48. जिसु आका किरिया करला जिसु महापरू आए

जेबे महापरू संसार के बनाएला तो सोबू अच्छा रेला। काई पाप ना रेला। आदम आओरी हवा गोटोक दूसरा के प्रेम करते रेलाए, आओरी हाएमन महापरू ले प्रेम करते रेलाए। काई बीमारी आओरी मोरना ना रेला। महापरू असनी आका संसार के चाएते रेला।

शैतान साँपर द्वारा बगीचा आने हवा के कता होएला, काएकाचे की ताके धोका देबार चाएते रेला। तेबे हवा आओरी आदम महापरूर बिरुद्ध पाप करलाए। काएकाचे की हाएमन पाप करिरेलाए ई काचे पृथबी आने रेबा लोक मोरुआत।

काएकाचे की आदम आओरी हवा पाप करिरेलाए, ई काचे केतक आओरी बी खराप होएला। हाएमन महापरूर दुश्मन बनी गलाए। जार परीनामर रूप, तेबले सोबू गोटोक लोक पाप करलाए। सोबू लोक जनम ले महापरूर दुश्मन आए। महापरू आओरी लोकमनर आने शांति ना रेला। मातर महापरू शांति कारबार चाएते रेलाए।

महापरू किरिया करला कि हवार गोटोक बंस शैतानर मुंड के खुंदबाए। हाए ए बी बोल्ला कि शैतान तार लेड़ी के टोकसी। दूसरा भासा आने, शैतान जिसु महापरू के मरते मारसी, मातर महापरू ताके आओरी ले जीउ करी देसी। तार पाचे, जिसु महापरू शैतानर शक्ति के सोबुदाए काचे सराएदेसी। केतक बोरोसोर पाचे, महापरू दरसन देला कि हाए जिसु महापरू जिसु आए।

महापरू हाए पूर ले निजर परिबार के बाचाएला जाके हाए आनबार रेला। नूह ले गोटोक डोंगा बनाएबा काचे बोल्ला कि हाए ई परकार महापरू के हाए लोकमन के बाचाएला जोन तार उपरे बिस्वास करते रेलाए। ई परकार, हाए सोबू के सोबू महापरूर द्वारा मारी देबार लाएगर रेलाए काएकाचे कि हाएमन पाप करी रेलाए। मातर महापरू हाए सोबू के बाचाएबा काचे जिसु के पोटाएला जोन तार उपरे बिस्वास करते रेलाए।

करोड़ो बोरोस ले, याजक महापरू काचे चेगाएते रेलाए। एटा दकाउआए कि लोकमन पाप करलाए, आओरी एटा बी कि महापरू द्वारा हाएमनके दंडित कारबार लाएगर रेलाए। मातर हाए बलिदान पापमन के खेमा ना करके सकते रेलाए। जिसु सोबूले बड़े महायाजक आए। हाए हाएटा करला जोनटा कोनी याजन ना करके सकते रेलाए। हाएमन हाए गोटोक बोली बलिदान होएबा काचे निजे के दी देला जोन सोबू के पापमन के मिटाएके पारते रेला। हाए स्वीकार करला कि महापरू हाए सोबूर पापमन काचे ताके दंडित करोत। ई काचे, जिसु सिद्ध महायाजक रेला।

महापरू अब्राहम के बोल्ला, “मुई तोर द्वारा संसारर सोबू कुल के आशीष देबी।” जिसु ई अब्राहमर बंस रेला। महापरू अब्राहमर द्वारा सोबू कुल के आशीष देऊआए, काएकाचे कि जोन जिसु उपरे बिस्वास करूआत महापरू हाए सोबूके पाप आनले बाचाउआए। जेबे ए लोक जिसु उपरे बिस्वास करूआत, तेबे महापरू तिके अब्राहमर बंस मानुआए।

महापरू अभराम के बोल्ला कि हाए निजर बेटा, तार काचे बलिदान करी देओ। मातर पाचे महापरू इसहाकर पालटा बाली करबा काचे मेंडि देला। हामी सोबू निजर पापमन काचे मारबार लाएगर रेलु! मातर महापरू हामर जागाए मोरबा काचे जिसु के बलिदानर रूप आने देला। ई काचे हामी जिसु के महापरूर मेंडि बोलूआए।

जेबे महापरू मिस्र आने सरा सरी बिपति पोटाएला तेबे हाए सोबू इसराएली परिबार के बोल्ला कि हाएमन गोटोक मेंडि के बाली करोत। हाए मेंडि आने काई पाप ना रेबार रेला। तेबे निजर कोपाटर बाड़देओना आनर उपरे आओरी आली पालि आने तिके तार खून के लगाएबार रेला। जेबे महापरू हाए खून के दकला तेबे हाए तिकर घर मनले आगे ऊटी गला आओरी तिकर पइल पीला मनके ना मारला। जेबे एटा होएला तो महापरू एके फसहर पोरोब बोल्ला।

जिसु फसहर पोरोबोर गोटोक मेंडि पारा आए। हाए केबे पाप ना करला, ई काचे तार आने काई बी खराप ना रेला। हाए फसहर पोरोब समय आने मोरला। जेबे कोनी जिसु उपरे बिस्वास करूआए, तेबे जिसुर खून हाए मानेर पापमनर लागा छुटूआए। एटा असन आए जसन कि महापरू हाए मानेर लगले आगे ऊटी गला, काएकाचे कि हाए ताके दंड ना दे।

महापरू इसराएली लोकमन संगे गोटोक किरिया करला, काएकाचे कि असन लोक रेलाए जोनमोनके महापरू निजर होएबा काचे बाचला आचे। मातर एबे महापरू गोटोक असन किरिया बांदला आचे जोनटा सोबू काचे आए। जोदि कोनी जातिर कोनी बी लोक ए नुआ किरिया के स्वीकार करूआए, तेबे हाए महापरूर लोकमन आने दाखिल होई जाऊआए। हाए असन ई काचे करूआए काएकाचे कि हाए जिसु उपरे बिस्वास करूआए।

मूसा गोटोक असन भविष्यबक्ता रेला जोन महापरूर बचन के बड़े ताक़त संगे परचार करी रेला। मातर जिसु सोबू भविष्यबक्तामन आने सोबूले बड़े आए। हाए महापरू आए, ई काचे जोन सोबू बी हाए करला आओरी बोल्ला हाए महापरूर काम आओरी बचन रेला। ई काचे पबीत्र-सास्त्र जिसु के महापरूर बचन बोलूआए।

महापरू राजा दाऊद के किरिया करी रेला कि राजार रूप आने तार गोटोक बंस महापरूर लोकमन आने सोबुदाए काचे शासन करसी। जिसु महापरूर बेटा आओरी जिसु महापरू आए, ई काचे हाए राजा दाऊदर बंस आए जोन सोबुदाए काचे राज करके सकसी।

दाऊद तो इस्राएलर राजा रेला, मातर जिसु सोबू जगतर राजा आए! हाए आओरी आएसी आओरी सोबुदाए काचे न्याय आओरी शांति संगे निजर राज आने शासन करसी।