14. झारने भुलक बाटा

महापरू इस्रायली मन के हाय नियम के सानगबार सरायला जार तीके बंदी रेला र हातार वाचा के पालन कारबार आय। फिर ले हाय सिने पोरबत ले छमे तक अगुवाई करला। हाय तीके किरिया र देस ने नेबार चायते रयूआय। ये देस कनान बी बोला जाऊआय। महापरू बादरी र खम्बा ने छोमे –छोमे हिंडला, आवरी हाय मन हातार पीटी- पीटी हिंडलाय।

महापरू अब्राहम, इसहाक आवरी याकूब ले किरिया करि रेला कि हाय किरिया र देस तीकर वंशज मन के देबी, मातर ऐई बेरा हायती खुबे ले जाति रेयते रेयत। हाय मन कनानि बोला जयते रेलाय। ये कनानी लोक महापरू र आराधना ना करते रेलाय आवरी हातार आज्ञा के ना मान ते रेयात। हाय मन झूटा देबता र उपासना करते रेलाय आवरी खुबे ले घिन्गिना बुता करते रेलाय।

महापरू इस्रायली मन ले बोलला, ”जड़ दाय तोमी हाय वाचा र देस ने जाआ तेबे हायथानर सबु कनानी मन ले छुटकारा पाआ। तिकर संगे संधि ना करा आवरी तिकर ले बिया बी ना करा। तोमी तिकर सबु मूर्ती के नास करिदेबार आय। जोदी तोमी मोर आज्ञा के ना मनास, तेबे तोमी बजाय तिकर देबतार उपासना कर के लाग बास।”

जड़ दाय इस्रायली कनान र सीमा ने खेटलाय, मूसा इसरायली मनर सबु गोत्र थानले गोटक – गोटक करी बारा माने के चुनला। हांय तीक़े जायिकारी हाय देशर भेद आनबा काचे निर्देस देला कि दखु कि हाय कमता देश आय। हाय मनके हाय कनानी मनर भेद बले आनबा टा रला कि दखु कि हाय मन कतक ताकतबर आत या कमजोर आत।

हाय बारा माने मन सबु कनान ले होई करी चालीस दीनर यात्रा करूआत आउरी पाचे लेवटू आत। हाय मन लोग मन के सांगू आत कि,"हाय देश खुबे उपजाऊ आय आउरी फसल खुबे आय!"मान्तर दस भेदी मन बोलुआत, तिकर नगर खुबे मजबूत आचे आउरी हाय लोग मन खुबे डेंगा आउरी चौड़ा आत! अगर हामी तिकर उपरे हमला करुआव तो, हाय मन हांमके हाराय देबाय आउरी हामके मारी देबाय। "

हडकीच दाय कालेब आउरी यहशू आउरी दुई ठन भेदी मन बोलुआत,"एटा सच आय कि कनानर लोग मन डेंगा आत आउरी ताकतबर आत, मान्तर निश्चित रुप ले हामी हाय मनके हाराय के सकू! महापरु हामर काचे लड़सी!"

मांतर लोग मन यहशू आउरी कालेबर ना सुनु आत। हाय मन मूसा आउरी हारूनर उपरे रिसा होऊआत आउरी बोलुआत,"तोमी हांमके ये भयानक जागा ने कय्काचे आनल आस? हामके मिस्र ने ही रेबार रे। अगर हामी हाय देश ने जिबु तो हामी युद्ध ने मोरी जिबु, आउरी कनानर लोग मन हामर बायले आउरी पीला मनके दास बनायबाय। "हाय लोग मन हाय मन के मिस्र ने नेबा काचे अलगा अगुआ के चुन बाटा चाहते रहूआत।

जड़ दाय हाय लोक असन बोलला तो मापरु खुबे रिसा हुयी जाई रहूआय। हाय मिलाप बीती लाड़ी ने आऊआय आउरी आउरी बोलुआय,"तोमी मोर विरुद्ध ने पाप करला आस, एकाचे तोमी सबु के झारे भटकके पडसी। सबु लोग मन जोन मन बीस बरस ले या हातार ले खुबे बरसर आत हाय थाने मोरी जायसी आउरी केबे बले हाय देश ने ओलके ना सके जोनटा के मुई तोमके देबी आची। केवल कालेब आउरी यहशू हाय थाने ओलबाय। "

जेबे लोग मन मापरु के अमता बोलबा दाय सुनलाय,तो हाय मन दुखी होयलाय कायकाचे कि हाय मन पाप करी रेलाय। एकाचे हाय मन कनानर लोग मन थाने हमला करबार निर्णय करुआत। मूसा हाय मन के ना जीबा काचे चेतावनी देउआय कायकाचे कि मापरु तिकर संगे ना जाये,मान्तर हाय मन हातार ना सुनुआत।

मापरु ए युद्ध ने तिकर संगे ना जाई रहूआय, एकाचे कनानी मन हाय मन के हाराय देउआत आउरी हाय मन थानले खुबे के मारी देउआत। तेबे इसरायली मन कनान ले लेवटू आत। अगला चालीस बरस तक, हाय मन झारे एने हने भटकते रेबाय।

इसरायली लोग मन द्वारा झारे भटकलार चालीस बरसर बाद, मापरु तिकर जरुरत के पूरा करुआय। हांय हयह मनके सरग ले ‘’मन्ना ‘’बोलाय होयबा बीती रोटी देउआय। हाय बटेरों र झुपा बले [ जोन कि माध्यम आकर र चेडे होऊआत ] तिकर लाड़ी ने पटाऊ आय कि तिकर लगी खायबा काचे माउस रहो। हाय सबु समय, मापरु तिकर फोटी के आउरी पनही के फाटबा ले बाचाय रहूआय।

एथान ले बले कि मापरु तिकर पिबा काचे जादुर रुप ले पोकना थानले पानी निक्लाऊ आय। मान्तर ए सबुर पाचे बले, इसरायली लोक मन महापरू र बिरुद्ध आवरी मूसा के बिरुद्ध सिकायत करलाय आवरी कूड़ कूड़ लाय। तेबे बले, महापरू बिश्वास योग्य आय। हाय जोन किरिया करी करी रेला हाय अब्राहम, इसहाक आवरी याकूब र वंशज मन काचे करसी हाय ये करला।

गोटक आवरी बेरा जड़ दाय हाय लोक मन लगे पानी ना रेला, महापरू मूसा ले बोलला, ”चट्टान ले गोठाव, आवरी हाय थान ले पानी निकरसी। ”मातर मुसा चट्टान ले ना गोटायला। एतार बजाय हाय, हाके डानग ले चट्टान थाने दुय हार मरला। एरिति ले हाय महापरू निरादर करलाय। सबुर पियबा काचे चट्टान ले निकरी आयला, मातर महापरू मूसा काचे रिसा होयला। हाय बोलला, काय काचे तुय असन करलीस, ऐई काचे तुय किरियर देस ने उलके ना सकबीस।”

जड़ दाय इस्रायली लोक चालीस बोरस तक झारे भोट कि रेलाय, तेबे जोन महापरू र बिरुद्ध ने जोन बले बलवा करिरेलाहाय मरी गलाय। तेबे महापरू हाय लोक मन ले फिर ले हाय किरिया र देश र सिवाने तक नेला। एबर मुसखुबे टोकरा होयी रेला, ऐई काचे महापरू हाय लोक मनर अगवाई करबा ने हातार सायता करबा काचे यहोशु के चुनला। महापरू मूसा ले ये किरिया बी करी रेला कि गोटक दिन हाय लोक मन काचे गोटक भविष्यवक्ता पोटायासी।

तेबे महापरू मूसा के गोटक पोरबत र चोटी थाने जिब काचे बोलला ताकि हाय किरियर देश के दके सको करी। मूसा हाय किरिया देश के दकला मातर महापरू हाके हायती ओलाबा काचे अनुमति ना देला। तेबे मूसा मोरी गला, आवरी इस्रायली मन तिस दिन तक दुक करलाय। यहोशु तिकर नुआ अगवा बनी गला। यहोशु गोटक भोल अगवा रेला कसन कि हाय महापरू उपरे भोरसा करला आवरी हातार गोट के मानला।