7. महापरू याकूब के आशीष देऊआय

जड़ दाय हाय पीला मन बड़े होयलाय तेबे याकूब के घरे रेबार अच्छा लागला, मातर एसाव के गोरु मन के मारबार भायला। रिबका याकूब के मोया करते रेला, मातर इसहाक एसाव के मोया करते रेय।

गोटक दिन, जड़ दाय एसवा सिकार करी लीयुटी आयला तेबे हाय खुबे भूके रेला। एसाव याकूब ले बोलला, ”जोन तुय बनायलिभात आचीस हाय थाने ले खिनिक भात मोके दे।”याकूब बोलला, ”पोयले मोके ये किरिया कर कि चोमर पीला होयबार चलते जोन सबु गोटक चीच तोके मिलबार आय, हाय सबु तुय मोके देबिस।”एसाव हाय सबु चीच के याकूब के देबार किरिया करी देला। तेबे याकूब हाके खिनिक भात देला।

इसहाक एसाव के आशीष देबार चायते रेयुआय। मातर एतार छोमे हाय असन करला, रिबका आवरी याकूब के याकूब एसाव होयबार ढोंग करी हातार संगे ठगी देलाय। इसहाक डोकरा रेला आवरी अबर दके ना सकते रेला। ऐई काचे याकूब एसावर फोटी पिन्दला आवरी मेंडा र खाल के खुदर टोनडरा आवरी हाथे ने गुड़ायला।

याकूब इसहाक लगे गला आवरी बोलला, ”मुय एसाव आय। मुय ऐई काचे आयली आची कि तुय मोके आशीष देस।”जड़ दाय इसहाक मेंडा बाल के जानला आवरी फोटी के सुंगला, तेबे हाय बिचार करला कि हाय एसाव आय आवरी हेक आशीष देला।

एसाव याकूब ले कुचर होयला कसन कि याकूब हातार छोमर पीलार कब्ज़ा केआवरी संगे हातार आशीष के बी चोरी देई रेला। हाय तिकर बुआ मोरलार पाचे याकूब के मारबार काचे बिचार करला।

मातर रिबका एसावर बिचार के सुनला। असनी हाय आवरी इसहाक याकूब के हातार लोकबाक संगे रेयबा काचे खुबे धुर पोटाय देला।

याकूब कतक बोरस ले रिबका लोकबाक संगे रेला। हाय बेरा दाय हाय बिया करला आवरी बारह पीला के आवरी गोटक बेटी के जनम मायला। महापरू हाके खुबे धनी बनायला।

बीस बोरस ले कनान ने खुदर घर ले धुर रहबार पाचे, याकूब खुदर लोक के, खुदर सेवक ले, आवरी गोरु के सबु खुड़ा संगे हाय आयते आयला।

याकूब ऐई काचे खुबे डरी रेला कसन कि हाय बिचार करला एसाव एबे बले टेक मरी देबार चाउआय। ऐई काचे हाय भेटने गोरुर कूड़ा के एसाव के पोटायला देला। जोन सेवक हाय कूड़ा के धरी जाई रेलाय हायमन बोललाय, ”तोर दास याकूब, ये गोरु के तोके देउआय। हाय झपके ही आयसी आचे।

मातर एसाव अबर याकूब के नुकसान पोहुचायबार ना चायते रयूआय। हाई काचे, हाई तीके गोटक हार दखी करी खुबे हरिक रेला। हतार पाचे याकूब कनान ने सुक सन्ति ने रेलाय। पाचे इसहाक मोरी गला आवरी याकूब आवरी एसाव ने हाके तोप लाय। वाचार किरिया जोन महापरू अब्राहम ले करी रेला ये अबर इसहाक ले याकूब थाने आयी रेला।