अफी चेन्दु नीनी , ते इदु परमेश्‍वर के मीजन कु लगान्दी रु पिरा निजु। इदु अन्मा घा निजु कि खलन इदु यीशु रु विश्‍वाश घा निजु।

मूसा ताकु अनमा भविष्य पेनु मी निजु घुबरी ले परमेश्‍वर कु काडथे रु पुनु शक्ति कु साथु प्रचार घासु। खलन कि यीशु बिर भविष्य पेनु मी सु भंजाड़ं पुनु ली। इदु परमेश्‍वर ली इदु हन्दु अल्या ले इदुसु घासु अज्यु लिसु परमेश्‍वर कु लन अज्यु वचन निजु। इदु हन्दु शुद्ध बाइबल यीशु कु परमेश्‍वर कु वचन लिदा।

परमेश्‍वर सु राजा दाउद जो प्रतिज्ञा घा निजु राजा कु रुप रु इदकु ताकु सेनु परमेश्‍वर कु मीजन रु नोगोन्दी होना राज घाघदा। यीशु परमेश्‍वर कु सेनु अज्यु मसीह ली , इदु हन्दु राजा दाउद कु सेनु ली नोगोन्दी होना सु राज घाघदा।

दाउद ते इस्राएल कु राजा निजु ,खलन यीशु बिर संसार कु राजा ली। इदु दुबारा सु रायाड़ं अज्यु नोगोन्दी होना सु न्याय अज्यु शान्त कु साथु अफी राज्य रु राज घाघदा।