35. दयालु पितार कावनी

गोटक दिने ईशु हाँय कुबे लोक मन के शिक्षा देयते रला, जोन हातार सुनबा काचे रुंडा होई रलाय। ये लोक चुगी दरबा बिता आवरी तिकर संगे उजवा लोक पने रलाय, जोनमन मुसार नियम के पालन करबा काचे परयास ना करलाय।

धार्मिक अगुवामन दखलाय कि ईशु ये लोक मन के मिसर अमता गोटायते रला। येइकाचे हाँय मन हेतार हातार लगे ये बोलके मुरायलाय, कि हाँय गलत करसी आचे। ईशु तिकर गोटायबार सुनला। येइकाचे हाँय तीके ये कावनी के सांगला।

गोटक मुनुक रला, ताके दुयटा बेटा रलाय, शुरू बेटा तार बाबा के बोलला, हे बाबा मोके येबे मोर सम्पतिर हिस्सा होयबार आय। तैबे तिकर बाबा दुनो बेटार चोमे तार सम्पतिर बटवारा करी देला।

जपके शुरू बेटा तार सबूके रुंडा करी दूर देश ने गला, आवरी पापर जीवन जियबा ताने तार सबू पैसा के नुकसान करी देला।

एतार पाछे, जोन ताने शुरू बेटा रला, हाँय देश ने गोटक भंयकार अकाल पड़ला, आवरी हातार लगे भोजन गेनबा काचे पैसा ना रला। ऐईकाचे हाँके जोन काम मिरला, हाँय काम बराहामन के चरायबार रला, हाँय अतक दुखी आवरी भूख होई रला कि हाँय बराहामनर खायबाटा के खायबा काचे होयते रला।

“पाछे, सबू सरबा के हाँय शुरू बेटा कुद के बोलला, मुई एताने काय करबी आची? मोर बाबा लगे सबू सेवक मनर खायबाकाचे कुबे आचे। तेबे पने मुई भूखे मरबी आची। मुई मोर बाबा लगे लैवटी जीबी आवरी मोर बाबार गोटक सेवक होयबा काचे बाबा के विनती करबी।

तेबे हाँय शुरू बेटा तार बाबा घरे लैवटी जिबार मुरायला। जैबे हाँय लापी। हातार बाबा ताके दखला आवरी हातार ऊपरे तरस आयला। हाँय पराय करी तार बेटा लगे गला, आवरी हाँके छाती ने धरी चूमला।

तार बेटा बोलला, “हे बाबा मुई मापरू आवरी तोर विरोध ने पाप करली आची। मुई तोर बेटा होयबार लायक पने नुआय।”

मातर तार बाबा तार गोटक सेवक के बोलला, जपके जाई करी सबुले अछा पटई आन आवरी मोर बेटा के पिन्दाहा। हातार हाथे मुंदी आवरी घोड़ ने चप्पल पिन्दाहा। आवरी सबुले अछा पशु के मारा हामी सबू खायबू, आवरी हरिक बनायबू कसन बोलले, “मोर बेटा मरी रला मातर येबे जियला आचे।” हाझी रला मातार येबे हामी पायलू आचू।

ऐइकाचे लोकमन हरिक बनायबार मुरायलाय। किडिक समया होयबा के बड़े बेटा भेड़ा ले काम करी घरे आयला, हाँय गीत, बाजा, आवरी नाचबार के सुनला आवरी चकित होयला कि ये काय होयसी आचे।

जैबे बड़े बेटा जानला, ऐईकाचे हरिक बनायबा आत कसनबोलले हातार भाई घरे आई रला, हाँय कुबे रिस होयला आवरी घरे ना ओलला। हातार बाबा बाहरे आसी करी हाँके तिकर संगे हरिक बनायबा काचे बिनती करला, मातर हाँय माना करला।

हाँय बड़े बेटा तार बाबा के बोलला, ये सबू बरस ने मुई तोर काचे विसवास ले काम करली। कैबिही पने तोर गोट के माना ना करली, मातर तुई कैबिही पने मोके गोटक शुरूमा पशु पने ना देलीस मुई मोर संगवारी मनसंगे भोज करके सकबी। मातर तोर ये बेटा तोर धन के पापी काम करी नुकसान करी देला आवरी हाँय आयला तैबे तार हरिक बनायबा काचे तुई सबुले अछा पशु के मारलीस।

तार बाबा जबाब देला, “मोर बेटा तुई सबूदाय मोर संगे आचीस।” आवरी जोन पने मोर आय, हाँय सबू तोर आय। मातर हामर काचे हरिक बनायबार सत्ते आय, कसन बोलले तोर भाई मरी रला, मातर येबे हाँय जियला। हाँय हाझी रला, मातर येबे हामी ताके पायलू।