29. निर्दयी दासर कावनी

गोटक दिने पतरस ईशु के पचारला, “हे स्वामी, जेबे मोर भाई मोर विरुद्ध ने पाप करुआय, तेबे मोके मोर भाई के कतक हार माप करबार आय? ईशु बोलला, “सत्तर हार। एतार दवारा ईशुर बोलबार मतलब ये रला, कि हामके सबूदाय क्षमा करबार आय, तैबे ईशु ये कावनी के सांगला।

ईशु बोलला, “मापरुर राज असन परकार ले आय। गोटक राजा तार दास के लेखा धरबा काचे होयते रला। हातार गोटक दास, ”पैसार दस हजार थैली बराबर गोटक बड़े सौकारर लागा लागी रला।

मातर हाँय दास तार कर्जा के ना देयके सकला, ऐइकाचे राजा बोलला, एतार कर्जा के देबा काचे ये मुनुक आवरी एतार परिवार के दासर रूप ने बिकी दियास।

हाँय दास राजार छोमे घुटना टेकी करी बोलला, दया कर मोके किडिक समया देस, धन आवरी आपनार कर्जा सबु पैसा के लैवटाय देबी। राजा हाँय दास के दया करला, ऐइकाचे हाँय हातार सबू कर्जा के माप करी देला आवरी ताके जायके देला।

मातर जैबे हाँय दास राजार लगले बाहरे गला, तैबे ताके हातार संगी दास मिरला। जोन हातार किडिकमा कर्जा रला, हाँय दास तार संगी दास के धरला आवरी बोलला, तुई जोन मोर कर्जा लागलीआस मोके देस।

हाँय संगी दास घुटना ने गसरी करी बोलला, मोर ऊपरे दया कर आवरी किडिक समया देस, मुई मोर कर्जार सबु पैसा के देबी। मातर एके छाड़ी हाँय दास तार संगी दास के जेलघर ने पटाय देला अतक दिन तक कि तार कर्जा के देबा तक।

जोन पने होई रला हाके कोनी उजवा दासमन दखलाय आवरी हाँयमन कुबे दुखी होयलाय। हाँयमन राजा लगे गलाय आवरी हांके सबूके सांगलाय।

राजा हाँय दास के आगदेई करी बोलला, हे दुष्ट दास मुई तोर कर्जा के ऐइकाचे माप करी रली, कसन बोलले तुई मोके विनती करी रलीस। तोके पने असनी करबार रला। राजा अतक रिस होई रला कि हाँय, हाँय दुष्ट दास के जेलघर ने पटाय देला अड़क दाय तक कि तार कर्जा देबा तक।

तैबे ईशु बोलला, मोर सरगर पिता तोमरले सबु गोटक लका संगे करसी। जोदि तोमि तोमर भाई के तोमर हृदय ले क्षमा ना करास, तो मोर सरगर पिता तोमर सबु संगे असनी करसी।”