11. फसह तियार

महापरू मुसा आवरी हारून के फिरोन लगे ए बोलबा काचे पोटायला कि एस्रायाली मन जायके देस करी। हाय मन चेतावी देलाय कि तीके जायके ना देले, तेबे महापरू मिस्र लोक मन आवरी गोरुर सबु छोमर पीला के मरी देयसी। फिरोन ये सुनी करी बी महापरू के बिसवास करबा र आवरी तार गोट मानबा काचे नाइ बोली देला।

महापरुर ने तार उपरे बिसवास करबा लोक र कारी बलर छोमर पिलान के बचायबा काचे गोटक उपाय तियार करला सबु घरर लोक के गोटक पाप ना करला मेंडा के धरी करी मारबा रेला।

महापरू इस्रायली मन के हाय मेंडार रकत के धरी खुदर घरोर दुआरे लगाय यबा काचे बोलला। तीके हातार मोयुस के भाजी बार रेला आवरी तीके अखमीरी रोटी संगे हाके फुर्ती ले खायबार रेला। हाय ए भात खायलार पाचे तीके झपके मिस्र के छाड़बा काचे तियार रेबा काचे बोलला।

जसन करबा काचे महापरू एस्रायालीमन के जोन हुकुम देई रेला हायमन हातार अनुसार सबु करला। मोजी राती ने, महापरू सबु गोटक छोमर पीला के मारते मिस्र र मोजी ले होई करी गुजरला।

इस्रायली र सबु घरोर दुआर थाने खून लगी रेला,ऐई काचे महापरू हाय घर के छाड़ी देला। तिकर भितरर सबु लोक भोल रेलाय। हायमन मेंडा लहू र चलते बाच लाय

मातर मिस्री मन महापरू थाने बिसबास ना करलाय आवरी हातार आदेश के ना मानीरेला। ऐई काचे महापरू तिकर घोर के ना चाड़ला। महापरू मिसरी मनर सबु छोमर पिला के मारी देला।

जोयल थानर केदी मनर छोमर पीला ले धरी, फिरोन र छोमर पीला ले, सबु छोमर पीला जात मोरी गलाय। खुदर गीड़ीया बेदना र चलते मिस्री र खुबे लोक कानते रेलाय आवरी पोसताय ते रेलाय।

हाई राती, फिरोन मूसा आवरी हारून के हाग देला आवरी, ”इस्रायली के धरी जोपके मिस्र ले निकरी जाआ!”मिस्र र लोकमन बी इस्रायली मन ले जोपके जीबार काचे बोल लाय।