9. परमेश्‍वर मूसा ये वियदा।

यूसुफ सिजिलिंग कू नोगोन्दी उदू कू भीर सायसीजन मिस्र देश रु सिड़ंचु। इदू अज्यु उदूकू वंशज हुलाड़ं हिंग मिस्र रु सिड़ंचु अज्यु उदू सू सयैंजन ढड़ंसु इदू कू नोगोन्दी अंजन जो इस्राएली लीदा।

हूलांग 100 रा हिंग इस्राएलियों कू मीजन कू दलना कूबड़ेनिजू। अज्यु मिस्री देश कू मीजन अन्दू कांगथे सू मूढोनिजू इदू कू साथु घामू हन्दू यूसुफ सू भीरछन घासू। इस्राएलियों तांगलन किजरसू इदू हन्दू उदू कू दलना मी निजू। इदू हन्दू उई ज्या मिस्र रु राज घामू राजा सू इस्राएलियो देश कू मिस्रि देश कू गुलाम कूघादूसू।

मिस्रियों सू इस्राएलियों कू पूनू चिम अज्यु धो होना सू हूलांग भाड़ं घामू हन्दू मजबूर घासू। इदू कठिन लन रु इदू कू जीवन दलना दुःख कूघादसू इदू हन्दू परमेश्‍वर सू आशिर्वाद धासू इदू सू दलना सैंजन ढुंगसू।

राजा सू उंगसू कि इस्राएलियों कू भीर सिरीजन कलनी इदू हन्दू उसू अफी कू मी जो लीसू कि इस्राएलियों कू भीर सिरीजन ये नील यांगती रु चांगलन सिदेमू अमा लीसू।

ताकू इस्राएली भूदाचूमै सू ताकू सिरि ढूंगसू। इदू अज्यु उदू कू होरासिरि सू हूलांगरि ली तरनी इदू कू सैनू च्यालन तासू।

इदू कू भा मिना सू अफी कू सिरि दलना मू च्याक्सी निजू उदू हन्दू सिमू हन्दू कूबचे हन्दू ताकू रौ रु नील यांगती कू थमरु ची गूंदा रु तासू। इदू कू पूनू अता सू उंगमू हन्दू इदू कू नजर तासु इदू रक्सा खा ल्यांग।

राजा कू चूमै सू रौ भूतरु तांगसू। इदू सू ता सैनू तांगसू इदू सू अफी कू सैनू गौद पूकूरसू। इदू सू ता इस्राएली भूदाचूमै नू धाम हन्दू कूतासू इदू जौ पता मूनिजू झी हूच्चना कू मिना ली लीलनचू। इदू सैनू पुनु कलचू की इदू अफी कू मिना कू नु मूचिंग, इदू सू राजा कू चूमै रक्सा पांगदयो उदू कू मूंग मूसा निजू।

ता ज्या जब मूसा पूनू कलचू उदू सू उंगसू कि ता मिस्र देश कू मी ताकू इस्राएली देश कू मी कमदा। मूसा सू अफी कू साथ इस्राएली देश मी बचामू कू कोषिष घासू।

उदू सू खिसू कि उदू खमरी मू तंगगदा इदू मिस्री सैदुसू अज्यु उदू कू कुड़ंरु किछदिपसु। मूसा सू जो कूघान निजू खिजू मी सू कूतांगसू।

राजा जो पता कलचू कि मूसा सू खा घासू। इदू सू सैमू हन्दू किखिन निजू मूसा मिस्र कू सिरु फुंगलन ताचू। राजा कू सैनिक इदू भांग मासी मूतरनिजू।

मिस्र सू हानम सिरु मूसा ताकू ढाड मी कल निजू। इदू सू ता भुदाचूमै रक्सा बक्चा किघासू अज्यु निसू सिरि कूघासू।

मूसा अफी कू पैमा कू मला कू झुंड उंग निजू। ता ज्या उदु सू ताकू म्ही कूपूनू भूठू तांगसू बिना फा कु धुंई निजू। इदू उंगमू हन्दू भूठू रु धीजू। इदू उदू कू लगांन्दी निजू इदू सू परमेश्‍वर सू उई रक्सा फासू। उदू सू लिसू हे मूसा अफी कू पोला ठिलदया। घै ताकू शुद्ध भांगरु कनै निहेन।

परमेश्‍वर सु लिसु जिसू अफी कू मीजन कू दुःख तांगयो। जी घै यै राजा धबौ पांगगदी खलन कि घै इस्राएलियों जो मिस्र देश कू गुलाम जन रैलन रामू। झी उई जन कनान देश धाड़ंदी उदू देश जो जीसू अब्राहम इसहाक अज्यु याकूब सू वादा घासू।

मूसा सू रुसू मीजन सू रुहांदा कि झी खमसू पांगसू कि जी खा ल्यांगदी। परमेश्‍वर सू लिसू जो जी ली इदू जी ना ली। इदूजा ल्या कि जी ली इदू सू जी घै धरौ पांगसू। इदू जो अनमा ल्या जी घनिकू पूर्वजों अब्राहम इसहाक अज्यु याकूव कू परमेश्‍वर यहोवा ली। जी कू मूंग तूक्तू जू ली।

मूसा जेरमु निजू अज्यु राजा कू लगांन्दी धीमू मू चिंग निजू खलन कि इदू सू खियांग कि जेनू फा मूतरङसी इदू हन्दू परमेश्‍वर सू मूसा कू नुनु हारुन इदू कू साथू घामू हन्दू पांङसू।