28. जुवान सौउकर अगुवा

गोटक दिने गोटक जुवान सौकार अगुवा ईशु लगे आसी करी ताके पचारला, हे उत्तम गुरु सदा कालर जीवन पायबा काचे मोके काय करबार आय? ईशु ताके बोलला, तुई मोके उत्तम काय काचे बोलबी आस? केबल गोटक उत्तम गुरु आय, आवरी हाँय मापरू आय। मातर जोदि तुई सदा कालर जीवन पायबा काचे होयबी आस तैबे मापरुर नियमर पालन कर।

मोके कोन-कोन आज्ञामनर पालन करबार जरूरी आय? हाँय पचारला, ईशु जबाब देला, हत्या ना करबार, व्यभिचार ना करबार। चोरी ना करबार, झूठ ना बोलबार, आपनार माता – पितार आदर करबार आवरी पड़ोसी के कूद अमता मया करबार।

मातर हाँय जुवान मुनुक बोलला, “ मुई मोर पिलादाय ले ये आज्ञामनर पालन करबी आची। मुई सदा काल तेबे जीव रबा काचे, काय करबार आय। ईशु तार ऊपरे दखला आवरी ताके मया करला।

तेबे ईशु जबाब देला, जोदि तुई सिध्द होयबा काचे होयबी आस तैबे तुई जाई करी आपनार सबु के बिकी देस, आवरी हाँय धन के गरीब लोक के देई देस। आवरी तोके सरग ने धन मिरसी तैबे तुई आसीकरी मोर पिटीबाटे हो।”

जेबे हाँय जुवान मुनुक ईशुर गोट के सुनला, तैबे कुबे दुखी होयला। कसन बोलले हाँय कुबे सौकार रला, आवरी हाँय तार सबु धन सम्पति के देबाकाचे ना होयते रला।

तैबे ईशु तार चेला मन के बोलला, मापरुर राज ने सौकार मनर प्रवेश करबार कुबे हरबर आय। हाँ गोटक सौकार मुनुकर मापरुर राज ने प्रवेश करबार बोलले, कोनी सुजीर नाक ले ऊँट निकरबार सरसरा आय।”

जोन ईशु बोलला, तैबे चेलामन ईशुर गोट सुनबा, के चकित होयलाए। हाँयमन बोललाय, जोदि ये असन आय तैबे मापरू काके बाचायसी।

ईशु चेलामनके दखला आवरी बोलला, “ लोकमन खुद के ना बाचायके सकेत, असन करबार असंभव आय। मातर मापरू काचे कांही पने करबार असंभव नुआय।

पतरस ईशु के बोलला, “ हामी जोन तोर चेलामन आंव हामर सबु के छाड़ी तोर सगे होयलू आचू, तैबे हामर फल काय आय।

ईशु जबाब देला, “ सबु गोटक लोक जोन मोर लागी, घर, भाई -बहिन, माता – पिता, पिला- जिला नोयले धन सम्पति छाड़ला आचे। हाँय ताके 100 गुना कुबे पायसी। आवरी सदा कालर जीवन के पने पायसी। मातर ये समया ने कुबे लोक खुद के बड़े मानुआत, हाँय लोक मापरुर नजर ने शुरू होयबाय। आवरी जोन ये समया ने मंजपुर ने खुद के शुरू मानुआत, हाँय लोक मापरुर नजर ने बड़े होयबाय।”