5. किरियार बेटा

अब्राहम आवरी सारार कनान देसे खेटलार दस बोरसर पाचे, अड़ कि दाय ले बले तिकर कोनी सोंतान ना रेला। येइ काचे अब्राहमर बायले सारा ताके बोलला, ”कसन बोले महापरू अबे बले मोके संतान जनमाय काचे तियार ना करला आचे आवरी अबे मुय संतान जनमाय के ना सकी कसन बोलले मुय खुबे डोकरी होयली, दख मोर दासी हाजिर येती आचे। हतार ले बिया कर कि मोर काचे गोटक संतान जनममाय के सकोत।”

तेबे अब्राहम हाजिरा सगे बिया करला। हाजिरार गोटक पीला जनम होयला, आवरी अब्राहाम ने तार नाम इश्मायल सोंगायला। मातर सारा हजीरा ले कूचर होयते रेला। जड़ दाय इश्मायल तेरह बोरस रेला, महापरू आवरी अब्राहम ले गोटायला।

महापरू बोलला, मुय सोर्व –सक्तिमान महापरू आय। मुय तोर संगे गोटक किरिया बांदी।”तेबे अब्राहम भूई ने घसरला आवरी पाय पोड़ला। महापरू अब्राहम ले ये बी बोलला, तुय खुबे जातीर बुआ होयबीस। मुय तोके आवरी तोर बंश के तिकर निज भुई होयबा काचे देई देबी आवरी रोज काचे तिकर महापरू होयबी। तोके अपनर घरोर सबु मानेर खतना करबार आय।”

तोर बायले सारै गोटक पीला जन्मायसी –हाय किरियार पीला होयसी। टार नाम इसहाक सोंगाव। मुय तार संगे अपनार किरिया सोगाय रेबी आवरीहाक संगे रयसी।”तेबे महापरू अब्राम र नाम बदली देलाकरी अब्राहम करी देला, जार अर्थ आय “खुबेर बुआ “।महापरू सारै नाम बदली करी सारा करी देला, जार अर्थ आय “मूलआया “।

हाय दिन अब्राहम अपनार घरोर सबु मने के खतना करला। खेट्टा खेट्टी गोटक बोरस पाचे, जड़ दाय अब्राहम 100 बोरसर उमर होयला आवरी सारा 90 बोरसर होयला, तेबे सारा अब्राहम र पीला के जनम देला। जसन महापरू तीके बोली रेला हायमन तार नाम इसहाक सोगायला।

जड़ दाय इसहाक धानगड़ा होयला तेबे महापरू ये बोलिकारी बोलला अब्राहम र बिसबासर परीकचा करला, ”अपनार गोटक पीला के धर, आवरी हाके मोर काचे पूजी देस।”अब्राहम महापरुर गोट के आवरी मानला आवरी खुदर पीला के पुजबा काचे तियार करला।

जड़ दाय अब्राहम आवरी इसहाक पुजबा जगह न जयते रेलाय तेबे इसहाक पोचारला, ”ए बाबा, हामार लगे पूजा बा काचे दारू तो आचे, मातर पूजा करबा काचे मेंडा कोनती आचे? ”अब्राहम बोलला, ”ए मोर पीला, महापरू पुजबा काचे मेंडा जुगाड़सी।”

जड़ दाय पुजबा जगह खेटलायय, तेबे अब्राहम इसहाक के बांदी करी बेदी थाने सुआय देला। हाय अपनर पिल के मरताच बे कि तेबे महापरू बोलला,” थेब! पीला के काईच न कर!एबे मुय जनली कि तुय मोके डर बा बीता आस कसन बोलले तुय अपनार पोयलात बेठा के बले मोरले ना बचायलीस।

लगेचि अब्राहम गोटक मेंडा के दखला जोन बुटा ने लटकी जाई रेला। एसाहक र बदलाने पूजा काचे महापरू मेंडा के तिआर करी रेला। अब्राहम हरिक- हरिक मेंडा के पूजी देला।

तेबे महापरू अब्राहम ले बोलला, ”कसन कि तुइ मोर काचे सबु देबा काचे मोन रेला, एतिले कि खुदर गोटक पीला के बी, एकाचे मुय तोके आशीष देबार किरिया करबी। तोर बंस बदरीर तारा ले बी खुबे होयसी। काय काचे तुय मोर आज्ञा के मानलिस कसन बोलले तोर घरोर लोकर दुआरा सोंसर र सबु कुल के आशीष देबी।”