6. महापरू इसहाक काचे उपाय बनाऊ आय

जड़ दाय अब्राहम खुबे डोकरा होई जाई रेय तेबे हतार बेटा, इसहाक, गोटक मानेर जोहरिया होई रेय। ऐई काचे अब्राहम टार गोटक कोमिया के तार बेटा इसहाक काचे हाय देश ले गोटक बायले आनबा काचे पोटायला जोन थाने तार लोकबाक रयते रेलाय।

जोन थाने अब्राहमर लोकबाक रायते रेलाय हाय देश के जीबार काचे गोटक खुबे धुरिया ले आसबा के महापरू हाय रिबका के दकायला। हाय अब्राहमर भाई र पुत्ति रेय।

रिबका अपनार घरोर लोक के छाड़ी कारी हाय कोमिया संगे जीबा काचे तियार होयला। जसन हाय मन खेट लाय इसहाक ताके बिया करला।

गोटक खुबे दिनर पाचे, अब्राहम मोरी गला। तेबे महापरू अब्राहमर बेटा इसहाक के, अब्राहम संगे बांदला किरिया खायला काचे आशीष देला। हाय कोरिया ने महापरू गोटक किरिया रेला कि अब्राहमर ना गिनबा अतक बोन्स होयसी। मातर इसहाकर बायलेर कोनी बले संतान ना रयेत।

इसहाक रिबका काचे परताना करला, आवरी महापरू ताके दुयटा बेटार गोरभ धरबा काचे साहस देला। जड़ दाय हाय पीला मन रिबकर गरभ ने रेलाय अड़किच दाय लड़ते मुराय लाय, ऐई काचे जोन बले होयते रेय रिबका हायठा के महापरू के सांगला।

महापरू रिबका के बोलला, तुय दुय बेटा के जनम देबिस। हातार बोंसर लोक दुय टा जातिर लोक होयबाय। हायमन अपनाची लड्बाय। मातर बड़े बेटा ले जनम ला जाति के छोटे बेटार आयबा जाति के गोट के मानके पड़सी।”

जड़ दाय रिबकार पीला जनम लाय, तेबे बड़े बेटा लाला आवरी रुआ बीता रेय, आवरी टार नाम एसाव सोंगायलाय तेबे सुरु पीला एसावर लेड़ी के धरी करी जनम ला, आवरी हायमन टार नाम याकूब सोंगायला।