4. अब्राहम संगे महापरूर किरिया

पुरर कतक बोरस पाचे, सोंसर ने खुबे लोक रेयते रयेत, आवरी हायमन महापरू आवरी गोटक दूसर ले विरूद्ध ने पाप करलाय। कसन कि हाय मन गोटक भाषा बोलते रेयत, येई काचे हायमन गोटक संगे कूड़ा होयी रेलाय आवरी सोंसर के भोर बा काचे महापरू बोलला गोट के ना मानी करी हायमन गोटक नया नगर के बनायला।

हाय मोन खुबे घमंडी रेलाय,आवरी हाय मोन कसन जिवना जियबार आय ई काजे महाप्रू आज्ञा के ना मानते रेलाय। असन बोले करलाय कि गोटक बड़े गुम्मट बनाय्बार सुरु करलाय जोन सोरोग के खेट्सी। महाप्रू दकला कि असन कि हाय मोन मिसी करी अड रा काम करते रेबाय,तेबे हाय मोन खुबे पापर काम के करके सकोत।

एई काजे महाप्रू हाय मोनर भासा के खुबे हिसाबर भासा मोन ने बोदली देला आवरी हाय मोन के सोबू जगत ने बिची देला। जोन पदर हाय मोन बनायाबा सुरु करी रेलाय हाके बाबेल बोललाय,जाहर अरथ" नसायबार “

कातक बोरस पाचे,महाप्रू अबरहाम नामर गोटक माने के गोटायला। महाप्रू ताके बोलला, ”तुई अपनार देस आवरी घरार लोक के छाडी करी हाय देस ने जा जोन टा मुई तोके द्काइबी। मुई तोके असिस देबी आवरी तोर ले गोटक बड़े जाती बनाई बी। मुई तोर नाम के खुबे बड़े बनाई बी। जोन तोके असिस देय्सी हाके मुई असिस देबी,आवरी जोन तोके सराप देय्सी ताके मुई सराप देवी। तोर कारन ले सोन्सर र सोबू जत्तिर लोक असिस पायबाय।”

तेबे अबराम महाप्रुर गोट के मानला। हाय अपनार सबु कोमिया आवरी सबु धन सम्पति अपनार बायले सारा के धरला आवरी हाय देश, कानन देसे गला जोनटा के महापरू दखाय रेला।

जड़ दाय कनान खेटला तेबे महापरू ताके बोलला, ” तोर सबु बाटे दख मुय तोके ये सबु देश देबी आवरी तोर बंश ओमदिया काचे येथानर अधिकार करसी।”तेबे अब्राहम हाय देस ने बसा धरला।

मलकिसिदक नामर गोटक मने रेला जोन बड़े याजक रेला। गोटक दिन अब्राहम जुज करी आयते रेला तेबे अब्राहम आवरी हाय भेट होय लाय। मलिकिसिदक अब्रहम के आशीष देला आवरी बोलला “बड़े महापरू जोन सोरग आवरी पृथ्वीर मालिक आय हाय तोके आशीष देओ।”पाचे अब्राहम जुज ने जीतलार सबु दसमांस के मलकिसिदक के देला।

कतक बोरसर सरलार पाचे बले, अब्राहम आवरी सारा र कोनी पीला ना रेय। महापरू अब्राहम ले गोठायला आवरी किरिया करला कि ताके गोटक पीला जनम होयसी आवरी जसन बादरीर ने तारा आचे असनि तोर खुबे बंश होयसी। अब्राहम महापरूर किरिया के बिसबास करला। महापरू बोलला कि अब्राहम गोटक धर्मी लोक आय काय काचे हाय महाप्रुर किरिया के बिसबास करी रेला।

तेबे महापरू अबराहम संगे गोटक बाचा बंदला। जसन कि, गोटक बाचा दुई कूड़ार लोकर भीतरे गोटक दुसरार कामकारबार काचे मिलामिसा होयबाय। महापरू अब्राहम के बोलला हाय किरिया हाड़ दाय करी रेला जड़ दाय अब्राहम सोयी रेला, मातर हाय अड़ दाय महापरु के सुन के सकते रेला। महापरू बोलला, मुय तोर गागर ले जनमाय करी तोरगोटक निजर पीला देबी। मुय तोर बोसर लोक के हाय कानन देश देबी।”मातर अबले बले अब्राहम र कोनी संतान ना रेय।