27. दयालु सामरीर कावनी

गोटक दिने, मूसार नियम के सिखायबा बिता ईशु लगे आयला, हाँय सबूके ये दखायबा काचे होयते रला। ईशु गलत रीती ले शिक्षा देयते रला। ऐइकाचे हाँय बोलला, “हे गुरु सदा कालर जीवन पायबा काचे मुई काय करबी?” ईशु जबाब देला, मापरुर नियम ने काय लिखला आचे।

हाँय मुनुक बोलला, हाँयताने असन बोलसी आचे कि तोर मापरू के तोर सबु मन, जीवन शक्ति, आवरी बुध्दि ले मया कर, आवरी तोर पड़ोसी के तोर असन मया कर। ईशु जबाब देला, ” तुई सत्ते बोलबी आस ! जोदि तुई असन करले तुई सदा कालर जीबन पायबीस।

मातर हाँय नियम सिखायबा बिता लोकमन के दखायबा काचे होयते रला कि तार जीवन जियबार अछा आचे। ऐइकाचे हाँय ईशु के पचारला, “अछा आय तैबे मोर पड़ोसी कोन आय?”

ईशु हाँय नियमसिखायबा बिता के गोटक कावनी सागबार दवारा जबाब देला। गोटक यहूदी मुनुक रला, हाँय गोटक बाटले यरूशलेम शहर ले यरीहो शहर ने आयते रला।

मातर डाकूमन ताके दखलाय आवरी हातार ऊपरे हमला करलाय, हाँयमन हातार सबु के धरलाय। आवरी ताके मारलाय, पेटलाय अधमरा असन मरी हाँयमन गलाय।

हातार तुरतर पाछे, गोटक यहूदी पुजारी हाँई बाटले होई करी गला। हाँय पुजारी मुनुक के बाट ने सोयलार दखला। जड़कदाय हाँय ताके दखला तैबे हाँय बाट ले उजवा बाटे होई करी गला। हाँय, हाँय मुनुक के दखी करी अनदेखा करला।

“किंडीक समया गला पाछे, गोटक लेवी हाँय बाट ने आयला ( लेवी यहूदीमनर गोटक गोत्र रला जोनमन मन्दिर ने पुजारीमनर सहायता करते रलाय ) हाँय लेवी पने हाँय अधमरा होयला मुनुक के दखला आवरी दखी करी ऊजवा बाटले निकरी करी गला।

आवरी गोटक लोक हाँय बाट ने आयला, हाँय सामरियादेशर गोटक मुनुक रला, ( सामरी लोक आवरी यहूदी लोक एतार -हातार विरोध्द करबार आत ) हाँय सामरी माने बाट ने रला हाँय माने के दखला। हाँय दखला कि हाँय यहूदी आय, तेबले पने मातर हाँय तार ऊपरे कुबे तरस खायला। तैबे हाँय तार लगे गला आवरी हातार घाव ने पट्टी बांधला।

आवरी हाँय सामरी हाँय माने के तार कंद ने बोयला आवरी ताके हाँय बाटले गोटक घरे ने नेला। जोन ताने हाँय तार देख -रेख करते रला।

उजवा दिनने हाँय सामरी मुनुक के जिबार रला, हाँय मुनुक, हाँय घर मालिक के पैसा देला, हाँय ताके बोलला, ये मुनुक के देख -रेख कर, जोदि ये पैसा ले आवरी तोर पैसा खर्चा होयले मुई लैवटबा दाय मुई तोर खर्चा होयलार के देबी।”

आवरी ईशु हाँय नियम सिखायबा बिता के पचारला, ” तुई काय विचार करबी आस? ये तीनो लोकमन ले कोन हाँय मुनुकर पड़ोसी आय। जाके मारलाय आवरी पेटी रलाय? “हाँय जबाब देला, “हाँय जोन हातार ऊपरे दया द्खायला। ईशु हाके बोलला, “तुई जा आवरी असनी कर।”