33. गोटक किसानर कावनी

गोटक दिने ईशु झरन रेटे रला। हाँय गोटक कुबे लोक के शिक्षा देयते रला। ईशु के सुनबा काचे अतक कुबे लोक आयलाय कि ईशु हाँय सबू के गोटायबा काचे जगा ना रला, ऐइकाचे हाँय पानी ने रला डोंगा उपरे चेगला, हाँय हाँयताने बसला आवरी लोकमन के शिक्षा देला।

ईशु हाँयमन के ये कावनी सांगला, गोटक किसान बीजा बुनबा काचे निकरला। जैबे हाँय हाथ ले बीजा के बिकरते रला, कोनी बीजा बाट ऊपरे गसरला। मातर छेड़ेमन आसी करी हाँय सबू बीजामन के खायलाय।

उजवा बीजा चचरा भूई ऊपरे गसरला, जोन ताने कुबे माट्टी ना रला। चचरा भूई ऊपरे गसरला बीजा जपके गाजा होयला, मातर हातार चेर भीतरे ना जाई रला। जैबे बेर उदला आवरी घाम होयला, तैबे हाँय बूटा मुरजायला आवरी मरला।

तैबे पने उजवा बीजा बूटामनर मोजी ने गसरला। हाँय बीजा मन बाढ़बार मुरायलाय। मातर काँटामन हांके चेपायला। ऐइकाचे काँटारला भूई ऊपरे गसरला बीजामन बाढ़ला, बूटामन तानले कोनी पने फल ना दरके सकला।

उजवा बीजा अछा भूई ऊपरे गसरला। हाँय बीजा बाढ़ला आवरी जतक बीजा बूनलार रला, हाँयतानले 30,60, आवरी अतक तक कि 100 गुना फल होयला। जोन कोनी पने मापरुर बाटे जाउआय। हाँके ये गोट मन के सुरता करबार आय। जाके मुई बोलबी आची।

ये कावनी चेलामन के विचार ने पढ़ायला, ऐइकाचे ईशु अरत के सांगला, हाँय बीजा मापरुर वचन आय। हाँय बाट गोटक असन माने आय जोन मापरुर वचन के सुनुआय। मातर ताके ना समझे। तैबे शैतान हातार लगले वचन के चोरी करी नेऊआय। शैतान ताके वचन के समझबा ले दूर सोंगाऊआय।

हाँय चचरा भूई असन माने आय जोन, मापरुर वचन के सुनुआय, आवरी आनन्द ले स्वीकार करूआय। मातर जैबे मुश्किल समया आहूआय। नोयले जैबे उजवा लोकमन ताके सताउ आत, तैबे मापरू ले अलगे होई जाऊआत आवरी मापरुर ऊपरे भरोसा करबार छाड़ी देऊआत।

काँटा भूई असन माने आय, जोन मापरुर वचन के सुनुआय, मातर हाँय कुबे गोटमनके चिंता करबार मुराउआय। आवरी हाँय कुबे धन कमायबा काचे मसागत करूआय, आवरी हाँय कुबे वस्तु के पायबा काचे विचार करुआय। किडिक समयार पाछे, येबे हाँय मापरू के मया करबार छाड़ी देऊआय। ऐइकाचे जोन हाँय मापरुर वचन के सीखी रहूआय। हाँय ताके मापरू के हरिक करबा काचे ना होउआय। हाँय धानर सढ़ाई अमता आय, जोन फल उत्पन करके ना सकेत।

मातर अछा भूई ने घसरला बीजा हाँय माने आय, जोन मापरुर वचन के सुनुआय। हातार ऊपरे बिसबास करुआय, आवरी फल देउआय।