36. उजवा रूप होयबार

गोटक दिने ईशु तार तीनटा चेला मन, पतरस, याकूब, आवरी युहन्ना के तार संगे नेला ( युहन्ना नावर चेला हाँय मुनुक नुआय जोन ईशु के बतिसमा देई रला ) हाँयमन पारतना करबा काचे गोटक डेंग डोंगरी ऊपरे गलाय।

जैबे ईशु पारतना करते रला, तैबे तार मुह बेर अमता ऊजर होयला। तार पटई ऊजर अमता पंडरा होयला, जसन मजपुर ने कोनी करके सकबाय तार ले पने अधिक पंडरा।

तैबे मूसा आवरी एलिय्याह भविषद सागबा बितामन परकट होयलाय। ये मानेमन ये मजपुर ने येबेले दरी सैकड़ा बरस पहिले रयते रलाय। हाँयमन तिकर मरबार बारे ने गोटायलाय, कसन बोलले हाँयमन जपके यरूशलेम ने मरी जिबाय।

जड़कदाय मूसा आवरी एलिय्याह ईशु के गोटायते रलाय, तैबे पतरस ईशु के बोलला, हामर काचे ऐईलगे रबार अछा आय। हामी तीनटा रांवटी के बनाऊँ, गोटक तोर काचे, गोटक मूसा काचे, गोटक एलिय्याह काचे। मातर पतरस ना जानते रला कि हाँय काय बोलसी आचे।

जड़कदाय पतरस गोटायते रला, तैबे गोटक चमकबा बादरी ले आसी करी तिकर उपरे अड़कीदाय ढाफी होयला। तैबे हाँयमन बादरी तानले गोटक गोट के बोलबार सुनलाय, “ये मोर बेटा आय, ताके मुई मया करूँआय।” मुई तार ले हरिक आची। तार सुना, हाँय तीनो चेला डरलाय आवरी भूई उपरे सोयलाय।

तैबे ईशु तीके चियला, आवरी बोलला, ना डरा। ऊठा, जैबे हाँयमन सबू बाटे दखलाय तैबे जोन पने हाँय लगे रला। केबल ईशु रला।

ईशु आवरी हाँय तीनो चेला मन हाँय डोंगरी तानले लैवटी करी तले उतरी आयलाय। तैबे ईशु हाँयमन के बोलला, येबे जोन हाँयताने होयला हातार गोट के काकीपने ना सांगा। मुई जपके मरी जीबी आवरी जियबी। हातार पाछे तोमि लोकमन के सांगके सकास।